सनसनीपूर्ण खेल सुपर-ओभरमा जित्दै ‘टियु’ फाइनलमा : युनिभर्सिटी कप

Subash Khakurel


फिचर फोटो : सुबास खकुरेल (टियु)

  • विकेटनेपाल – २ चैत्र, शुक्रवार

काठमाडौँ त्रिभुवन अन्तर्राष्ट्रिय क्रिकेट मैदानमा जारि ‘गोल्डेन गेट युनिभर्सिटी कप क्रिकेट’ प्रतियोगिताको शुक्रवार सम्पन्न सेमिफाइनल खेलहरु जित्दै टियु र डीएभी फाइनल प्रवेश गरेका छन्। सेमिफाइनलमा टियुले रोमान्चक खेलमा कस्मसलाई तथा डीएभीले गोल्डेन गेटलाई पराजित गरे। प्रतियोगिताको उपाधिका लागि शनिवार हुने फाइनलमा टियुले डीएभीको सामना गर्नेछ।

पहिलो सेमिफाइनल : सुपरओभरमा टियु बिजयी, सुबास खकुरेल उत्कृस्ट 

दिनको पहिलो खेलमा टियुले कस्मस कलेज माथि सुपर ओभरमा रोमान्चक ८ रनको जित दर्ता गर्न सफल भयो।

टस जित्दै टियुले पहिले बलिंग गर्ने निर्णय लिएपछि ब्याटिंगमा उत्रिएको कस्मसले २० ओभरमा ६ विकेट गुमाएर १७० रन जोडेको थियो। उसको इनिंगमा अमित श्रेष्ठले ६० रन (४४ बल, ७ चौका, २ छक्का) र सन्दिप जोराले अविजित ५७ (३० बल, ४ चौका र ४ छक्का) रन जोडेका थिए। टियुको बलिंगमा सागर ढकालले ३ विकेट लिए।

जवाफमा निर्धारित २० ओभरको खेलमा पहिले ब्याटिंग गर्दै कस्मसले दिएको १७१ रनको पिछा गरेको टियुले ८ विकेट गुमाएर १७० रन जोड्यो। कुनै समय मात्र २६ रन जोड्न २ विकेट गुमाएको टियुको ब्याटिंगलाई उकास्ने क्रममा म्यान अफ द म्याच सुबास खकुरेलले उत्कृस्ट इनिंग खेले। ५२ बलको सामना गरेका सुबासले ८ चौका र ३ छक्का सहित ७६ रन जोडे। यस्तै कप्तान पृथु बास्कोटाले ३० रन जोडे।

अन्तिम ओभरमा टियुलाई जितको लागि १० रन आवस्यक थियो र बलिंग गर्न आए कस्मसका सन्दिप जोरा।

सुबासले पहिलो २ बल डट खेले जसपछि लगातार २ बल जोराले वाइड फाले। खकुरेलले तेश्रो बललाई छक्का प्रहार गर्दै जितको अन्तर कम गराए। अब टियुलाई जितको लागि मात्र २ रन आवस्यक थियो र बाँकी थियो ३ बल। चौथो बलमा सुबासले डट खेले जसपछि २ बलमा जित्न २ रन चाहियो। पाँचौ बलमा सुबासले १ रन मात्र लिन सके र स्ट्राइक परिवर्तन गरे। अन्तिम बलमा जितको लागि मात्र १ रन आवस्यक थियो र टिमको स्कोर बराबरीमा थियो। सन्दिप जोराको बलमा अन्तिम बलको सामना गरेका सागर ढकालले रन बनाउन सकेनन्। स्टम्पको नजिक बसेर किपिंग गरेका हिमान्सु दत्ताले अन्तिम बल समप्ता रन लिने मौका थिएन र ढकालले क्रिज छोडेनन्। रन लिन क्रिज छोडेका खकुरेल दत्ताको थ्रोमा रन आउट हुन पुगेपछि खेल बराबरी भएको थियो।

कुल ४० ओभरमा जम्मा ३४० रन बनेर १४ विकेट पतन हुँदा समेत खेल बराबरीमा सकिएपछी नतिजा निकाल्न सुपरओभरको सुरुवात भयो।

सुपरओभरमा के भयो

पहिले ब्याटिंग गर्न टियुबाट सोनु तामांग र सुबाश खकुरेल उत्रिए। उनीहरुले सामना गर्दैथिए कस्मसका तिब्र गतिका बलर दिपेश श्रेष्ठको। सुपरओभरमा दिपेशले राम्रो सुरुवात गरे। पहिलो दुईबलमा मात्र ३ रन बन्न सक्यो। तर तेस्रो बलमा सोनु तामांगले छक्का प्रहार गरे र चौथो बलमा दुई रन तथा पाँचौं बलमा १ रन निकाल्न सफल भए। सुपरओभरको अन्तिम बलमा सुबास खकुरेलले अर्को छक्का प्रहार गर्दै टियुको स्कोर १८ रन पुर्याए।

