मुस्तफा र शाहजाद चम्किदा दोश्रो टि-२० मा नेदरल्याण्ड युएईसंग पराजित



युएईमा अक्टोबरमा आयोजना हुने टि-२० विश्वकप ग्लोबल छनौट प्रतियोगिताको तयारीको लागि नेदरल्याण्ड भ्रमणमा रहेको युएईले घरेलु टिमलाई दोश्रो टि-२० मा पनि पराजित गरेको छ।

५ विकेटले नेदरल्याण्डलाई पराजित गर्दै ४ टि-२० को सिरिजमा २-० को अग्रता युएईले लिएको छ। पहिलो टि-२० मा युएई १३ रनले विजयी भएको थियो। तेश्रो टि-२० आज राति खेलिनेछ।

वरियतामा १३ औं स्थानमा रहेको नेदरल्याण्डलाई १६ औं स्थानमा रहेको युएईले पराजित गर्दै २०२० टि-२० विश्वकप छनौट हुन बलियो दावेदारी प्रस्तुत गरेको छ।


भीआरए मैदानमा टस जितेर युएईले बलिंग रोजेपछि ब्याटिंग गरेको डच टिमले २० ओभरमा ९ विकेट गुमाएर १३६ रन बनाएको थियो। उसको लागि बेन कुपरले सर्वाधिक ४६ रन ( ३८ बलमा ५ चौका र १ छक्का ) तथा कप्तान पिटर सिलरले ३४ रन ( २९ बलमा १ छक्का ) बनाए।

युएई अफस्पिनर रोहन मुस्तफाले सर्वाधिक ३ विकेट ( ४-०-२७-३ ) तथा जहुर खानले २ र मोहम्मद नभिद र सुल्तान एहमदले १/१ विकेट लिए। पहिलो टि-२० मा पनि मुस्तफाले २ विकेट लिएका थिए।

१३७ रनको लक्ष्य पछ्याउने क्रममा रमिज शाहजादले ४१ बलमा ६ चौका मदतले सर्वाधिक ४९ रन बनाए। मोहम्मद उस्मानले ३४ तथा अश्फाक एहमदले २५ रन बनाए। उस्मानले पहिलो टि-२० मा अर्धशतक बनाएका थिए। आठौँ ओभरमा ५८/३ को अवस्थाबाट शाहजाद र उस्मानले चौथो विकेटको लागी ५९ रनको साझेदारी गरे।

Rameez Shahzad ( File Photo )

अन्तिम  २ ओभरमा १४ रन आवस्यक रहंदा उस्मानले १९ औं ओभरमा छक्का प्रहार गरेका थिए। जसलगत्तै उनि आउट भएका थिए। त्यसपछि अन्तिम ओभरको तेश्रो बलमा १ रन आवस्यक हुँदा मोहम्मद बुताले चौका प्रहार गर्दै जित दिलाएका थिए। बुताले ८ बलमा ११ रन बनाए।

५ विकेट गुमाएर १९.३ ओभरमा युएईले लक्ष्य पुरा गर्यो।

नेदरल्याण्डको बलिंगमा भीभीएन किंग्मा, सेबास्तीएन ब्रात, फिलिप्पे बोइसेभाइन, सिकन्दर जुल्फिकर र सकिब जुल्फिकरले समान १/१ विकेट लिए।

 

 





थप समाचार

T20WC : अफ्रिदीको घातक बलिंग, संकटमा कोहलीको उत्कृस्ट ब्याटिंग गर्दा भारतको मध्यम योगफल

युएईमा जारि टि-ट्वान्टी विश्वकपको सातौँ संस्करणको सुपर-१२ चरण अन्तर्गतको खेलमा भारत र पाकिस्तान प्रतिस्पर्धा गरिरहेका छन्। दुबई अन्तर्राष्ट्रिय स्टेडियममा टस […]

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]