ICC WTC FINAL : दोश्रो इनिंग्समा भारतलाई सामान्य अग्रता, रिजर्भ डेमा नतिजाको आशा



भारत र न्युजिल्यान्ड बीच आईसीसी वर्ल्ड टेस्ट च्याम्पियनसिप अन्तर्गत पाँचौ दिनको खेल समाप्त हुँदा भारतले दोश्रो इनिंग्समा ३२ रनको अग्रता पाएको छ। पाँचौ दिनको खेल समाप्त हुँदा दुई दिनको खेल वर्षाले तथा केहि समय खराब प्रकाशले समेत खेल अवरुद्ध भएकोले टेस्ट छैठौं दिन रिजर्भ डेमा पनि खेलिनेछ।

टेस्टको छैठौं दिन न्युजिल्यान्ड भारतलाई छिट्टै अलआउट गरेर सकभर सानो योगफल पछ्याउन चाहनेछ भने भारत त्यसको बिपरित सहजै विकेट नदिने पक्षमा हुनेछ। त्यस हिसाबले छैठौं दिनको खेल रोमान्चक हुने अपेक्षा गर्न सकिन्छ।

न्युजिल्यान्डले दोश्रो इनिंग्समा २४९ रन बनाएपछि ३१ रनले पछि परेको भारतले दोश्रो इनिंग्स ब्याटिंग गर्दा दिनको समाप्तिमा ३० ओभर ब्याटिंग गर्दा २ विकेट गुमाएर ६४ रन बनाएको छ। दिनको समाप्तिमा चेतेश्वर पुजारा १२ रन तथा बिराट कोहली ८ रन बनाएर ब्याटिंग गरिरहेका छन्।

रोहित शर्मासंग २४ रनको ओपनिंग साझेदारी गरेपछि ८ रन बनाएका शुबमन गिललाई ११ औं ओभरमा टिम साउदीले एलबिडब्लु आउट गरे। दोश्रो विकेटको लागि रोहितले चेतेश्वर पुजारासंग २५ रनको साझेदारी गरे जसपछि रोहितलाई साउदीले एलबिडब्लु धरापमा पारे जस अघि उनले ३० रन बनाए।

न्युजिल्यान्डको बलिंगमा टिम साउदीले २ विकेट ( ९-३-१७-२ ) लिएका छन्। गिलको विकेट लिंदै साउदीले अन्तर्राष्ट्रिय क्रिकेटमा ६ सयौं विकेट समेत पुरा गरेका छन्।

न्युजिल्यान्डले पहिलो इनिंग्समा २४९ रन बनायो

यस अघि न्युजिल्यान्डले आफ्नो पहिलो इनिंग्समा २४९ रनमा सम्पूर्ण विकेट गुमाउदै ३१ रनको अग्रता पाएको थियो। पाँचौ दिनको सुरुवात १०१/२ को योगफलबाट सुरुवात गरेको न्युजिल्यान्डले बाँकी ८ विकेट गुमाउदा योगफलमा थप १४८ रन जोड्न सक्यो।

न्युजिल्यान्डको लागि ओपनर डेभोन कनवेले सर्वाधिक ५४ रन तथा कप्तान केन विलियमसनले ४९ रन बनाए। टम लाथम र टिम साउदीले समान ३० रन, कायल जेमीसनले २१ रन बनाए।

भारतको बलिंगमा मोहम्मद शामीले सर्वाधिक ४ विकेट ( २६-८-७६-४ ) , इशान्त शर्माले ३ विकेट ( २५-९-४८-३ ) , रभीचन्द्रन आश्विनले २ विकेट ( १५-५-२८-२ ) तथा रभीन्द्र जडेजाले १ विकेट ( ७.२-२-२०-१ ) लिए।

टेस्टको पहिलो इनिंग्समा टस हारेर ब्याटिंग गरेको भारतले २१७ रन बनाएको थियो। भारतको लागि अजिंके रहानेले ४९ रन, बिराट कोहलीले ४४ रन, रोहित शर्माले ३४ रन योगदान दिएका थिए। न्युजिल्यान्डको बलिंगमा कायल जेमीसनले ५ विकेट तथा ट्रेन्ट बोल्ट र निल वाग्नरले समान २ विकेट लिएका थिए।





थप समाचार

द हन्ड्रेड : मोईन अलि कप्तानीको बर्मिंघम ३ विकेटले विजयी

इंग्ल्यान्डमा जारी ‘द हन्ड्रेड’ लिग अन्तर्गत गय राति सम्पन्न लिगको दोश्रो खेलमा मोईन अलि कप्तानीको बर्मिंघम फोनिक्सले ओएन मोर्गन कप्तानीको […]

श्रीलंकाद्वारा भारत ३ विकेटले पराजित

तेश्रो खेलमा भ्रमण टोलि भारतलाई ३ विकेटले पराजित गर्दै श्रीलंकाले सिरिजको सुखद अन्त्य गरेको छ। यस अघिनै भारतले अघिल्लो दुई […]

आमिर अख्तरलाई क्यानको जवाफ

पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट […]

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]