यू-१६ क्रिकेट लिग : प्रदेश ३ र प्रदेश ५ फाइनलमा



  • विकेटनेपाल, चैत २४ 

काठमाडौं – प्रदेश ३ र प्रदेश ५ ले यू-१६ क्रिकेट लिगको उपाधिका लागि भिड्ने भएका छन्। आइतबार कीर्तिपुरस्थित टीयू मैदानमा भएको भएको सेमिफाइनल खेलमा जित दर्ता गर्दै दुवै टोलीले फाइनलमा स्थान बनाएका हुन्।

दिनको पहिलो खेलमा प्रदेश ३ ले प्रदेश २ लाई १५ रनले पराजित गर्यो । टस हारेर ब्याटिङको निम्तो पाएको प्रदेश ३ ले २९ ओभरमा अलआउट हुँदै १ सय ५४ रन जोड्यो ।

ओपनर आईश भट्टराईले ७७ रनको शानदार इनिङ्स खेलेपछि प्रदेश ३ ले बलियो योगफल खडा गरेको थियो । म्यान अफ द म्याच घोषित आईशले ६६ बलको सामना गर्दै ८ चौका र २ छक्का प्रहार गरे । कप्तान दीपक बोहोरा १०, प्रशान्त कामत १३, अशोक पौडेल १२ तथा कृष् कार्कीले २ छक्कासहित १६ रनको योगदान दिए ।

प्रदेश २ का लागि निखिल कुमार सिंहले ३, इमरान शेख र विशाल पटेलले २-२ तथा प्रशान्त सिंह र अरबाज अन्सारीले १-१ विकेट लिए ।

Bibek Darai of P3 is bowled by Bishal Patel of P2

जवाफमा प्रदेश २ ले २८.५ ओभरमा अल आउट हुनुअघि १ सय ३९ रनमात्र जोड्न सक्यो । ओपनर इमरान शेख ५ र विरेन्द्र साहानी १३ रनमा आउट भए । रोहण विकले २० र पर्शुराम यादवले ३१ रनको योगदान दिएपनि प्रदेश २ जितसम्म पुग्न सकेन । प्रशान्त सिंहले १० बलमा १ चौका र २ छक्का प्रहार गर्दै २२ रन जोडेपनि उनी लामो सट खेल्ने धुनमा क्याचआउट भए । प्रदेश ३ का सक्रिय कार्कीले ३, तिलक भण्डारी र दीपक बोहोराले २-२ तथा सिमान्त घिमिरे र विवेक दराईले १-१ विकेट लिए ।

प्रदेश-५ को जित 

अर्को सेमिफाइनलमा प्रदेश ५ ले कप्तान विशालविक्रम केसीको अलराउन्ड प्रदर्शनमा प्रदेश ७ लाई ६ विकेटले हरायो । वर्षाका कारण २२ ओभरमा छोट्याइएको खेलमा टस जितेर ब्याटिङ रोजेको प्रदेश ७ ले १८.५ ओभरमा अलआउट हुनुअघि ७७ रनमात्र जोड्न सक्यो ।

राहुल भण्डारीले १९ तथा कप्तान सुवास ऐरले १८ रन जोड्नुबाहेक अन्य ब्याट्सम्यानले उल्लेख्य योगदान दिन सकेनन् । प्रदेश ५ का विशालले र रमेश कुर्मीले ३-३ तथा सुरज खड्काले २ विकेट हात पारे ।

जवाफमा प्रदेश ५ ले १९.२ ओभरमा ४ विकेट गुमाउँदै लक्ष्य प्राप्त गर्यो । ओपनर सुशान्त थापाले २२ रन जोडे । कप्तान विशाल २१ रनमा नटआउट रहे । उनले २४ बलको सामना गर्दै समान १-१ चौका र छक्का प्रहार गरे । अमर मिश्राले ११ र प्रकाश गिरीले १० रन जोड्दा दिवस सेन्चुरी पहिलो बलमा नै आउट भए ।

प्रदेश ७ का कप्तान सुवासले ५ ओभरमा २ मेडनसहित ६ रन खर्चेर ३ विकेट लिएका थिए ।

Aaish Bhattarai

सोमबार टीयू मैदानमा विहान ९ बजे उपाधि भिडन्त हुनेछ । चैत्र १९ देखि चलेको प्रतियोगितामा ७ प्रदेशका टोलीले सहभागिता जनाएका थिए । यसै अप्रिल १८ देखि २९ सम्म थाईल्यान्डमा हुन लागेको एसीसी यू-१६ इस्टर्न रिजनको लागि यसै प्रतियोगिताबाट खेलाडी छनोट गरिनेछ । प्रारम्भिक छनोटमा २५ खेलाडी र त्यसपछि १४ खेलाडी अन्तिम टोलीमा छनोट हुनेछन् ।

युवा तथा खेलकुद मन्त्रालयको आयोजनामा राष्ट्रिय खेलकुदको परिषदको समन्वयमा हुने प्रतियोगिताको विजेताले १ लाख ५० हजार बराबरको खेल सामग्री प्राप्त गर्नेछ भने उपविजेताले ७५ हजार बराबरको खेलकुद सामग्री पाउनेछ । प्रतियोगिताको व्यास्थापन मदन भण्डारी स्पोर्ट्स एकेडेमीले गरेको छ ।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]