Lalitpur Patriots vs Bhairahawa Gladiators
Live Score +
Home - घरेलु क्रिकेट - घरेलु क्रिकेट ( पुरुष ) - सन्दिप जोहराको आक्रामक इनिंगमा कस्मसको जित

घरेलु क्रिकेट ( पुरुष )

सन्दिप जोहराको आक्रामक इनिंगमा कस्मसको जित

Wicketnepal Staff
Editor
  • 1.7K
  •  
  •  
  •  
  •  
  •  
    1.7K
    Shares

  • विकेटनेपाल, फाल्गुन २७ – आइतबार

फाल्गुन २५ गतेदेखि आयोजना भएको दोश्रो युनिभर्सिटी क्रिकेट कप प्रतियोगिता अन्तर्गत तेस्रो दिन आज दुई खेल भएका छन् । किर्तिपुर मैदानमा सम्पन्न खेलहरुमा शंकरदेब क्याम्पसले युनीग्लोब स्कुललाई ६५ रनले तथा कस्मस कलेजले नेपाल कमर्स क्याम्पसलाई ५ रनले पराजित गर्दै क्वाटरफाइनलमा प्रवेश गरेका छन्।

पहिलो खेल: शंकरदेव Vs युनिग्लोब स्कुल (स्कोरकार्ड)

टस हारेर पहिले ब्याटिंग गरेको शंकरदेबले म्यान अफ द म्याच समेत चुनिएका सुबेन्दु पाण्डेको ४१ रनको मद्दतमा १९.४ ओभरमा सबै विकेट गुमाउंदै १३७ रन बनायो। यु-१९ रास्ट्रिय क्रिकेट टिमको अनुभव भएका पाण्डेले ३५ बलमा ४ चौका र २ छक्का प्रहार गरे। त्यस्तै प्रेम तामांगले २६ रन, आयुष्मान बमले २५ रन बनाए। युनिग्लोबका रौनक ढुंगाना र निर्मल एक्सले समान १९ रन खर्चिदै ३/३ विकेट हात पारे।

शुबेन्दु पाण्डे

 

जवाफमा शंकरदेवले कसिलो बलिंग गरेपछि युनिग्लोबले पुरै २० ओभरमा ८ विकेट गुमाएर मात्र ७२ रन बनाउन सक्यो। युनिग्लोबका रवेश पाण्डे र रौनक ढुंगानाले समान १७/१७ रन बनाएपनि अन्य खेलाडीहरुले दोहोरो अंक छुन सकेनन्। शंकर देव बलर रामनरेश गिरिले २ विकेट लिए।

दोश्रो खेल: कस्मस कलेज Vs नेपाल कमर्स क्याम्पस (स्कोरकार्ड)

टस जितेर पहिले ब्याटिंग गरेको कस्मसले २० ओभरमा ८ विकेट गुमाएर १७० रन बनाएको थियो। उसका लागि कुशल भुर्तेलले ३९ रन, म्यान अफ द म्याच सन्दिप जोहराले आक्रामक ३८ रन, हिमांशु दत्तले ३३ रन, कमल सिंह ऐरीले २७ रन योगदान दिए। भुर्तेलले २५ बलमा ६ चौका र १ छक्का प्रहार गर्दा जोहराले मात्र १६ बलमा ३ छक्का र ३ चौका प्रहार गरे। कमर्स क्याम्पसका बसन्त खत्री, इन्द्रकमल मानन्धर र प्रकाश बिस्टले समान २/२ विकेट लिएका थिए ।

कुशल भुर्तेल र सन्दिप जोरा ( फाइल फोटो )

जवाफमा खेल वर्षाले पुरा सम्भब नभएपछि ६.१ ओभरमा ६० रन बनाउनुपर्नेमा कमर्स क्याम्पसले २ विकेट गुमाएर ५४ रन बनाउन सकेपछि  पराजय व्यहोरेको हो । उसका सुरे बोहराले २३ रन, प्रकाश बिस्टले अविजित १४ रन बनाए । कस्मसका दिपेश श्रेष्ठ र कमल ऐरीले १/१ विकेट लिए।

सोमबार हुने खेलहरु 

गोल्डेनगेट कलेज Vs सेन्ट जेभियर कलेज
टियु ‘ए’ Vs ट्रिटन कलेज


  • 1.7K
  •  
  •  
  •  
  •  
  •  
    1.7K
    Shares