मातृ शोक पर्दा प्रशिक्षक पटवाल भारत प्रस्थान

नेपाली राष्ट्रिय क्रिकेट टिमका मुख्य प्रशिक्षक उमेश पटवाललाई मातृ शोक परेको छ। पटवालको आमाको बुधबार निधन भएको हो।

आमाको आकस्मिक निधन पछि पटवाल बुधबारनै भारत मुम्तबई प्रस्थान गरेका छन्। उनि काजक्रिया लगायत काम सकेपछि नेपाल फर्किनेछन्।

पटवाललाई मातृ शोक परेपछि नेपाली राष्ट्रिय टिमले बिज्ञप्ति मार्फत शोक व्यक्त गरको छ।

नेपाली राष्ट्रिय टिम हाल दक्षिण एसियाली खेलकुद तथा सेप्टेम्बर अन्तिममा सिंगापुरमा हुने त्रिकोणात्मक सिरिज तथा त्यस लगत्तै ओमानमा आयोजना हुने ५ देश सम्मिलित टि-२० सिरिजको तयारीमा व्यस्त रहेको छ। झन्डै २ साता देखि नेपाली टिम टियु मैदानमा तयारी गरिरहेको छ।

पटवाल भारत प्रस्थान गरेपछि उनको अनुपस्थितिमा नेपाली टिमले अभ्यास भने जारि राख्नेछ। मनोज कटवाल, प्रदिप राज पाण्डे जस्ता प्रशिक्षकहरुले अभ्यास गराउनेछन्।

Head Coach Umesh Patwal

गत जेठमा पटवाललाई मुख्य प्रशिक्षकमा १ वर्षको लागि नियुक्त गरेको थियो। प्रशिक्षण बापत उनले मासिक ६ हजार डलर पारिश्रमिक पाउदै आएका छन् जुन आईसीसीले दिंदै आएको छ।

४६ वर्षीय पटवालले सन् २०१० को बिश्वकप छनौटमा पहिलो पटक अफगानिस्तान टिमलाई सघाएका थिए।सन् २०१४ को बंगलादेशमा सम्पन्न एसिया कप तथा २०१४ टि-२० बिश्वकपको दौरान अफगानिस्तान क्रिकेट टिमको ब्याटिंग प्रशिक्षक रहेका पटवाल भारत मुम्बईका हुन्। उनि २०१५ बिश्व कपमा पनि अफगानिस्तान टिमको ब्याटिंग प्रशिक्षक रहेका थिए। मुख्य प्रशिक्षक हुनु अघि उनले नेपाली टिमको ब्याटिंग कन्सल्टेन्टको रुपमा समेत काम गरेका थिए।