क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण



काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि २० सदस्यीय राष्ट्रिय टिमको घोषणा गरेको छ। तथापी कोरोनाको नयाँ भेरीएन्टका कारण एसिया कप आयोजना हुने या नहुने अधिकारिक घोषणा एसीसीले गरेको छैन। प्रतियोगिता डिसेम्बर २० तारिख देखि २ जनवरीसम्म चल्ने बताईएको छ जसको अधिकारिक घोषणा भने भएको छैन।

क्यानले डिसेम्बर ८ तारिख ( मङ्सिर २२ बुधबार ) देखि यु-१९ एसिया कपको लागि बन्द प्रशिक्षण थाल्ने बताएको छ। सबै खेलाडीहरु डिसेम्बर ७ तारिखमा जम्मा भैसक्नेछन्। यु-१९ एसिया कपमा नेपाल सहित, अफगानिस्तान, भारत, पाकिस्तान, श्रीलंका, बंगलादेश, युएई र कुवेत प्रतिस्पर्धा गर्नेछन्।

घोषित टिम : देव खनाल, मोहम्मद हुसेन, बसिर एहमद, सन्तोष कार्की, बिबेक यादव, बिबेक राना मगर, तिलक राज भण्डारी, सोनु अन्सारी, दिपेश कंडेल, अर्जुन कुमाल, कमल परियार, अनुज चनारा, प्रकाश जैसी, बसन्त कार्की, अर्जुन साउद, शेर मल्ल, राहुल भण्डारी, गुल्सन झा, बिपिन शाही, आदील अन्सारी

क्यानद्वारा घोषित टिममा यु-१९ राष्ट्रिय प्रतियोगिताको विजेता टिम लुम्बिनी प्रदेशबाट कप्तान देव खनाल सहित मोहम्मद हुसेन र वासिर एहमद गरि तिन जनाले स्थान बनाएका छन्। देब्रे हाते फास्ट बलर हुसेन प्रतियोगिताकै उत्कृस्ट खेलाडी तथा उत्कृस्ट बलर चुनिएका थिए भने खनाल उत्कृस्ट ब्याट्सम्यान चुनिएका थिए। खनालले ७ खेलमा ३३४ रन बनाएका थिए भने हुसेनले ७ खेलमा २१ विकेट लिएका थिए। बसिरले ११ विकेट लिनुको साथै १०१ रन समेत बनाए।

लुम्बिनीलाई उपाधि जिताउन महत्वपूर्ण प्रदर्शन गरेका दुर्गेश गुप्ता भने टिममा छैनन्। गुप्ताले ७ खेलमा १३ विकेट लिएका थिए। टिममा तिब्र गति बलरको रुपमा मोहम्मद हुसेन पछि कर्णाली प्रदेशका अनुज चनारा र प्रकाश जैसी तथा प्रदेश-२ का गुल्सन झा रहेका छन्। जैसीले ६ खेलमा १५ विकेट लिएका थिए भने चनाराले समान खेलमा १२ विकेट लिएका थिए। गुल्सनले प्रतियोगितामा ६ खेलमा ४ विकेट मात्र लिन सकेका थिए।

टिममा स्पिनरको रुपमा बागमती प्रदेशका लेग स्पिनर तिलक राज भण्डारी, प्रदेश-१ का देब्रे हाते स्पिनर दिपेश कंडेल, गण्डकी प्रदेशका देब्रे हाते स्पिनर कमल परियार र सुदूरपश्चिमका अफ स्पिनर शेर मल्ल रहेका छन्। तिलकले प्रतियोगितामा ४ खेलमा ९ विकेट लिएका थिए भने कमल परियारले ६ खेलमा १५ विकेट, दिपेशले ६ खेलमा १३ विकेट तथा शेरले ७ खेलमा १८ विकेट लिएका थिए।

ब्याटिंगतर्फ लुम्बिनीका देव खनाल बाहेक सुदूरपश्चिमका अर्जुन साउद, राहुल भण्डारी र बसन्त कार्कीले, प्रदेश-२ का सन्तोष कार्की, बिबेक यादव र आदील अन्सारीले मौका पाएका छन्। यस्तै प्रदेश-१ का सोनु अन्सारी, गण्डकी प्रदेशका अर्जुन कुमाल, बागमती प्रदेशका बिबेक राना मगर र बिपिन शाहीले मौका पाएका छन्। अर्जुन, सन्तोष र सोनुले प्रतियोगितामा शतक बनाएका थिए भने क्रमशः अर्जुनले ७ खेलमा २४१ रन, सन्तोषले ६ खेलमा २४० रन तथा सोनुले ६ खेलमा १९२ रन बनाएका थिए। यस्तै अर्जुन कुमालले ६ खेलमा १७०, बिबेकले ६ खेलमा २३२ र बिपिन शाहीले ६ खेलमा १४७ रन बनाए। आदील अन्सारीले ६ खेलमा १४१ रन बनाए।

प्रदेश-२ को कप्तानी गरेका फास्ट बलिंग अलराउण्डर बिबेक यादव पनि टिममा छन् जसले ६ खेलमा १८१ रन बनाउनुको साथै ११ विकेट समेत लिए।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]