पाक क्रिकेटर उमर अकमललाई तिन वर्ष प्रतिबन्ध

पाकिस्तान क्रिकेटर उमर अकमललाई पाकिस्तान क्रिकेट बोर्डले एन्टी करप्सन कोडको उल्लंघन गरेपछि तिन वर्ष कुनै पनि फर्म्याटको क्रिकेट खेल्न प्रतिबन्ध लगाएको छ।

पाकिस्तान क्रिकेट बोर्ड ( पिसीबी ) ले सोमबार आफ्नो अधिकारिक ट्वीटर ह्यान्डलबाट अकमलको प्रतिबन्ध बारे जानकारी दिएको हो।

उमर अकमललाई पिसिबीको अनुसाशनत्मक प्यानलका अध्यक्ष जस्टिस ( सेवानिवृत ) फजल ए मिरान चौहानले तिन वर्षको प्रदिबंध सुम्पिएका हुन्।

अकमललाई पाकिस्तान सुपर लिग सुरु हुनु एक दिन अगाडी प्रतियोगितामा हिस्सा लिन रोक लगाइएको थियो।

पिसिबीले अकमल बिरुद्ध जांच सुरु गरेको कारणको खुलासा भने गरेको छैन तर बोर्डले भ्रस्टाचार निरोधि संहिताको धारा २.४.४ अन्तर्गत फेब्रुअरी महिनामा भएको दुइवटा मामलाको आधारमा आरोप लगाएको छ।

अकमललाई एक सट्टेबाजसंग भेटेर म्याच फिक्स गरेको आरोप लागेको पाकिस्तानी संचार माध्यमले बताएका छन्।

अकमललाई २०२० पाकिस्तान सुपर लिगको सिजनको पहिलो खेलको ठिक अघि निलम्बित गरिएको थियो।

अकमल पाकिस्तानका पुर्व विकेटकिपर ब्याट्सम्यान कामरान अकमलका भाइ हुन्। उमरले पाकिस्तानको लागि १६ टेस्ट १२१ वानडे, ८४ टि-२० खेलेका छन् जसमा क्रमशः १००३, ३१९४ र १६९० रन बनाएका छन्। उनले सन् २००९ मा पाकिस्तानको लागि टेस्ट, एकदिवसीय र टि-२० अन्तर्राष्ट्रियमा डेब्यु गरेका थिए।