भेट्रान स्पिनर बसन्त रेग्मी पनि कोरोना संक्रमित



राष्ट्रिय क्रिकेट टिमको बन्द प्रशिक्षणमा सहभागी हुन नआएका भेट्रान देब्रे हाते स्पिनर बसन्त रेग्मीलाई पनि कोरोना संक्रमण देखिएको छ।

स्वास्थ्य समस्या देखिएपछि गृहनगर भैरहवामा उनले गत साता कोरोना परिक्षण गराएका थिए जसको रिपोर्ट पोजेटिभ देखिएपछि उनि बन्द प्रशिक्षणमा सहभागी नभएका हुन्। उनि हाल भैरहवामै सेल्फ आइसोलेसनमा बसीरहेका छन्। रेग्मीले बन्द प्रशिक्षणमा सहभागी नहुनुको कारण क्यानलाई जानकारी गराएका थिए। उनको परिवारको सदस्यमा समेत कोरोना देखिएको थियो। अब उनि निको भएपछि पुनः बन्द प्रशिक्षणमा फर्कनेछन्। गत वर्ष जुलाईमा सिंगापुरमा आयोजित टि-२० विश्वकप एसिया छनौट पछि रेग्मीले राष्ट्रिय टिमको लागि खेलेका छैनन्।

यस अघि मंगलबार राष्ट्रिय टिमका अन्य ३ सदस्य कप्तान ज्ञानेन्द्र मल्ल, उपकप्तान दिपेन्द्र ऐरी र रोहित पौडेललाई कोरोना देखिएको थियो। यस्तै टिमका बस चालक प्रदिप लामामा पनि कोरोना देखिएको थियो।रेग्मीलाई केहि लक्षणहरु देखिएता पनि अन्य संक्रमित खेलाडीहरुको अवस्था सामान्य रहेको छ। मल्ल, ऐरी र पौडेल टिम बसेको काठमाडौं स्थित होटल शिभम प्लाजामा सेल्फ आइसोलेसनमा बसेका छन्।

४ खेलाडीलाई कोरोना देखिएपछि क्यानले बन्द प्रशिक्षणमा सहभागिताको लागि थप ५ जना खेलाडीलाई बोलाएको छ। अनिल साह, बिक्रम सोब, कुशल भुर्तेल, रित गौतम र लोकेश बमलाई बोलाइएको छ।

अनिल साह, रित गौतम, कुशल भुर्तेल, लोकेश बम र बिक्रम सोबलाई क्यानले बन्द प्रशिक्षणमा बोलाएको छ

गत वर्ष चैत पछि पहिलो पटक नेपाली राष्ट्रिय टिमले एकसाथ बन्द प्रशिक्षण गर्न लागेको हो। क्यानले अन्तर्राष्ट्रिय क्रिकेट परिषद आईसीसीले दिएको प्रोटोकल अनुसार प्रशिक्षण सुरु गर्न लागेको हो। खेलाडी तथा स्टाफमा कोरोना देखिएपछि क्यानले बन्द प्रशिक्षणको पहिलो साता टियु मैदानमा मिडिया प्रवेशमा समेत रोक लगाएको छ। खेलाडीहरुलाई पनि होटल र मैदानबाट बाहिर निस्कन दिईने छैन।

श्रोतका अनुसार बन्द सत्रको पहिलो चरण करिब ३ साता चल्नेछ जसपछि नेपाली टिमले चितवनको निर्माणाधिन गौतम बुद्ध अन्तर्राष्ट्रिय रंगाशालासंगै रहेको अर्को मैदानमा त्रिकोणात्मक सिरिज खेल्नेछ। सिरिजमा नेपाली टिम पछि खेल्ने अन्य टिम कुन हुने बारे जानकारी प्राप्त भएको छैन। डिसेम्बर अन्तिममा क्यानले प्रधानमन्त्री कप एकदिवसीय प्रतियोगिता समेत आयोजना गर्ने बताएको छ।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]