युएई प्रशिक्षकद्वारा नेपालको तारिफ, पारसले भने सिरिज जित सहज थिएन



  • विकेटनेपाल, माघ २० – आइतबार 

युएईलाई एकदिवसीय र टि-२० अन्तर्राष्ट्रिय सिरिजमा पराजित गर्दै ऐतिहासिक उपलब्धि हाँसिल गरेपछि टिम कप्तान पारस खड्काले जित सहित धेरै मिठो यादहरु पनि लिएर नेपाल फर्कने प्रतिक्रिया दिएका छन्।

दुवै सिरिजमा ०-१ ले पछि परेपछि कम्ब्याक गर्दै २-१ ले जित्न सफल नेपाली टिमको लागि सिरिज पक्कै सजिलो थिएन। पारसले जित पछि टिम माथि गर्व गरे –

“पछिल्लो २ हफ्ता हाम्रो लागि अविस्मरणिय रह्यो, हामीले एउटा टिमको रुपमा गजबको प्रदर्शन गर्यौं।”

“घर फर्कदा हामीसंग ३ वटा ट्रफीमात्रै हैन असंख्य यादहरु समेत हुनेछ”

नेपालले दुवै सिरिज जित्यो भने प्रतियोगिताकै उत्कृस्ट खेलाडीको ट्रफी अभिनाश बोहराले जिते। पारसले जित हात पार्नु सहज नरहेको समेत बताए –

“दुवै सिरिजमा एउटा खेल पराजित भए पछि हामीले कमब्याक गर्नु पर्ने थियो। ३ वटा खेलको सिरिजमा एउटा खराब दिनले खेल खत्तम हुन सक्थ्यो”

साथै पारसले खेलाडीहरुको प्रदर्शन र तेश्रो टि-२० मा गरेको फिल्डिंगको समेत तारिफ गरे-

“टिमका खेलाडीहरुले उत्कृस्ट प्रदर्शन गरे। उनीहरुले जिम्मेवारी राम्रोसंग निभाए र विशेष गरि आजको फिल्डिंग बिश्वास गर्न नसकिने खालको थियो”

“म निकै खुसि छु जसरि खेलाडीहरुको विकास भइरहेको छ। म आशा गर्छु कि प्रदर्शनमा यस्तै निरन्तरता र लय हामीले खेल्ने आगामी खेलहरुमा पनि लिएर आउनेछौँ”

सिरिजमा उत्कृस्ट बलिङ्ग प्रदर्शन गरेका बिपक्षी टिमका कप्तान तथा तिब्र गति बलर मोहम्मद नबिदको पनि पारसले प्रसंशा गरे। नबिदले अन्तिम टि-२० मा २ ओभर बलिङ्ग गर्दा पहिलो ओभर मेडन गर्दै मात्र ६ रन दिएका थिए। यस्तै उनले टि-२० सिरिज र एकदिवसीय सिरिजमा ५/५ विकेट गरि १० विकेट लिंदै किफायती बलिङ्ग समेत गरे।

“सिरिजमा नबिद सबैभन्दा उत्कृस्ट बलरहरु मध्येका थिए। उनले सधैँ राम्रो गरे।”

अन्तिम टि-२० मा युएईले दिएको अतिरिक्त रनले जितमा महत्वपूर्ण भूमिका खेलेको पनि उनले बताए-

“हाम्रो लक्ष्य ८०-९० को बीचमा थियो तर हामीले १४ रन अतिरिक्तको रुपमा पायौं जसले निकै सहयोग गर्यो”

“हामीले प्रयास गर्दै गयौं, गर्दै गयौं, यो गजबको टिम एफर्ट थियो”

युएई प्रशिक्षक डगी ब्राउनले पनि गरे प्रसंशा 

दुवै सिरिजमा पराजित भए पछि युएई प्रशिक्षक डगी ब्राउनले नेपालको टिमवर्क र फिल्डिंगको खुलेर तारिफ गरेका छन् भने युएईले दबाबमा आउदा धेरै गल्तिहरु गरेको समेत औल्याएका छन्।

“नेपालको टिम वर्क गजबको थियो। उनीहरुले अपत्यारिलो खालको फिल्डिंग गरे र महत्वपूर्ण समयमा उनीहरु आतिएनन्”

“हामीले सिरिजको सम्पूर्ण ६ वटा खेलमा जित्ने अवसरको सिर्जना गरेका थियौं। दुर्भाग्यवस त्यसको समयमा हामीले अभ्यास गरे अनुसार कसेर राख्न सकेनौ”

“हामीले विकेटहरु गुमायौं, क्याचहरु छुटायौं र महत्वपूर्ण समयमा दबाबमा आउदा फिल्डिंगमा गल्ति गर्यौं। हामी अभ्यास गरे भन्दा उल्टो प्रदर्शन गर्यौं जसले हामीमा दबाब सिर्जना गरेको छ”

नेपालले एकदिवसीय सिरिज अन्तर्गत पहिलो एकदिवसीयमा ३ विकेटले पराजित भएको थियो जसपछि दोश्रो एकदिवसीय १४५ रनले तथा तेश्रो एकदिवसीय ४ विकेटले जित्दै २-१ ले एकदिवसीय सिरिज जितेको थियो। टि-२० सिरिजमा पनि पहिलो खेलमा नेपाल २१ रनले पराजित भए पछि दोश्रो खेलमा ४ विकेटको र तेश्रो खेलमा १४ रनको जित निकाल्दै टि-२० सिरिज पनि २-१ ले नै जित्न सफल रह्यो।

एकदिवसीय सिरिजमा सोमपाल कामि र टि-२० सिरिजमा अभिनाश बोहरा प्रतियोगिताकै उत्कृस्ट खेलाडी चुनिए। सिरिज जितसंगै नेपालले १० हजार डीराम समेत जित्यो।

( समाचार र फोटो श्रोत –  द नेसनल युएई )





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]