Sonu Tamang
सोनु तामांग

जितका लागि एक ओभरमा १९ रनको बिजय लक्ष्य लिएर कस्मसका कुशल भुर्तेल र सन्दिप जोरा ब्याटिंगमा उत्रिए। टियु बलर इशान पाण्डेको पहिलो बलमा जोराले १ रन लिंदै स्ट्राइक भुर्तेललाई दिए। भुर्तेलले दोश्रो बलमा रन बनाउन सकेनन् र तेश्रो बलमा १ रन लिंदै जोरालाई स्ट्राइक दिए। त्यसपछि इशानले वाइड बल फाले भने त्यसपछिको बलमा जोराले २ रन लिए। पाँचौ बलमा पनि जोराले २ रन लिए। अन्तिम बलमा इशानले नो बल फाले जसलाई जोराले २ रन लिए। त्यसपछि अन्तिम बलमा जित्न ९ रन आवस्यक हुँदा पाण्डेले डट बल गर्दै फाल्दा कुल स्कोर १० रन मात्र बनाएपछि कस्मसले सुपर ओभरमा खेल ८ रनले हार्न पुग्यो।

खेलको स्कोरकार्ड

दोसो सेमिफाइनल : आदिल खानको अलराउन्ड प्रदर्शनमा डीएभीको जित

दिनको दोस्रो सेमीफाइनल खेलमा डीएभीले गोल्डेन गेटमाथि ११ रनको जित दर्ता गर्यो। डीएभीलाई जित दिलाउन यस प्रतियोगितामा उत्कृस्ट लयमा रहेका पुर्व अन्डर-१९ रास्ट्रिय खेलाडी आदील खानले उत्कृस्ट प्रदर्शन गरे।

टस जित्दै पहिले ब्याटिंग गरेको डीएभीले निर्धारित २० ओभरमा अल आउट हुनअघि १२० रन मात्र जोडेको थियो। उसको इनिंगमा आदील खानले सर्वाधिक २७ रन (२५ बल १ चौका र १ छक्का) तथा सुमित महर्जनले २२ रन जोडे। गोल्डेन गेटको बलिंगमा सन्तोष भट्टले ३ र राशिद खानले २ विकेट लिएका थिए।

Man of the match Aadil Khan

जवाफमा १२१ रनको सामान्य विजय लक्ष्यको पिछा गर्न मैदान उत्रिएको गोल्डेन गेटले निर्धारित २० ओभरमा ८ विकेट गुमाएर १०९ रनमात्र जोड्न सक्यो र नतिजा ११ रनले डीएभीको पोल्टामा सुम्पिन बाध्य भयो। गोल्डेन गेटको चेजमा नरेश बुढाएरले ३७ र भुपेन्द्र थापाले २७ रन जोड्न बाहेक अन्य ब्याट्सम्यानहरुले दोहोरो अंकमा स्कोर गर्न सकेनन्। डीएभीको बलिंगमा आदील खानले ३ विकेट लिए।

खेलको स्कोरकार्ड 

कुल १६ वटा टिमको सहभागीता रहेको प्रतियोगिताको बिजेताले २ लाख रुपैयाँ तथा उपविजेताले १ लाख रुपैया प्राप्त गर्नेछन्। यस्तै उत्कृस्ट बलर र ब्याट्सम्यानले १० हजार रुपैया तथा प्रत्येक खेलको उत्कृस्ट खेलाडीले ५ हजार रुपैयाँ बराबरको एक्सटेपको जुत्ता र नेपाल टेलिकमद्वारा १ हजार रुपैया प्राप्त गरिरहेका छन्।

सहभागी टिमहरु- 

गोल्डेनगेट कलेज, त्रिभुवन युनिभर्सिटी ‘ए’ , त्रिभुवन युनिभर्सिटी ‘बि’ , सेन्ट जेभियर कलेज, कसमस कलेज, नेपाल कमर्श क्याम्पस, डि.भी कलेज, ट्रिटन कलेज, शंकरदेव कलेज, क्यारेबियन कलेज, ओमेगा कलेज, युनिग्लोब कलेज, के एण्ड के कलेज, न्यु समिट कलेज, बन कलेज र जनता उच्च मावि





थप समाचार

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]

IPL : कोलकाताद्वारा हैदरावादलाई १८८ रनको लक्ष्य

इन्डीयन प्रिमियर लिग ( आईपीएल ) अन्तर्गत तेश्रो खेलमा कोलकाता नाइट राइडर्स र सनराइजर्स हैदरावाद प्रतिस्पर्धा गरिरहेका छन्। एमए चिदम्बरम […]

क्यानले थाल्यो नामिबियासंग एकदिवसीय सिरिजको तयारी

नेपाल क्रिकेट संघ ( क्यान ) ले आगामी मे महिनाको तेश्रो साता नामिबियासंग एकदिवसीय अन्तर्राष्ट्रिय सिरिज गर्ने तयारी गर्ने भएको […]

IPL : चेन्नाई बिरुद्ध धवनको कीर्तिमान, दिल्लीको शानदार जित

आईपीएल २०२१ अन्तर्गत दोश्रो खेलमा दिल्ली क्यापिटल्सले चेन्नाई सुपर किंग्सलाई ७ विकेटले सहजै पराजित गर्दै विजयी सुरुवात गरेको छ। मुम्बईको […]