युगान्डाले अन्तिम ओभरमा ४ विकेट लिँदै डेनमार्कसँग १ रनको रोमान्चक जित निकाल्यो



  • विकेटनेपाल, बैशाख २० – बिहिबार

मलेसियामा जारि विश्व क्रिकेट लिग डिभिजन ४ को दशौँ खेल अन्तर्गत डेनमार्कले अन्तिम ओभरमा जितको लागि ४ रन आबश्यक रहेको बेला मात्र ३ रन बनाउँदै ४ विकेट गुमाएपछी युगान्डाले १ रनको रोमान्चक जित हात पारेको छ ।

मलेसियाको किनरारा ओभल मैदानमा आजै भएको खेलमा टस हारेर पहिले ब्याटिंग गरेको युगान्डाले निर्धारित ५० ओभरमा ८ विकेट गुमाएर २१५ रन बनाएको थियो । उसका लागि हमु कायोन्डोले ५१ रन बनाउने क्रममा ९८ बलमा २ चौका हान्दै ब्रायन मासबासँग ७९ रनको साझेदारी गरेका थिए । मासबाले ४७ रन बनाउन ९९ बलमा ४ चौका प्रहार गरेका थिए ।

यस्तै ८ औं विकेटको लागि अचेलम र विस्वाले ५८ रनको साझेदारी गरेका थिए । म्यान अफ द म्याच अचेलमले आउट हुनुभन्दा अगाडी ३९ रन बनाउन २८ बलमा २ चौका र समान छक्का हानेका थिए भने विस्वाले अविजित ३७ रन बनाउनेक्रममा १७ बलमा १ चौका र ४ छक्का प्रहार गरेका थिए । बलिंगतर्फ डेनमार्कका अनिकु उद्दिनले ४४ रन खर्चेर तथा जधावले ४८ रन खर्चेर समान २/२ विकेट लिएका थिए भने बसिर शाह र एसए अहमदको नाममा १/१ विकेट रह्यो ।

जवाफमा बर्षा भएपछी २९ ओभरमा १३१ रनको लक्ष्य पाएको डेनमार्कले पुरै २९ ओभर खेलेर सबै विकेट गुमाउँदै १२९ रन मात्र बनाउन सक्यो । उसका लागि कप्तान हम शाहले ३७ रन (६४ बल, ३ चौका, १ छक्का) तथा टी भराजले आक्रामक ३२ रन (२३ बल, ४ चौका, १ छक्का) बनाउँदै ३० रन तथा एफए फ्लोक्केरले कप्तान हम शाहसँग मिलेर ५७ रनको साझेदारी गरेपनि जित दिलाउन सकेनन् । फ्लेक्केरले २५ रन (५३ बल, २ चौका) बनाए ।

कुनै समय ५ विकेट मात्र ११५ रनमा गुमाएको डेनमार्कले जितको लागि थप १५ रन चाहिएको अवस्थामा १४ रन मात्र बनाउँदै थप ५ विकेट गुमायो । अन्तिम ओभरमा डेनमार्कलाई जितको लागि मात्र ४ रन आबश्यक थियो र हातमा ४ विकेट थियो तर २ जना ब्याट्सम्यान रन आउट र अन्य दुईजना ठुलो सट खेल्ने चक्करमा आउट भएका थिए । बलिंगतर्फ युगान्डाका आरजी मुकसाले २ विकेट लिन ३ रन खर्चे भने अन्य ६ जना बलरले १/१ विकेट लिए ।

अहिलेसम्मको अंकतालिका:

नोट: प्रतियोगिताको शीर्ष २ टिमहरु बिश्व क्रिकेट डिभिजन ३ मा प्रवेश गर्नेछन् भने अन्तिमका दुई टिमहरु डिभिजन ५ मा झर्नेछन् । (अंकतालिका: क्रिकइन्फो)

(फोटो: आइसीसी)





थप समाचार

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]

IPL : कोलकाताद्वारा हैदरावादलाई १८८ रनको लक्ष्य

इन्डीयन प्रिमियर लिग ( आईपीएल ) अन्तर्गत तेश्रो खेलमा कोलकाता नाइट राइडर्स र सनराइजर्स हैदरावाद प्रतिस्पर्धा गरिरहेका छन्। एमए चिदम्बरम […]

क्यानले थाल्यो नामिबियासंग एकदिवसीय सिरिजको तयारी

नेपाल क्रिकेट संघ ( क्यान ) ले आगामी मे महिनाको तेश्रो साता नामिबियासंग एकदिवसीय अन्तर्राष्ट्रिय सिरिज गर्ने तयारी गर्ने भएको […]

IPL : चेन्नाई बिरुद्ध धवनको कीर्तिमान, दिल्लीको शानदार जित

आईपीएल २०२१ अन्तर्गत दोश्रो खेलमा दिल्ली क्यापिटल्सले चेन्नाई सुपर किंग्सलाई ७ विकेटले सहजै पराजित गर्दै विजयी सुरुवात गरेको छ। मुम्बईको […]