ईपीएल सुरुवातको अघिल्लो दिन यस्तो देखियो टियु मैदान ( फोटो फिचर )



  • विकेटनेपाल, पुष २ 

एभरेस्ट प्रिमियर लिग – ईपिएल टि-२० प्रतियोगिता सोमबार देखि टियु क्रिकेट मैदानमा सुरु हुँदैछ। नेपालकै ठुलो घरेलु प्रतियोगिताको लागि ईपीएल आयोजकले आइतबार साँझसम्म अन्तिम तयारी गरिरहेको छ।

बिभिन्न शहरका कुल ६ वटा फ़्रेन्चाइज टिमहरु सहभागी हुने प्रतियोगिताको बिजेताले रु. २१ लाख पाउनेछ। काठमाडौँ किंग्स ११ , ललितपुर प्याट्रियट्स, बिराटनगर वारियर्स, भैरहवा ग्ल्याडीयटर्स, पोखरा राइनोज र चितवन टाइगर्स प्रतियोगितामा सहभागी टिमहरु हुन्।

उद्घाटन खेलको अघिल्लो दिन टियु मैदानमा पेभेलियन, भीआईपी, मिडिया, बाउन्ड्री लाइन, मैदानको थ्री डी बिज्ञापन म्याट, पिच लगायत पक्षहरुको अन्तिम चरणको कामहरु भइरहेको थियो। मैदानको पिच, सजावट तथा अन्य कामहरु गर्न भारतबाट बिशेष ब्यक्तिहरु आएका छ जसको उपस्थिति पिच, मैदान तथा अन्य कुराहरुमा देख्न सकिन्थ्यो।

मैदानमा राखिएको १६/९ फिटको एलईडी स्क्रिन

खेल हेर्न पुग्ने दर्शकहरुले मैदनमा दर्शकहरुले लाइभ डिजे, क्राउड रेजर, चियर लिडर्सको मजा लिन सक्ने आयोजकले बताएका छन्। मैदानमा खानपिन, टिकार काउन्टर,सफा ट्वाइलेट, व्यवस्थित पार्किंगको ब्यबस्था गर्ने समेत बताईएको छ। खेल हेर्न पुग्ने दर्शकहरुले प्रत्येक दिन सेलिब्रिटीहरुको उपस्थितिमा मनोरंजन प्रदान गर्ने तथा बिभिन्न पुरस्कारहरुको समेत ब्यबस्था गरिनेछ।

पिचको तयारीको लागि भारतबाट क्युरेटर बोलाइएको छ
पिचको तयारीको लागि भारतबाट क्युरेटर बोलाइएको छ

मैदानमा उपस्थित दर्शकहरुले यो पटक १६/९ फिटको एलईडी स्क्रिन मार्फत खेल हेर्न पाउनेछ जुन मैदानको उत्तरपुर्बी क्षेत्रमा राखिएको छ। ईपीएलको खेल हेर्न दर्शकहरुले आईएमईको जुनसुकै काउन्टरबाट तथा मैदानमै टिकट पाउनेछन्। विद्यार्थीको लागि रु. ५० तथा अन्यको लागि रु. १०० टिकट मूल्य राखिएको छ।

पेभेलियन र डगआउट निर्माण गरिंदै
भीआईपीको लागि ठाउँ

गत बर्षको एभरेस्ट प्रिमियर लिग जस्तो मैदानको हरियाली यो पटक देखिएको छैन। मैदान सजावट तथा बिज्ञापन होर्डिङ बोर्ड तथा अन्तिम चरणको कामहरु सकिएपछि मैदान केहि राम्रो भने देखिने अनुमान गर्न सकिन्छ।

मैदानमा विज्ञापन पन्ट गरिंदै

पुष ३ गते सुरु हुने प्रतियोगिताको उद्घाटन खेलमा सोमपाल कामि मार्की खेलाडी रहेको काठमाडौँ किंग्स एक्स-आई र ज्ञानेन्द्र मल्ल मार्की खेलाडी रहेको ललितपुर प्याट्रिएट्स बीच ११ बजे सुरु हुनेछ।

बाउन्ड्री रोप र होर्डिंग बोर्ड

सिंगल राउण्ड रोबिनको आधारमा संचालन हुने प्रतियोगिताको लिग चरणको खेल पुष ११ गते सकिनेछ जसपछि १३ गते पहिलो क्वालिफायर र इलिमिनेटर हुनेछ। पुष १३ गते दोश्रो क्वालिफायर हुनेछ। पुष १५ गते शनिबार फाइनल खेल आयोजना हुनेछ।

टियु मैदान यो पटक हरियो देखिनेछैन

दर्शक छिर्ने गेट
पेभेलियन छिर्ने गेट

भिडियो हेर्नुस – 

एभरेस्ट प्रिमियर लिग सम्बन्धित – 





थप समाचार

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]