खुकुरी कप: सागरको प्रदर्शनमा हिमालयको लगातार तेस्रो जित, ओएसिसले खोल्यो जितको खाता



  • विकेटनेपाल, माघ १५ – सोमबार

खुकुरी च्यालेंजर्स कप टी २० क्रिकेट प्रतियोगिता अन्तर्गत सोमबार भएका खेलहरुमा वाई वाई ग्रेट हिमालय क्रिकेट एकेडेमी (जिएचसिए) तथा ओएसीस क्रिकेट एकेडेमीले जित दर्ता गरेका छन् ।

पहिलो खेल: त्रिभुवन आर्मी क्लब Vs ग्रेट हिमालय क्रिकेट एकेडेमी

मुलपानी मैदानमा भएको पहिलो खेलमा ग्रेट हिमालय क्रिकेट एकेडेमीले त्रिभुवन आर्मी क्लबलाई ५ विकेटले पराजित गरेको थियो ।

त्रिभुवन आर्मीले दिएको ८३ रनको लक्ष्य जीएचसीएले १८.४ ओभरमा ५ विकेट गुमाउदै पुरा गरेको थियो । जिएचसिएको जितमा रास्ट्रीय टिमका सदस्य समेत रहेका प्रदिप ऐरीले २६ रन, आयुष्मन बमले २२ रन, कमल सिंह ऐरीले अविजित १३ रन तथा रुपेश श्रीवास्तवले अविजित १० रन प्रहार गरे ।

यस अघि त्रिभुवन आर्मीले ब्याटिंग गर्दै २० ओभरमा ९ विकेट गुमाएर ८३ रन बनाएको थियो ।

त्रिभुवन आर्मीका रास्ट्रीय क्रिकेटर नरेश बुढाएरले ३५ रन, भुपेन्द्र थापाले १३ रन, चन्द्र साउदले अविजित १० रन बनाएपनि अन्यले दोहोरो अंक छुन सकेनन् ।

त्रिभुवन आर्मीलाई सस्तैमा रोक्न जीएचसिएका सागर ढकालले ४ विकेट लिन ४ ओभरमा १ मेडन राख्दै १० रन खर्चिदै म्यान अफ द म्याच घोषित भए भने कमल ऐरीले ३ तथा रुपेश श्रीवास्तवले २ विकेट हात पारे ।

यो ग्रेट हिमालय क्रिकेट एकेडेमीको लगातार तेस्रो जित हो, यसभन्दा अगाडी उसले आईओई थापाथलीलाई ८ विकेटले पराजित गरेको थियो भने ओएसीस क्रिकेट एकेडेमीलाई ५७ रनले पराजित गरेको थियो ।

दोश्रो खेल: ओएसीस क्रिकेट एकेडेमी Vs आईओई थापाथली

आजै मुलपानी मैदानमा भएको दोश्रो खेलमा ओएसीस क्रिकेट एकेडेमीले आईओई थापाथलीलाई १८ रनले पराजित गर्यो ।

टस हारेर ब्याटिंग गरेक ओएसीसले सुसन कार्कीको ३८ रनको मद्दतमा २० ओभरमा ८ विकेट गुमाउदै १३१ रनको योगफल तयार पार्यो । यस्तै रोशन पुलामी मगरले २४ रन बनाउदा अतिरिक्त १९ रन पायो ।

म्यान अफ द म्याच घोषित ओएसीसका नितेश थापा

आइओई थापाथलीका सागर थापाले ३ तथा सुशील भट्टले २ विकेट हात पारे ।

जवाफमा उत्रेको आईओई थापाथालीले ११३ रन बनाउदा १८.२ ओभरमा सबै विकेट गुमायो । पहिलो विकेटका लागि ओपनरहरु आदित्य पौडेलले १८ तथा अच्युत थापा मगरले १४ रन बनाउदै ४० रनको साझेदारी गरेका थिए ।

तर म्यान अफ द म्याच समेत घोषित ओएसीसका नितेश थापाले ४ विकेट लिन १९ रन खर्चिदा अन्य ब्याट्सम्यानले रन जोड्न सकेनन् । सचिन शर्माले पनि २ विकेट हात पारे ।

अंक तालिका

Group A

TEAM MATCH WIN LOSS NO RESULT POINTS
Shantinagar Youth Club 3 2 0 1 7
RCA Pyuthan Challengers 3 1 1 1 4
KCTC 2 1 0 1 4
Ultimate Indoor Cricket 3 0 2 1 1
Malpokhari Cricket Club 1 0 1 0 0

 

Group C

TEAM MATCH WIN LOSS NO RESULT POINTS
Wai Wai GHCA 3 3 0 0 9
IOE Thapathali 3 1 2 0 3
Nepal Cricket School 2 1 1 0 3
Oasis Cricket Academy 3 1 2 0 3
Tribhuwan Army Club 1 0 1 0 0

नोट: समूह बि र डी का खेलहरु भएका छैनन् ।

भोलि हुने खेलहरु:

पहिलो खेल: मालपोखरी क्रिकेट क्लब Vs आरसीए प्युठान च्यालेंजर्स

दोश्रो खेल: केसिटीसी Vs शान्तिनगर युवा क्लब





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]