एसियाकप क्रिकेटमा थाईल्याण्डसँग हार्यो श्रीलंका



  • विकेटनेपाल, जेठ २६ – शनिबार

मलेसियामा जारि महिला ट्वान्टी२० एसियाकप क्रिकेट प्रतियोगिता अन्तर्गत आज भएको खेलमा थाइल्याण्डले श्रीलंकालाई ४ विकेटले पराजित गरेको छ। यसअघि बिहिबार भएको खेलमा भारत बंगलादेशसँग ७ विकेटले हारेको थियो जुन भारतको एसियाकप क्रिकेटमा पहिलो हार थियो।

श्रीलंकालाई पराजित गर्नेक्रममा थाइल्याण्डका लागि वंगपाका लिंग्प्रसतले पहिले बलिंग गर्दै ४ ओभरमा मात्र १२ रन खर्चेर ५ विकेट लिएकी थिईन। उनको ५ विकेट र कप्तान सोर्न्नारिन तिपोचले १९ रन खर्चेर २ विकेट लिँदा श्रीलंकाले निर्धारित २० ओभरमा सबै विकेट गुमाउँदै १०४ रनमात्र बनाउन सक्यो।

खेलमा ५ विकेट लिनुका साथै अविजित १३ रन बनाउन मात्र ९ बलमा १ चौका प्रहार गर्दै बिजयी रन समेत बनाएकी वंगपाका लिंग्प्रसत म्यान अफ द म्याच घोषित भईन।

श्रीलंकाका तर्फबाट यसोदा मेन्डिसले २२ रन (१५ बल) तथा अनुष्का संजीवनीले ३२ रन (४५ बल) बनाउँदै पहिलो विकेटको लागि ३१ रनको साझेदारी गरेका थिए। यस्तै ओसाधी रानासिंघेले अविजित २० रन (१८ बल) बनाएपनि अन्य खेलाडीहरु थाई बलिंगको अगाडी चल्न सकेनन्।

जवाफमा टस जितेर लक्ष्य पछ्याउने निर्णय गरेको थाईल्याण्डले निर्णयको फाइदा उठाउँदै ६ विकेट गुमाएर अन्तिम बलमा लक्ष्य पुरा गर्यो। उसका लागि नारुमोई चैवाईले ४३ रन (५६ बल) बनाउँदै पहिलो विकेटका लागि नट्टाकन चन्तम (१५ रन, १६ बल) सँग मिलेर ४३ रन तथा दोश्रो विकेटको लागि नत्ताया बुचथम (१९ रन) सँग मिलेर ३४ रनको साझेदारी गर्दै राम्रो सुरुवात दिलाईन।

जितको लागि अन्तिम २ ओभरमा १६ रन आबश्यक रहेको बेला १९ औं ओभरमा थाइल्याण्डले एकचौका सहित १० रन बटुल्दा १ विकेट समेत गुमायो। अन्तिम ओभरको पहिलो बलमा नत्ताया बुचथम आउट भएपनि त्यसपछिका ५ बलमा १ लेगबाई सहित ६ रन बटुल्दै रोमान्चक जित हात पार्यो।

एसिया कप क्वालिफायर अन्तर्गतको अन्तिम खेलमा नेपाल-थाईल्याण्डबिचको खेल बर्षाले रद्द भएपछी प्रतियोगितामा तेस्रो हुँदै बाहिरिएको थियो।

फाइनलमा भारत-बंगलादेश भिडन्त

प्रतियोगिताको यसअघिका ६ वटा संस्करण आफ्नो पक्षमा पारेको भारत यो पटक पनि उपाधी जित्ने दाउमा रहेको छ भने अर्कोतर्फ बंगलादेशले सातौँ संस्करण भारतको पोल्टाबाट खोस्न चाहन्छ। यसअघि समूह चरणमा भएका ५ खेलहरुमा १/१ खेलमा पराजित हुँदै समान ८ अंकका साथ दुबै टिमहरु शिर्ष २ स्थानमा रहेर फाइनलको यात्रा तय गरे।

प्रतियोगिताको रोमान्चक पक्ष के भने भारत समूहचरणमा भएको एकमात्र खेलमा पराजित हुँदा बंगलादेशको सिकार बनेको थियो। भारत यो नतिजालाई  उल्टाउन चाहन्छ भने बंगलादेश यहि नतिजालाई निरन्तरता दिन चाहन्छ। जुन ३ बाट सुरु भएको प्रतियोगिताको फाइनल खेल भोलि अर्थात १० जुनमा बिहान ११:४५ बजेबाट सुरु हुनेछ।

सम्बन्धित:-

एसियाकप क्रिकेटको ईतिहासमा भारतको पहिलो हार





थप समाचार

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]

रोहित राष्ट्रिय टिमको उपकप्तान

रास्ट्रिय क्रिकेट टिमका माथिल्लो क्रमका युवा ब्याट्सम्यान रोहित पौडेल नेपाली राष्ट्रिय क्रिकेट टिमको उपकप्तान नियुक्त भएका छन्। नेपाल क्रिकेट संघले […]

लगातार तेश्रो हार पछि युगान्डालाई सिरिज

लगातार तेस्रो हारसँगै नेपाली राष्ट्रिय महिला टोलीले युगान्डाविरुद्धको टी–२० अन्तर्राष्ट्रिय सिरिज गुमाएको छ । पाँच खेलको सिरिजमा पाहुना टोली युगान्डा […]