अम्पाएर कप क्रिकेटमा सप्तरी सुपरको बिजयी शुरुवात



  • विकेटनेपाल, २ माघ, राजबिराज ।

राजबिराजको राजरंगशालामा मंगलवारदेखि शुरु भएको अम्पाएर कप एकदिवसीय क्रिकेट प्रतियोगितामा सप्तरी सुपर किंग राजबिराजले योंग ११ क्रिकेट क्लब बरही बिरपुरलाई रोमान्चक खेलमा १३ रनले पराजित गर्दै बिजयी शुरुवात गरेको छ।

हुस्सुका कारणले केही ढिलो शुरुवात भएको प्रतियोगिता अन्र्तगतको पहिलो खेलमा सप्तरी सुपर किंगले टस जिती पहिलो ब्याटिंग गर्ने निर्णय गर्दै निर्धारित ३० ओभरको खेलमा सम्पुर्ण बिकेट गुमाई १ सय २६ रनको योगफल तयार पारेको थियो।

सुपर किंगका लागि अमित दासले आर्कषक ब्याटिंग गर्दै ६६ बलमा ६ चौक्का र १ चौक्काको मद्धतले ४८ रनको योगदान दिएका थिए । अमित बाहेक प्रवेश खडगी १८, मनिश मण्डल १५ तथा सिमान्तराज राईले १२ रनको योगदान दिएका थिए । बलिंगतर्फ योंग ११ का संजिव यादवले घातक बलिंग गर्दै ४ ओभरको स्पेलमा १७ रन दिई ४ बिकेट लिएका थिए भने रेवती राय ३ तथा रवी राय र बिकी रायले सामान २ विकेट लिएका थिए ।

१ सय २७ रनको लक्ष्य लिई मैदानमा ओर्लेको योंग ११ सुपर किंगका बलर सामु निरिह हुदै १९ ओभर ४ बलमा सम्पुर्ण बिकेट गुमाई १ सय १३ रनमै समेटिएको थियो । योंग ११ का लागि गुनानन्द रायले २८, रवी राय १९ तथा रेवती रायले १० रनको योगदान दिएका थिए । बलिंगतर्फ सुपर किंगका अभय थापा ३, प्रमोद रजक र पंकज साहले सामान २ तथा मनिश मण्डल र राज रायले सामान १ बिकेट लिएका थिए। उत्कृष्ट ब्याटिंग गरे वापत सप्तरी सुपर किंगका अमित दास म्यान अफ द म्याच घोषित भएका थिए ।

सप्तरी क्रिकेट संघसंगको सहकार्यमा अम्पाएर संघको आयोजनामा संचालित प्रतियोगिता अन्तर्गत मंगलवार बिहानै भएको उदघाटन कार्यक्रम अन्तर्गत कार्यक्रमको प्रमुख अतिथी शिब्स ईन्टरनेश्नलका नरेश प्रताप साहले बलिंग, बिशिष्ट अतिथीको रुपमा सप्तरी क्रिकेट संघका अध्यक्ष शैलेश कुमार चौधरीले ब्याटिंग तथा अम्पाएर संघका अध्यक्ष निरज सिंहले किपिंग गर्दै प्रतियोगिताको उदघाटन गरेका थिए।

उदघाटन क्रममै सप्तरी क्रिकेट संघका संस्थापक सदस्य तथा जिल्ला खेलकुद बिकास समिति समितिका पुर्व अध्यक्ष शशि माझीको सम्झनामा १ मिनेटको मौन धारण राख्नुका साथै सवै खेलाडि तथा अफिसियलहरुले कालो पटी बाधि खेलेका थिए । कार्यक्रममा सप्तरी क्रिकेट संघका सचिव आयुश श्रेष्ठ, पुर्व क्रिकेटर दिपेन्द्र चौधरी, शैलेन्द्र खडका, रोशन चौधरी लगायतको उपस्थिती रहेको थियो भने कार्यक्रमको संचालन बरिष्ठ खेलाडि सुरेन्द्र नाथ सिंहले गरेका थिए ।

प्रतियोगिता अन्तर्गत बुधवार युथ क्रिकेट एकेडेमी र लायन्स क्रिकेट एकेडेमी बिच हुने जानकारी अम्पाएर संघका सदस्य शम्भु दासले जानकारी गराउनु भएको थियो ।





थप समाचार

रोहित चम्किंदा दोश्रो अभ्यास खेलमा नेपालको जित

नेपाली राष्ट्रिय क्रिकेट टिमको क्यानडा भ्रमण अन्तर्गत खेलिएको दोश्रो अभ्यास खेलमा नेपालले एमएलसीसी-११ ओन्टारियोलाई पराजित गरेको छ। नेपालले दिएको २१० […]

महेन्द्र नारायण निधि प्रदेशस्तरिय क्रिकेट : सप्तरी, पर्सा र बारा सेमीफाइनलमा

राजबिराजमा संचालित महेन्द्र नारायण निधि प्रदेश स्तरिय क्रिकेट प्रतियाेगिता सेमिफाईनलमा सप्तरी तथा पर्सा र बारा प्रवेश गरेका छन। आइतबार लिग […]

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]