थाईल्याण्डको ठुलो अन्तरको जित, निराश बनायो महिला टिमले

Nepal womens cricket team


बराबरीको टिम मानिएको थाईल्याण्डलाई पनि चुनौती दिन नसकेपछि निराशाजनक नतिजा निकाल्दै नेपालले महिला एसिया कप प्रतियोगितामा बिहिबार लगातार चौथो हार बेहोर्यो l स्कोरकार्ड  , अंकतालिका 

थाईल्याण्डमा जारि प्रतियोगितामा आयोजक टिमसंग प्रतिस्पर्धा गर्नु अघि प्रतियोगिताको खराब प्रदर्शन भुलाउने नेपाली प्रयासले सार्थकता पाएन फलस्वरुप टस जित्नु बाहेक नेपाल अन्य सबै पक्षमा पछि पर्यो l यस अघि नेपालले पाकिस्तान, श्रीलंका, बंगलादेश संग ठुलो अन्तरको पराजय भोगीसकेको छ l

पहिले ब्याटिंग गरेको नेपालले राम्रो सुरुवात गर्यो l पहिलो विकेटको लागि ज्योति पाण्डे र सिता राना मगरले ३० रनको साझेदारी गरेपछि सकारात्मक हुने आशा गरिएको नेपाली इनिंग त्यसपछि तासको पत्ताझैं ढल्यो l ज्योति पाण्डे १६ रन बनाएर टिम योगफल ३० रन हुँदा पहिलो विकेटको रुपमा पेभेलियन फर्किएपछि थप ८ रन जोड्दा नेपाली टिमको ४ खेलाडी आउट भइसकेका थिए l अर्की ओपनर सिता राना मगरले ९ रन बनाइन् l

आठौ ओभरमा ३०/० को अवस्थाबाट चौधौ ओभरमा ३८/५ को खराब स्थितिमा पुगेको नेपाली टिम त्यसपछि पनि सम्हालिन सकेन l ओपनर पाण्डेले बाहेक अन्य कुनै पनि खेलाडीले दोहोरो अंकमा रन जोड्न सकेनन् र महत्वपूर्ण साझेदारी पनि बनाउन सकेनन् l इन्दु बर्मा १, नेरी थापा ७ , रश्मि चौलागाई १, काजोल श्रेष्ठ २, रुबिना क्षेत्री ८ रनमा पेभेलियन फर्किएपछि नेपालको तल्लो क्रमले पनि इज्जत जोगाउन सकेनन् l १९.५ ओभर ब्याटिंग गरे पनि नेपालले ६३ रन मात्रै जोडेर पुरै विकेट गुमायो l

नेपालको इनिंगमा मात्र ३ चौका थियो भने ज्योति पछि नेपालले पाएको ११ रन टिमको योगफलमा दोश्रो सर्बाधिक योगदान थियो l

अनुशासित बलिंग गरेको थाईल्याण्डको लागि सोरनारिन टिप्पोच र सुलीपोर्न लाओमीले २/२ विकेट हात परिन् l

फलस्वरुप ब्याटिंग गरेको थाईल्याण्डले ६४ रनको लक्ष सजिलै भेटायो l ओपनर नट्टाकन चान्टम र सिरिनट्राले पहिलो विकेटको लागि ४६ रनको साझेदारी गरेपछि थाईल्याण्ड सफाज जित तर्फ उन्मुख भएको थियो l अफ स्पिनर सरिता मगरले कसिलो बलिंग गर्दै २ विकेट हात पारेपनि अन्य बलरहरुले विकेट लिन नसक्दा थाईल्याण्डले २ विकेटको नोक्सानीमा १६ ओभरमा खेल जित्यो l

चान्टमले २४ रन योगदान दिईन् भने प्लेयर अफ द म्याच चुनिएकि सिरिनट्राले अविजित २७ रनको योगदान दिईन् l

नेपालले भोलि प्रतियोगिताकै बलियो टोलि भारतको सामना गर्दैछ l अंक तालिकाको पुछारमा रहेको नेपाल र पहिलो स्थानमा रहेको भारत बीचको प्रतिस्पर्धामा नेपाली टिम सामु प्रतियोगितामा आफुलाई प्रमाणित गर्ने अन्तिम मौका हुनेछ l अंकतालिका 

सम्बन्धित : 





थप समाचार

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]