एसीसी वेस्टर्नको उपाधि युएईलाई



ओमानमा सम्पन्न एसीसी टि-२० वेस्टर्न प्रतियोगिताको उपाधि युएईले जितेको छ। फाइनलमा युएईले कुवेतलाई १ सय २ रनले सहजै पराजित गर्यो।

प्रतियोगिताबाट युएई र कुवेत यस अघिनै एसिया कप टि-२० छनौट प्रतियोगिता खेल्न छनौट भैसकेका छन्। पूर्वी क्षेत्रको छनौट प्रतियोगिता २९ फेब्रुअरीबाट थाईल्याण्डबाट सुरु हुँदैछ जसमा नेपाल सहित, आयोजक थाईल्याण्ड, मलेसिया, हंगकंग र सिंगापुर प्रतिस्पर्धा गर्दैछन्। पश्चिम र पूर्वी क्षेत्रबाट उत्कृस्ट २ टिमले एसिया कप छनौट खेल्नेछन् जसबाट उत्कृस्ट हुने टिम टि-२० एसिया कप खेल्न छनौट हुनेछ।

फाइनल खेलमा टस हारेर ब्याटिंग गर्दै युएईले दिएको २ सय रनको लक्ष्य पछ्याउने क्रममा कुवेतले २० ओभरमा ७ विकेट गुमाएर ९७ रन मात्र बनाउन सक्यो। कुवेतको लागि बिलाल ताहिरले सर्वाधिक २२, मुहम्मद अमिनले १९ तथा रभिजा डी सिल्भाले १२ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

युएईको बलिंगमा सुल्तान एहमदले सर्वाधिक ४ तथा एहमद रजाले २ विकेट लिए।

यस अघि युएईले २० ओभरमा ५ विकेट गुमाएर १ सय ९९ रन बनाएको थियो। युएईको लागि ओपनर चिराग सुरीले सर्वाधिक ६० रन बनाउने क्रममा ४१ बलमा ८ चौका प्रहार गरे।  यस्तै वाहिद एहमदले विस्फोटक ब्याटिंग गर्दै मात्र १५ बलमा ६ छक्का मदतले ४५ रन बनाए।

यस अघि सेमीफाइनल खेलमा युएईले कतारलाई २८ रनले तथा कुवेतले बहराइनलाई ८७ रनले पराजित गरेको थियो।

बलियो टिम मानिएको ओमान प्रतियोगिताको पहिलो चरणबाटै बाहिरिएको थियो। 





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]