सिंगापुरसंग नेपालको पहिलो खेल, यस्तो छ पछिल्लो ४ खेलको नतिजा : यु-१९ विश्वकप छनौट

Nepal Under19 Cricket Team


  • विकेटनेपाल, चैत-२८ 

दक्षिण अफ्रीकामा आगामी वर्ष जनवरी-फेब्रुवरीमा आयोजना हुने अन्डर-१९ एकदिवसीय विश्वकप प्रतियोगितामा छनौटको लागि ‘एसिया छनौट प्रतियोगिता’ यही अप्रिल १२ देखि मलेसियामा सुरु हुँदैछ।

प्रतियोगितामा नेपाल सहित आयोजक मलेसिया, कुवेत, ओमान, सिंगापुर र युनाइटेड अरब इमिरेट्स ( युएई ) सहभागी हुँदैछन्।प्रतियोगिताको विजेता टिम २०२० यु-१९ विश्वकपमा छनौट हुने भएकोले २०१८ को यु-१९ विश्वकपमा छनौट हुन असफल नेपाली युवा टिमलाई पुनः विश्वकप ढोका ढकढक्याउने मौका रहेको छ।

नेपालले सिंगापुरसंग शुक्रबार बिहान ७:४५ वजे खेल्दै प्रतियोगिताको सुरुवात गर्नेछ। सिंगापुर नेपालसंग अन्डर-१९ स्तरमा प्रतिस्पर्धा गरिरहने टिम हो जसलाई पराजित गर्दै विजयी सुरुवात गर्ने धुनमा नेपाली टिम रहेको छ।

पछिल्लो ४ खेलमा यस्तो छ नतिजा 

सन् २००९ एसीसी यु-१९ इलाईट कप  

कुवेतमा सम्पन्न प्रतियोगिताको समुह चरणको खेलमा नेपालले सिंगापुरलाई ३ विकेटले पराजित गरेको थियो। खेलमा टस जितेर ब्याटिंग गर्दै सिंगापुरले दिएको १७२ रनको लक्ष्य नेपालले ४४.५ ओभरमा ७ विकेट गुमेर पुरा गरेको थियो। नेपालको जितमा ज्ञानेन्द्र मल्लले सर्वाधिक ६२ रन तथा अनिल मण्डलले ३६ रन योगदान दिएका थिए। यस्तै बलिङ्गतर्फ रोम श्रेष्ठले ३ र सागर खड्काले २ विकेट लिएका थिए।

सन् २०१७ यु-१९ विश्वकप छनौट ( एसिया ) , पहिलो खेल  

सिंगापुरमा भएको प्रतियोगिता अन्तर्गत नेपालले ४ विकेटको जित निकालेको थियो। टस हारेको सिंगापुरले २९ ओभरमा सबै विकेट गुमाएर ७३ रन बनाएको थियो। नेपालले १७.३ ओभरमा ६ विकेट गुमाएर लक्ष्य भेटायो। बलिङ्गमा सन्दिप लामिछानेले ५ विकेट ( ८-२-२१-५ ) , शाहब आलमले ३ विकेट ( ६-१-१२-३ ) लिएका थिए भने ब्याटिंगमा प्रनित थापाले सर्वाधिक २३ र अनिल साहले १९ रन बनाएका थिए।

Sandeep Lamichhane
Sandeep Lamichhane

सन् २०१७ यु-१९ विश्वकप छनौट ( एसिया ) , दोश्रो खेल 

एकै प्रतियोगितामा दोस्रो पटकको प्रतिस्पर्धामा नेपालले घरेलु टिमलाई २२ रनए पराजित गर्यो। टस जितेर पहिले ब्याटिंग गर्दै नेपालले १६८ रन बनाएपछि लक्ष्य पछ्याउने क्रममा सिंगापुरले १४६ रन मात्रै बनाउन सक्यो। जितमा सन्दिप लामिछानेले ४ विकेट ( १०-१-२२-४ ) तथा किशोर महतो र पवन सर्राफले २/२ विकेट लिए भने ब्याटिंगमा दिपेन्द्र ऐरिले ५४ रन बनाएका थिए।

सन् २०१७ एसीसी यु-१९ इस्टर्न रिजन 

मलेसियामा आयोजित प्रतियोगितामा सिंगापुरले टस जितेर ब्याटिंग गर्दै ६७ रनमै सम्पूर्ण विकेट गुमाएको थियो। पवन सर्राफले ६ विकेट ( ८-४-१२-६ ) लिंदै सिंगापुर इनिंग धरासायी बनाएका थिए। ६८ रनको लक्ष्य नेपालले ३ विकेट गुमाएर पुरा गर्यो जुन क्रममा सन्दिप सुनारले २० र अनिल साहले १८ रन योगदान दिएका थिए।

नेपाली टिम :- रोहित पौडेल, अभिषेक बस्नेत, भिम शार्की , हरि बहादुर चौहान, कमल सिंह ऐरि , कुशल मल्ल, आसिफ शेख, पवन सर्राफ, प्रतिश जिसी, रासिद खान, रित गौतम, सागर ढकाल, सन्दिप जोरा, सुर्य तामांग , प्रशिक्षक – बिनोद दास, टिम म्यानेजर – रमन शिवाकोटी, फिजियो – बिक्रम न्यौपाने

नेपालको खेल तालिका

प्रतियोगितामा नेपालले आफ्नो पहिलो खेल मलेसियासंग अप्रिल १२ तारिकमा एसटिसी मैदानमा खेल्नेछ। १३ अप्रिलमा युएईसंग किनरारा मैदानमा, १५ अप्रिलमा मलेसियासंग बायुमास ओभल मैदानमा, १६ अप्रिलमा ओमानसंग एसटिसी मैदानमा र १८ अप्रिलमा अन्तिम खेल कुवेतसंग किनरारा मैदानमा खेल्नेछ। सबै खेल मलेसिया समय १० वजे बिहान तथा नेपाली समय ७:४५ बजे बिहान सुरु हुनेछ।





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]