क्यारिबियन र जनता कलेजको बिजयी सुरुवात



  • विकेटनेपाल, फाल्गुन २६ – शनिबार

फाल्गुन २५ गतेदेखि आयोजना भएको दोश्रो युनिभर्सिटी क्रिकेट कप प्रतियोगिता अन्तर्गत आज दुई खेल भएका छन्। किर्तिपुर मैदानमा सम्पन्न खेलहरुमा क्यारिबियन कलेजले के एण्ड के ईन्टरनेसनललाई ९ विकेटले तथा जनता कलेजले ओमेगा कलेजलाई १० रनले पराजित गर्दै क्वार्टरफाइनल प्रवेश गर्यो।

पहिलो खेल: पंकज दासको आक्रामक इनिंगमा क्यारिबियनको जित (स्कोरकार्ड)

टस हारेर पहिले ब्याटिंग गरेको के एण्ड के ईन्टरनेसनलले २० ओभरमा ८ विकेट   गुमाएर १०४ रन बनाएको थियो । उसका लागि कुन्दन यादबले २८ रन, गौरी शंकर दासले अविजित १८ तथा राम भट्टराईले १५ रन बनाएपनि अन्य ब्याट्सम्यानले दोहोरो अंक बनाउन सकेनन् । क्यारिबियनका आसिफ पौडेल र गणेश भट्टले समान २/२ विकेट हात पारे ।

Man of the match Pankaj Das.

जवाफमा म्यान अफ द म्याच पंकज दासले अविजित ४५ रन (२७ बल, ७ चौका, १ छक्का) प्रहार गर्दै पहिलो विकेटको लागि जय प्रकाश गुप्तासँग १०० रनको साझेदारी गरेपछि क्यारिबियनले १०५ रनको लक्ष्य मात्र १ विकेट गुमाएर ९.४ ओभरमा पुरा गरेको थियो । जयप्रकाश गुप्ताले पनि ४६ रन बनाएका थिए ।

दोश्रो खेल: दिपेश दासको अर्धशतकमा जनता कलेजको जित (स्कोरकार्ड)

टस जितेर पहिले ब्याटिंग गरेको जनताले म्यान अफ द म्याच दिपेश दासको ६१ रनको मद्दतमा २० ओभरमा ४ विकेट गुमाएर १२४ रन बनाएको थियो । यस्तै प्रकाश न्योपानेले अविजित २६ रन तथा निराजन केसीले २४ रन बनाए । ओमेगाका हरि कृष्ण झाले २ विकेट लिए ।

Man of the match Dipesh Das.

जवाफमा जनताका अनुप कोईराला र सम्बर्धन दवाडीले समान २/२ विकेट लिएपछि ओमेगाले २० ओभरमा ७ विकेट गुमाएर ११४ रनमात्र बनाउन सक्यो । ओमेगाका सुबिन बोगटीले अविजित २७ रन, अंकित प्रताप सिंहले २१ रन, अभियान बस्नेतले १३ रन बनाएका थिए ।





थप समाचार

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]

BBL : सन्दिप सिजनकै महँगो सावित, म्याक्सवेल र मेलबर्नको नयाँ कीर्तिमान

अस्ट्रेलियामा जारि बिग ब्यास लिग अन्तर्गत होबार्ट हरिकेन्सको प्रतिनिधित्व गरिरहेका नेपाली लेग स्पिनर सन्दिप लामिछाने आफ्नो चौधौं खेलमा महँगो सावित […]

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]