यु-१९ विश्वकप : इङ्ल्याण्ड र बङ्गलादेश बिजयी



  • विकेटनेपाल- २ माघ, मंगलबार

न्युजिल्याण्डमा शनिबारबाट सुरु भएको १२ औं आईसीसी अन्डर-१९ बिश्वकपमा सोमबार २ खेल सम्पन्न भए। १६ टिम सहभागी प्रतियोगितामा आज समूह “सि” का दुई खेल भएका हुन्।

सम्पन्न दुई खेलमा इङ्ल्याण्ड र बङ्गलादेशले जित हात पारेका छन्। दुवैले तुलनात्मक रुपमा कम्जोर मानिएका नामिबिया र क्यानेडालाई पराजित गरे।

अफिफ हुसैनको अल-राउण्ड प्रदर्सनमा बङ्गलादेश बिजयी :

सोमबार भएको दिनको पहिलो खेलमा बंगलादेशको युवा टोलिले क्यानडा यु-१९ माथी ६६ रनको जित दर्ता गर्यो। बङ्गलादेशले दिएको २६५ रनको बिजय लक्ष्य पछ्याउन मैदान उत्रिएको क्यानडा मात्र १९८ रन जोड्दा अल-आउट हुन पुग्यो।

क्यानडाका लागि कप्तान अर्स्लान खान र प्रनभ शर्मा बाहेक अन्य ब्याट्सम्यानले खासै ठूलो योग्दान दिन सकेनन्। कप्तान अर्स्लानले टोलिको खातामा ६३ रन जोडे। १०८ बल खेलेका अर्स्लानले एक छेउबाट ब्याटिङ सम्हाले पनि अन्य ब्याट्सम्यानहरुले पर्याप्त साथ निभाउन नसक्दा क्यानेडा हार बेहोर्न पुग्यो। प्रनभ शर्माले ५८ बल खेल्दै ३४ रन जोडेपनि त्यो जितका लागि पर्याप्त भएन। बलिङतर्फ बङ्गलादेशका अफिफ हुसैनले ५ विकेट चट्काए। कसिलो बलिङ गरेका अफिफले मात्र ४३ रन खर्चेर ५ विकेट लिँदा हसन महमुदले भने २ विकेट लिए।

यसअघि पहिले ब्याटिङ गरेको बङ्गलादेशले निर्धारित ५० ओभरमा ८ विकेटको नोक्सानीमा २६४ रन बनाएको थियो। उसका लागि टोविड रिदोएले शतक बनाएका थिए।

१२६ बल खेलेका रिदोएले आक्रमक ब्याटिङ गर्दै १२२ रन बनाउदा अफिफ हुसैनले भने उत्कृष्ट अर्ध-शतक बनाउन भ्याएका थिए। अफिफले ५९ बलमा ५० रन बनाएका थिए। क्यानडाको बलिङतर्फ भने फैजल जमखन्डिले ५ विकेट लिएका थिए।

इङ्ल्याण्डसंग हार्यो नामिविया 

सोमबारनै सम्पन्न दिनको दोस्रो खेलमा भने इङ्ल्याण्डले नामिबिया विरुद्ध सहज जित हात पारेको छ। क्विन्सल्याण्डमा भएको खेलमा इङ्ल्याण्डले ८ विकेटको सहज जित निकाल्न सफल भयो।

नामिबियाले दिएको १९७ रनको साधरण लक्ष्य इङ्ल्याणले मात्र २४.१ ओभरमा २ विकेट गुमाउँदै जित हात पार्यो। इङ्ल्याण्डको जितमा विल ज्याक्सले ७३ रनको योग्दान गरे। मात्र ४४ बल खेलेका ज्याक्सले आक्रमक ब्याटिङ गर्दै ७३ रन जोडे। यस्तै कप्तान ह्यारी ब्रुकले पनि अर्ध-शतक बनाउने क्रममा मात्र ४८ बलमा ५९ रन जोडे। नामिबियाको बलिङतर्फ लोटेरिङले ३३ रन खर्चेर २ विकेट लिन बाहेक अन्य बलर सफल रहन सकेनन्।

यसअघि पहिले ब्याटिङ गरेको नामिबियाको युवा टोलिले निर्धारित ५० ओभरमा ९ विकेट गुमाउँदै १९६ रन मात्र जोडेको थियो। शन् फोउचेले ४४ र विकेट-किपर ब्याट्सम्यान लोफ्टी एट्नले ३६ रन जोड्न वाहेक अन्य खेलाडीले खुलेर खेल्न सकेनन्। ७५ बल खेलेका फोउचेले ४४ रन जोड्दा एटन् ले भने ३९ बलमा ३६ रन जोडेका थिए।

इन्ल्याण्ड्का बलरको धारिलो बलिङमा नमिबियाका बलर जवाफ बिहिन बनेका थिए। इङ्लिश टोलिका लागि ल्युक होल्लानले ३ तथा टोम स्कृभेनले २ विकेट लिएका थिए।

 





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]