U19 National : सुदूरपश्चिम फाइनलमा, हेमन्त र शेरको घातक बलिंग



लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ।

लिग चरणमा ६ खेल खेल्दा सुदूरपश्चिमले ४ जित र २ हार पछि ८ अंक सहित दोश्रो स्थानमा रह्यो। लुम्बिनी ६ खेलमा ५ जित र १ हार पछि १० अंक सहित पहिलो स्थानमा रह्यो। यस अघिनै लुम्बिनी प्रदेश फाइनल पुगीसकेको छ। उपाधिको लागि लुम्बिनी र सुदूरपश्चिम आइतबार प्रतिस्पर्धा गर्नेछन्।

टियु अन्तर्राष्ट्रिय मैदानमा सम्पन्न खेलमा बागमतीले दिएको ९६ रनको सामान्य लक्ष्य सुदूरपश्चिमले २ विकेट क्षेतीमा २३.१ ओभरमा भेटायो।

सुदूरपश्चिमको लागि नरेन भट्टले सर्वाधिक ३७ रन बनाए जुन क्रममा ५८ बलमा ६ चौका प्रहार गरे। यस्तै राहुल भण्डारीले ३९ बलमा ५ चौका मद्दतले ३१ रन बनाए। बागमतीका बलर प्रतिश जिसी र गौतम केसीले समान एक विकेट लिए।

यस अघि टस हारेर ब्याटिंग गरेको बागमतीले ३०.१ ओभरमा ९५ रन मात्र बनाएको थियो। उसको लागि बिबेक मगरले सर्वाधिक ३२ रन, कृष कार्कीले १७ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्। छैठौं विकेटको लागि बिबेक र क्रिस बीचको ३६ रनको साझेदारी इनिंग्समा सर्वाधिक साझेदारी रह्यो। बागमतीले पहिलो ५ विकेट २६ रनमा गुमाएको थियो र सबै ५ विकेट हेमन्त धामीले लिएका थिए। त्यसपछिको सबै विकेट स्पिनर शेर मल्लले लिए।

सुदूरपश्चिमको बलिंगमा दायाँ हाते पेसर हेमन्त धामीले सर्वाधिक ५ विकेट लिए जुन क्रममा १० ओभरमा ३ मेडन ओभर गर्दै १९ रन खर्चिए। अफ स्पिनर शेर मल्लले ४ विकेट लिए जुन क्रममा ५.१ ओभरमा ३१ रन खर्चे।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]