यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै



नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली समय ९ बजे बिहान सुरु हुनेछ।

प्रतियोगिताको लिग चरणमा लुम्बिनी समुह विजेताको रुपमा तथा सुदूरपश्चिम उपविजेताको रुपमा फाइनल प्रवेश गरेको हो। लुम्बिनीले कर्णाली प्रदेश बाहेक सबै टिमलाई पराजित गर्यो भने सुदूरपश्चिमले लुम्बिनी प्रदेश र प्रदेश-२ संग बाहेक अन्य सबै प्रदेश टिमलाई पराजित गरेको थियो।

लुम्बिनी प्रदेशको बलिंगमा मोहम्मद हुसेन दुर्गेश गुप्ता, बिशाल बिक्रम केसी तथा ब्याटिंगमा कप्तान देव खनाल, आकाश त्रिपाठी लयमा छन्। देब्रे हाते स्पिन अलराउण्डर बसिर एहमद ब्याट र बल दुवैमा योगदान दिन सक्छन्। प्रतियोगिताकै सर्वाधिक विकेटकर्ता समेत रहेका मोहम्मद हुसेनले ६ खेलमा १९ विकेट लिईसकेका छन् जो सुदूरपश्चिमको लागि घातक सावित हुन सक्नेछन्। देब्रे हाते स्पिनर बसिरले ६ खेलमा ११ विकेट लिनुको साथै ९७ रन समेत बनाएका छन् जुन क्रममा ४ इनिंग्समा ब्याटिंग गर्दा ३ पटक अविजित छन्। उत्कृस्ट लयमा रहेका देव खनालले ६ खेलमा ३ अर्धशतक प्रहार गर्दै २६४ रन बनाएका छन्।

अर्कोतर्फ सुदूरपश्चिमको बलिंगमा शेर मल्ल, हेमन्त धामी, आकाश चन्द तथा ब्याटिंगमा अर्जुन साउद, बसन्त कार्की लयमा छन्। अफ स्पिनर मल्लले ६ खेलमा १६ विकेट लिईसकेका छन् र प्रतियोगिताको दोश्रो सर्वाधिक रनकर्ता हुन्। उत्कृस्ट लयमा रहेका अर्जुन साउदले ६ खेलमा १ शतक र १ अर्धशतक मद्दतले २३२ रन बनाएका छन्। बसन्त कार्कीले ३५ को औशतले १४३ रन बनाएका छन्।

प्रतियोगितामा लुम्बिनी प्रदेशले एक पटक पनि पहिलो ब्याटिंग गरेको छैन। कर्णालीसंग हार बाहेक उसले सबै खेल लक्ष्य पछ्याउने क्रममा जितेको थियो। लिग चरणमा मुलपानी मैदानमा सुदूरपश्चिमले दिएको २४१ रनको लक्ष्य लुबिनीले ८ विकेट गुमाएर भेटाएको थियो। अर्कोतर्फ सुदूरपश्चिमले पनि प्रतियोगिताको सबै खेल लक्ष्य पछ्याउने क्रममा जितेको छ। पहिले ब्याटिंग गरेको दुवै खेलमा सुदूरपश्चिम लुम्बिनी प्रदेश र प्रदेश-२ संग समान २ विकेटले पराजित भएको थियो।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]