U19 National : प्रदेश-१ लाई हराउदै सुदूरपश्चिम दोश्रो स्थानमा



प्रदेश-१ लाई ६ विकेटले पराजित गर्दै सुदूरपश्चिम प्रदेश काठमाडौँमा जारी यु-१९ राष्ट्रिय क्रिकेट प्रतियोगितामा तेश्रो जित दर्ता गरेको छ।

मुलपानी मैदानमा सम्पन्न खेलमा प्रदेश-१ ले दिएको ९१ रनको सामान्य लक्ष्य सुदूरपश्चिमले ४ विकेट क्षेतीमा ३१ ओभरमा भेटायो।

लक्ष्य पछ्याउने क्रममा सुदूरपश्चिमले २३ रन बनाउदा ४ विकेट गुमाएको थियो। त्यसपछि बसन्त कार्की र अर्जुन साउदले पाँचौ विकेटको लागि अविजित ७१ रनको साझेदारी गरे। बसन्तले ७० बलमा १ चौका र १ छक्का मद्दतले ३७ रन तथा अर्जुनले ६६ बलमा ४ चौका र २ छक्का मद्दतले अविजित ३२ रन बनाए। प्रदेश-१ का बलर अभिनय राजबंशीले २ ( ७-३-२१-२ ) तथा शर्वन किस्कु र अंकित सुबेदीले समान एक विकेट लिए।

यस अघि टस हारेर ब्याटिंग गरेको प्रदेश-१ ले २४ ओभरमा ९० रनमा सबै विकेट गुमाउन पुगेको थियो। उसको लागि कप्त अंकित सुबेदीले ६१ रन बनाउनु बाहेक अन्य ब्याट्सम्यानले दोहोरो अंकमा रन जोड्न सकेनन्। तेश्रो नम्बरमा ब्याटिंग गरेका अंकित २३ औं ओभर सम्म ब्याटिंग गरेता पनि अन्य ब्याट्सम्यानले उनलाई साथ दिन सकेनन्।

सुदूरपश्चिमको बलिंगमा अफ स्पिनर शेर मल्लले सर्वाधिक ४ विकेट ( ९-१-३१-४ ) लिए। नरेन्द्र साउदले ३ विकेट ( ४-१-१३-३ ) तथा कैलाश ऐरीले २ विकेट ( ५-१-२२-२ ) लिए।

जित पछि सुदूरपश्चिम ५ खेलमा ३ जित र २ हार बेहोर्दै ६ अंक सहित दोश्रो स्थानमा पुगेको छ। समान अंक रहेता पनि प्रदेश-१ नेट रन रेटमा पछि पर्दै तेश्रो स्थानमा छ।

प्रदेश-१ ले आफ्नो अन्तिम खेलमा गण्डकी प्रदेशसंग बिहिबार प्रतिस्पर्धा गर्नेछ। यस्तै सुदूरपश्चिम प्रदेशले शुक्रबार बागमती प्रदेशसंग प्रतिस्पर्धा गर्नेछ। अन्तिम खेल सुदूरपश्चिम र प्रदेश-१ को लागि गर या मरको खेल हुनेछ।

७ प्रदेशका टोलिहरु सहभागी प्रतियोगितामा सबै टिमले एक अर्कासंग एक/एक खेल खेलेपछि अंकतालिकामा शिर्ष स्थानमा रहने दुई टिम फाइनल पुग्नेछ।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]