द हन्ड्रेड : विश्व नम्बर-१ टि-ट्वान्टी बलर शाम्सीले सन्दिपको प्रतिस्थापन गर्ने



टि-२० अन्तर्राष्ट्रियमा वरियताका विश्व नम्बर-१ बलर तब्रेज शाम्सीले ‘द हन्ड्रेड’ लिगमा नेपाली स्पिनर सन्दिप लामिछानेको प्रतिस्थापन गर्ने भएका छन्।

सन्दिप लामिछानेले टि-२० ब्लास्ट र द हन्ड्रेड गरि लगातार दुई वटा इंग्ल्यान्डको घरेलु प्रतियोगिता भिसा समस्याका कारण गुमाएका हुन्। द हन्ड्रेड खेल इंग्ल्यान्ड पुगेर क्वारेन्टाइन अवधि समेत पुरा गरेका उनको टियर-५ भिसा इंग्ल्यान्ड क्रिकेट बोर्डले अवैध बताएपछि सन्दिप मंगलबार नेपाल हिंडेका थिए। नेपाली स्पिनरलाई ओभलले ६० हजार पाउण्ड स्टरलिंगमा अनुबन्ध गरेको थियो।

सन्दिप घर फर्किएपछि ‘ओभल इन्भिन्सिबल’ ले उनको स्थानमा दक्षिण अफ्रिकी देब्रे हाते रिस्ट स्पिनर तब्रेज शाम्सीलाई प्रतिस्थापनको रुपमा टिममा अनुबन्ध गरेको छ। दक्षिण अफ्रीकाको लागि ३८ टि-२० खेलेका शाम्सीले ४२ विकेट लिएका छन्। ३१ वर्षीय बलर हाल आयरल्याण्ड भ्रमणमा टि-२० अन्तर्राष्ट्रिय सिरिज खेलीरहेका छन्। जुलाई २४ तारिखमा सिरिज सकिएपछि उनि इंग्ल्यान्ड प्रस्थान गर्नेछन्।

शाम्सी लिग चरणमा ८ खेल मध्ये ६ खेलमा उपलब्ध हुने बताईएको छ। त्यस अघि टिममा उनको स्थान मिडलसेक्सबाट इंग्ल्यान्डको घरेलु क्रिकेट खेलीरहेका अस्ट्रेलियाका लेग स्पिनर नाथन सोटरले लिनेछन्। टिममा सुनिल नारायण र कोलिन इन्ग्राम अन्य दुई विदेशी खेलाडीहरु रहेका छन्।

लिगमा ओभल ओभल इन्भिन्सिबलले पहिलो खेल जुलाई २२ तारिखमा ओरिजिनल बिरुद्ध खेल्ने तालिका रहेको छ।

दक्षिण अफ्रिकी स्पिनर शाम्सीले सन्दिपलाई प्रतिस्थापन गर्नेछन्

ईसीबिलाई सन्दिपको प्रश्न “मेरो भिसा कसरि अवैध?”

इंग्ल्यान्ड प्रवेश गरेर क्वारेन्टाइन समेत बसेपछि अचानक भिसा अवैध बताईएपछि निराश सन्दिपले मंगलबार सामाजिक संजाल मार्फत इंग्ल्यान्ड क्रिकेट बोर्ड ( ईसीबि ) लाई आफ्नो भिसा एक्कासी कसरि अवैध भएको कारण सोधेका थिए –

“म द हन्ड्रेड गुमाउनु पर्दा निराश छु। म ओभल इन्भिन्सिबलबाट खेल्न उत्साहित थिए जसको लागि इंग्ल्यान्ड क्रिकेट बोर्डको अधिकारीहरुले दिएको सबै निर्देशन पालना गरेको थिएँ।”

“जब मैले टियर-५ भिसाको लागि आवेदन दिएको थिए त्यस बेला टि-२० ब्लास्ट र द हन्ड्रेडमा मेरो सहभागिताको लागि एउटा प्रायोजन प्रमाणपत्र मात्र पर्याप्त भएको बताईएको थियो। कोभिड-१९ को स्थितिको कारण मेरो भिसामा ढिलाई भएका कारण वर्सेस्टरशायरले मेरो अनुबन्ध रद्द गर्यो। तर मलाई अधिकारीहरुले पुनः सुचित गर्दै जुलाई १० भन्दा अघि इंग्ल्यान्ड आएको खण्डमा मेरो COS सक्रिय हुने जानकारी गरिएको थियो।”

“म युके जुलाई ९ तारिखमा आईपुगे जुन दौरान इमिग्रेसनमा कुनै समस्या थिएन र म सरकारी मान्यताप्राप्त क्वारेन्टाइनमा पुगे। तर क्वारेन्टाइन अवधि पुरा हुनु दुई दिन अघि मलाई १८ जुलाईमा इंग्ल्यान्ड क्रिकेट बोर्डले बतायो कि भिसा वैध छैन र मैले सक्दो छिटो देश छोड्नु पर्नेछ।”


“म सोधीरहेको छु कि के गलत भयो जसको जवाफ इंग्ल्यान्ड क्रिकेट बोर्डसंग छैन। म बुझ्न सक्छु कि परिस्थिति कुनै पनि बेला प्रतिकुल हुनसक्छ तर कम्तिमा मलाई यो कुरा को स्पस्ट जवाफको हकदार छु कि कि मेरो वैध भिसा एक्कासी कसरी अवैध भयो।”

“मैले यो प्रतियोगिताको हिस्सा बन्न धेरै त्याग गरेको छु र सबै टिमहरुलाई शुभकामना दिन्छु। मलाई युकेको जनताहरुले सधै माया दिएका छन् र म इंग्ल्यान्ड क्रिकेट बोर्डलाई यो घटनालाई नियाल्न आग्रह गर्छु ताकी अरुले यस्तो समस्या भोग्न नपरोस्। म उनीहरुको लागि पनि दुखित छु जो मेरो यो प्रतियोगितामा सहभागिताको लागि उत्साहित थिए। अगाडी सुखद दिन आउनेछ।” सन्दिपले लेखेका छन्।

नेपाली स्पिनर पहिलो पटक इंग्ल्यान्डको लिग खेल्न छानिएका थिए। यस अघि इंग्ल्यान्डकै टि-२० ब्लास्ट प्रतियोगितामा भिसा समयमा नआएपछि वर्सेस्टरसायरले अनुबन्ध रद्द गर्दा सन्दिपले प्रतियोगितानै गुमाउनु परेको थियो।





थप समाचार

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]