डिभिजन-२, नामिबीया बिरुद्ध अमेरिकाको अपत्यारिलो जित



  • विकेटनेपाल, बैशाख-७ 

नामिबियामा जारि आईसीसी विश्व क्रिकेट लिग डिभिजन-२ अन्तर्गत आज सम्पन्न खेलमा अमेरिकाले नामिबियालाई अपत्यारिलो तरिकाले पराजित गरेको छ।

डिभिजन-२ अन्तर्गत दोश्रो दिनको खेलमा ओमानले क्यानडालाई, पपुवा न्यु गिनीले हंगकंगलाई तथा अमेरिकाले नामिबियालाई पराजित गर्यो। यस अघि हिजो प्रतियोगिताको पहिलो दिन नामिबियाले पपुवा न्युगनीलाई, हंगकंगले क्यानडालाई तथा ओमानले अमेरिकालाई पराजित गरेको थियो।

प्रतियोगिताबाट उत्कृस्ट हुने ४ टिमलाई अन्तर्रास्ट्रिय क्रिकेट परिषद – आईसीसीले एकदिवसीय अन्तर्राष्ट्रिय मान्यता दिनेछ।

अमेरिकाको अपत्यारिलो जित, अलिको अचम्मित पार्ने बलिंग 

नेपालको पुर्व प्रशिक्षक पुबुदु दासानायकेले हाल प्रशिक्षण गरिरहेको टिम अमेरिकाले आयोजक नामिबियालाई २ रनको झिनो अन्तरले पराजित गर्यो।

खेलमा टस हारेर ब्याटिंग गरेको अमेरिकाले नामिबियालाई २५१ रनको लक्ष्य प्रस्तुत गरेको थियो।

लक्ष्य पछ्याउने क्रममा नामिबियालाई अन्तिमको ३ ओभरमा २० रन आवस्यक थियो र साथमा थियो ५ विकेट।

सो अवस्थामा ४८ औं ओभरमा नामिबियाले १ विकेट गुमायो भने ओभरमा ६ रन बन्यो। त्यसपछि अब जित्न २ ओभरमा १४ रन र साथमा थियो ४ विकेट। त्यसपछि खेलले नाटकियरुपमा मोड लियो।

बलिंग गर्न आएका अमेरिकी तिब्र गति बलर अलि खानले ४९ ओभरको पहिलो बलमा क्रिजमा जमिरहेका भिल्जोनको विकेट लिए। त्यसपछि ओभरको पाँचौ र छैठौं बलमा लगातार २ विकेट लिंदै टेलरले खेललाई अमेरिकाको पकडमा ल्याए।

अन्तिम ओभरमा जितको लागि नामिबियालाई ७ रन आवस्यक थियो र बाँकी थियो १ मात्र विकेट।

अन्तिम ओभर बलिंग गरेका नेत्रभाल्करले पहिलो र दोश्रो बलमा १/१ रन दिए भने तेश्रो बलमा २ रन दिंदा ३ बलमा नामिबियालाई जित्न ३ रननै बाँकी रह्यो।

त्यो अवस्थामा चौथो बलमा रन लिने चक्करमा नामिबिया ब्याट्सम्यान ग्रोएनवाल्ड रन आउट भए। अमेरिकाले २ रनको अन्तरले सनसनीपूर्ण जित दर्ता गर्यो।

उत्कृस्ट बलिंग गर्दै प्लेयर अफ द म्याच चुनिएका अलि खानले १० ओभरमा ४६ रन दिएर ५ विकेट लिए। यस्तै अन्तिम ओभर बलिंग गरेका  नेत्रभाल्करले ३ विकेट ( ९.४-०-५०-३ ) लिए।

नामिबिया ब्याट्सम्यान तथा कप्तान मरे इरास्मसले ९२ रन बनाए पनि जित भने दिलाउन सकेनन्।

यस अघि अमेरिकाको ब्याटिंगमा आरोन जोनसले अविजित १०३ रनको इनिंग खेलेका थिए। स्टेभन टेलरले ४४ रन बनाएका थिए। नामिबिया बलर जे स्मितले ५ विकेट लिएका थिए।

पपुवा न्यु गिनी र ओमानको जित 

शनिवार सम्पन्न अर्को खेलमा हंगकंगले दिएको २२३ रनको लक्ष्य पपुवा न्यु गिनीले ७ विकेट गुमाएर पुरा गर्यो।

हंगकंगको लागि ब्याटिंगमा अन्शुमन रथले ८५ रन बनाएका थिए। लक्ष्य पछ्याउने क्रममा पपुवा न्यु गिनीको लागि ओपनर टिपी उराले ८७ रन बनाउदै जितमा महत्वपूर्ण योगदान दिए।

यस्तै आजकै अर्को खेलमा ओमानले क्यानडालाई ९९ रनले पराजित गर्यो। ओमानले दिएको २८६ रनको लक्ष्य पछ्याउने क्रममा क्यानडाले १८६ रन मात्रै बनाउन सक्यो। ओमानको लागि जिसान मक्सुदले १०९ र अकिब इल्यासले ८६ रन बनाए भने बलिंगमा फय्याज बटले ३ विकेट लिए।

Points table

Team Played Won Lost Points
Oman 2 2 0 4
Hong Kong 2 1 1 2
Namibia 2 1 1 2
PNG 2 1 1 2
USA 2 1 1 2
Canada 2 0 2 0

( फिचर फोटो – फाइल तस्बिर )





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]