यु-१९ राष्ट्रिय : कामतले घातक बलिंग गर्दा प्रदेश-१ द्वारा बागमती पराजित



यू-१९ राष्ट्रिय प्रतियोगिता अन्तर्गत टियु मैदानमा भएको पहिलो खेलमा प्रदेश १ ले बागमती प्रदेशलाई २६ रनले पराजित गर्दै विजयी सुरुवात गरेको छ।

टियु क्रिकेट मैदानमा सम्पन्न खेलमा प्रदेश-१ ले दिएको १७६ रनको लक्ष्य पछ्याउने क्रममा ३१.४ ओभरमा १४९ रन मात्र बनायो।

मध्यम लक्ष्य पछ्याएको बागमतीले खराब सुरुवात गर्यो । बागमतीले १२ रनको योगफलमा आफ्नो दुवै ओपनर गुमाउन पुग्यो । त्यसपछि बिपिन साही र बिबेक मगरले तेस्रो विकेटका लागि ८६ रनको साझेदारी गर्दै बागमतीको इनिंग्स उकासे ।

२१ औं ओभरमा बिबेकलाई लभ कमातले आउट पार्दै साझेदारी तोडे । उनको विकेटसंगै बागमतीको ब्याटिंग क्रम धराशायी बन्यो । ९८ रनमा ३ विकेट गुमाएको बागमती प्रदेश १ को स्पिनर सामु सम्हालिन नसक्दा १३१ रनमा अल आउट हुन पुग्यो ।

प्रदेश १ लाई सानदार जित दिलाउन लेग स्पिनर लभ कमातले सर्वाधिक ५ विकेट लिए जुन क्रममा ६ ओभरमा २६ रन खर्चिए । यस्तै, दिपेश कँडेलले ३ विकेट ( ९.४-१-४०-३ ) तथा दिपक जोशीले १ विकेट हात पारे । बागमती प्रदेशको लागि बिपिन शाहीले ४३ तथा बिबेक मगरले ४२ रन बनाए। प्रतिक श्रेष्ठ र तिलक भण्डारीले समान १० रन योगदान दिए।

यसअघि टस जितेर ब्याटिंग रोजेको प्रदेश १ ले ४५.३ ओभरमा सम्पूर्ण विकेट गुमाएर १७५ रन बनाउँदै बागमतीलाई १७६ रनको प्रतिस्पर्धात्मक लक्ष्य प्रस्तुत गरेको थियो । प्रदेश १ को ब्याटिंगमा लभ कमात र दिपक जोशीले समान ३३ तथा ओपनर सोनु अन्सारीले ३२ रन बनाए ।

कप्तान अंकित सुवेदी खाता नखोल्दै आउट भएपछि अर्का ओपनर सोनु अन्सारीले लभ कमातसँग तेस्रो विकेटका लागि ६२ रनको साझेदारी गर्दै प्रदेश १ को इनिंग्स सम्हाले । अफ स्पिनर क्रिस कार्कीले २५औं ओभरमा अन्सारी र बिबेक आनन्द मेहेताको विकेट लिँदै प्रदेश १ लाई दबाबमा ल्याए । त्यसपछि प्रदेश १ को विकेटको पतन सुरु भएको थियो ।

कमातलाई बोल्ड आउट गर्दै कार्कीले बागमतीलाई खेलमा हावी गराएका थिए । उनको विकेटपछि दिपेश कँडेलले २३ रन बनाउँदै प्रदेश १ को इनिंग्स उकासे । उनलाई तिलक राज भण्डारीले कट एण्ड बोल्ड आउट पारे । अन्तिममा दिपक जोशीले २३ बलमा ३ चौका र २ छक्काको मद्धतमा ३३ रन बनाउँदै प्रदेश १ को योगफल १५० पार गराएका थिए ।

बागमतीको बलिंगतर्फ स्पिनर तिलक राज भण्डारी र क्रिस कार्कीले किफायती बलिंग गर्दै समान ३-३ विकेट लिए । कप्तान प्रतिष जिशिले २ तथा गौतम केशी र बिबेक मगरले समान १ विकेट हात पारे ।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]