भारतीय बलिंग प्रशिक्षक भेंकटराम नेपालमा, चिन्नुस को हुन्



नेपाली राष्ट्रिय टिमको बलिंग पक्षमा सघाउन भारतीय प्रशिक्षक भुरिती भेंकटराम नेपाल आएका छन्। उनि आइतबार नेपाल आएका हुन्।

अन्तर्राष्ट्रिय क्रिकेट परिषदले भेंकटरामलाई नेपाल पठाएको हो। उनि ओमान र सिंगापुर सिरिजसम्म नेपाली टिमसंग रहनेछन्।

नेपाली राष्ट्रिय टिमका मुख्य प्रशिक्षक उमेश पटवाल मातृ शोक परे पछि गत हफ्ता भारत फर्केका थिए। पटवाल बुधबार नेपाल फर्किने तालिका रहेको छ। पटवाललाई अब भुरिती भेंकटरामले प्रशिक्षणमा सघाउनेछन्।

को हुन् भुरिती भेंकटराम

६२ वर्षीय भुरिती भेंकटराम बिहार रणजी क्रिकेट टिमका पुर्व कप्तान हुन्। अफ स्पिनर रहेका भेंकटरामले बिहारको लागि १९७३/७४ देखि १९९१/९२ सम्म ६८ वटा प्रथम श्रेणी खेल खेलेका थिए जसमा उनले २६.५२ को औशतले २१७ विकेट लिएका थिए।

खेल जीवन पछि प्रशिक्षकको रुपमा भेंकटरामले त्रिपुरा, झारखण्ड तथा नेसनल क्रिकेट एकेडेमी भारतको समेत प्रशिक्षकको रुपमा काम गरेका थिए। उनि बिसीसीआईका लेभल-३ प्रशिक्षक हुन्। उनको प्रशिक्षणमा झारखण्डले रणजी ट्रफीको सेमीफाइनलसम्म पुगेको थियो।

२०११ देखि १३ सम्म उनले भारतको नेसनल क्रिकेट एकेडेमीको स्पिन बलिंग प्रशिक्षकको जिम्मेवारी सम्हालीसकेका छन्। २०१४/१५ सिजनको लागि उनि दोश्रो पटक झारखण्डको मुख्य प्रशिक्षकको रुपमा नियुक्त भएका थिए।

नेपाली टिम हाल सिंगापुर र ओमान सिरिज तथा डिसेम्बरमा आयोजना हुने दक्षिण एसियाली खेलकुदको लागि तयारी गरिरहेको छ। सिंगापुरमा नेपालले सेप्टेम्बर २७ देखि अक्टोबर ३ सम्म आयोजक सिंगापुर र जिम्बाबे सम्मिलित त्रिकोणात्मक सिरिज खेल्नेछ। त्यसपछि ओमानमा हंगकंग, आयरल्याण्ड, नेदरल्याण्ड र ओमानसंग अक्टोबर ५ देखि १० सम्म टि-२० सिरिज खेल्ने नेपाली टिमको तालिका रहेको छ।

नेपाली टिम हाल टियु मैदानमा तयारीमा व्यस्त रहेको छ

सिंगापुर र ओमान सिरिजको लागि नेपाली टिमको घोषणा बिहिबार गरिने बताईएको छ। यो पटक टिममा युवा खेलाडीहरुले मौका पाउने र केहि ठुला खेलाडीहरुलाई आराम दिईने सम्भावना रहेको छ। नेपाली टिम २५ सेप्टेम्बरमा सिंगापुर प्रस्थान गर्नेछ।

सिंगापुर त्रिकोणात्मक सिरिजको खेल तालिका :- सिरिजको पहिलो खेल नेपाल र जिम्बाबे बीच २७ सेप्टेम्बरमा खेलिनेछ। दोश्रो खेलमा नेपालले सिंगापुरसंग २८ सेप्टेम्बरमा खेल्नेछ। तेश्रो खेल सिंगापुर र जिम्बाबे बीच २९ सेप्टेम्बरमा खेलिनेछ। त्यसपछि दोश्रो चरण अन्तर्गत नेपालले जिम्बाबेसंग १ अक्टोबरमा खेल्नेछ। २ अक्टोबरमा नेपालले सिंगापुरसंग खेल्नेछ भने अन्तिम खेल ३ अक्टोबरमा जिम्बाबे र सिंगापुर बीच खेलिनेछ।

ओमान टि-२० सिरिजको खेल तालिका :- सिरिज अन्तर्गत अक्टोबर ६ तारिकमा हंगकंगसंग पहिलो खेल खेल्नेछ। यस्तै अक्टोबर ७ मा नेदरल्याण्डसंग दोश्रो खेल, अक्टोबर ९ मा आयरल्याण्डसंग तेश्रो खेल तथा अक्टोबर १० मा आयोजक ओमानसंग चौथो खेल खेल्नेछ।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]