नेक्सस कपको उपाधी युनाइटेड क्रिकेट एकेडेमी बिरगंजको पोल्टामा



  • विकेटनेपाल, मङ्सिर १४ – शुक्रबार

मिलानो नेक्सस कप यु-१६ टि-२० क्रिकेट प्रतियोगिताको आज सम्पन्न फाइनल खेलमा सनराईज क्रिकेट एकेडेमी महेन्द्रनगरलाई २६ रनले पराजित गर्दै युनाइटेड क्रिकेट एकेडेमी बिरगंजले उपाधी हात पारेको छ।

मुलपानी क्रिकेट मैदानमा सम्पन्न खेलमा टस जितेर ब्याटिङमा उत्रेको युनाइटेड क्रिकेट एकेडेमीले २० ओभरमा ८ विकेटको नोक्सानीमा १३७ रन बनाएको थियो। युनाइटेड एकेडेमी बिरगंजका म्यान अफ द म्याच समेत घोषित मोहमद समिरले ३९ बल खेल्दै २ छक्का र ५ चौका प्रहार गर्दै ५२ रन बनाएका थिए भने इम्रान शेखले २० र सर्फराज मन्सुरीले १८ रन बनाएका थिए।

बलिङतर्फ महेन्द्रनगरका सुबोध ऐरले ३ ओभर बलिङ गर्दै ८ रन खर्चैर ३ विकेट लिँदा राहुल भण्डारीको नाममा २ रह्यो।

१३८ रनको बिजयी लक्ष्यका साथ जवाफी ब्याटिङमा उत्रेको डिफेन्डीङ्ग च्याम्पियन टिम महेन्द्रनगरले १९.२ ओभर खेल्दै मात्र १११ रनमा समेटिदा उपविजेतामा चित्त बुझाउनु पर्यो। महेन्द्रनगरका ब्याट्सम्यान प्रबिन भट्टले ३१, प्रेम धामीले १८ र आकाश चन्दले २३ रन बनाएका थिए।

निखिल सिहले ४ विकेट लिन ३.२ ओभरमा ३२ रन खर्चिंदा ब्यास यादवले २ विकेट लिए।

म्यान अफ दि सिरिज महेन्द्रनगरका सुबोध ऐर भए भने बेष्ट ब्याट्सम्यान चितबनका प्रशान्त महत र बेष्ट बलर महेन्द्रनगरकै पारश क्षत्री घोषित भए। इमर्जिङ प्लेयर नेक्सस ‘बी’ का १० बर्षे सोहेल कुवँर बनेका छन्।

समापन समारोहका प्रमुख अतिथि निर्वाचित क्यानका उपाध्यक्ष दिवाकर घलेले बिजेता टिमलाइ रु १ लाख ११ हजार १ सय ११ को सामाग्री सहित नगद र उप बिजेता लाई ६१ हजार १ सय ११ को सामाग्री सहित नगद प्रदान गर्नु भएको थियो।





थप समाचार

भण्डारी र पुलामी चम्किदा आर्मीद्वारा गण्डकी सहजै पराजित

विभागीय टोलि त्रिभुवन आर्मी क्लबले प्रधानमन्त्री कप एकदिवसीय राष्ट्रिय प्रतियोगितामा विजयी सुरुवात गरेको छ। समुह ‘ए’ अन्तर्गत टियु अन्तर्राष्ट्रिय क्रिकेट […]

बिनोदको शतकमा आर्मीद्वारा गण्डकीलाई कठिन लक्ष्य

राष्ट्रिय खेलकुद परिषदको कार्यक्रम अन्तर्गत नेपाल क्रिकेट संघको आयोजनामा प्रधानमन्त्री कप एकदिवसीय राष्ट्रिय प्रतियोगिता काठमाडौँमा सुरु भएको छ। प्रतियोगिता अन्तर्गत समुह […]

प्रधानमन्त्री कप आज देखि ( सम्पूर्ण जानकारी )

राष्ट्रिय खेलकुद परिषदको कार्यक्रम अन्तर्गत नेपाल क्रिकेट संघको आयोजनामा प्रधानमन्त्री कप एकदिवसीय राष्ट्रिय प्रतियोगिता आज देखि काठमाडौंमा सुरु हुँदैछ। प्रतियोगिता माघ […]

प्रम कप : ज्ञानेन्द्र कप्तानीको बागमतीमा राष्ट्रिय क्रिकेटरको बाहुल्यता

माघ २ गते देखि काठमाडौँमा सुरु हुने प्रधानमन्त्री कप एकदिवसीय राष्ट्रिय प्रतियोगिताको लागि बागमती प्रादेशिक क्रिकेट संघले राष्ट्रिय टिमका समेत […]

बिग ब्यास : रेनिगेड्सलाई हराउँदै हिट अंकतालिकाको पाचौं स्थानमा

जोए बर्न्सले विस्फोटक ब्याटिंग गर्दा अष्ट्रेलियामा जारि १० औं संस्करणको बिग ब्यास लिग अन्तर्गत बिहिबार सम्पन्न ३९ औं खेलमा क्रिस […]

प्रम कप लुम्बिनी छनोट : बाँकेलाई पराजित गर्दै रुपन्देही च्याम्पियन

प्रधानमन्त्री कप राष्ट्रिय क्रिकेट प्रतियोगिता पुरूषतर्फको लुम्बिनी प्रदेश स्तरीय छनोट खेलमा रुपन्देही प्रादेशिक च्याम्पियन बनेको छ। बिहीबार रुपन्देहीको सिद्धार्थ रंगशालामा […]