Kathmandu Cricket Training Center vs Royal Rising Cricket Club
Live Score +
Home - समाचार - बिराट कोहली फ्यान क्लब नेपाल गठन, कोहलीको सफलतामा काटियो केक

समाचार

बिराट कोहली फ्यान क्लब नेपाल गठन, कोहलीको सफलतामा काटियो केक

Wicketnepal Staff
Editor
  • विकेटनेपाल, भदौ १४

अन्तर्राष्ट्रिय क्रिकेटमा लगातार आफुलाई महान क्रिकेटरको रुपमा प्रमाणित गर्दै आएका बिराट कोहलीका फ्यानहरु पनि दिनानुदिन बढीरहेका छन् l

भारतीय क्रिकेट टिमको कप्तान आफ्नो ब्याटिंग शैलीको कारण मात्रै हैन आफ्नो कडा स्वभाव, रेकर्ड र अभिनेत्री अनुस्का शर्मासंगको सम्बन्धको कारणले बारम्बार चर्चामा आउने गर्छन l यी सबै कुराले बिश्वभर करोडौं फ्यान कमाएका कोहलीको फ्यानहरु नेपालमा समेत ठुलो संख्यामा रहेको छ l

नेपालमा रहेका कोहलीका फ्यानहरु मध्ये बिराटनगरका फ्यानहरु भने अरु भन्दा अघिनै देखिएका छन् l

हजुर, बिराटनगरमा रहेका कोहलीका समर्थकहरुले मंगलबार अन्तर्राष्ट्रिय बिराट कोहली फ्यान क्लबनै गठन गरेका छन् l सन्नी सिंहको अध्यक्षतामा गठित कमिटिमा शिखा श्रेष्ठ र आयुष रौनियार उपाध्यक्ष रहेका छन् l

अन्तर्राष्ट्रिय बिराट कोहली फ्यान क्लबको साखाको रुपमा क्लब गठन गरिएको हो जसको नेपाल संयोजक रोनक अग्रवाल रहेका छन् l

क्लब गठन गर्न बिराटनगरमा रहेका कोहली फ्यानहरुले कार्यक्रमनै आयोजना गरेका थिए l कार्यक्रममा कोहलीका पुरुष मात्रै हैन महिला समर्थकहरुको समेत उतिकै सहभागिता देखिन्थ्यो l

संयोजक अग्रवालले कोहलीको समर्थन मात्रै हैन स्थानीय तहको क्रिकेट विकास तथा महिला क्रिकेटको विकास समेत गर्ने उद्देश्य लिएको बताएका छन् l

भारतीय क्रिकेट टिमको लागि खेल्न ९ बर्ष यसै महिना पुरा गरेका कोहलीको सफलतामा क्लबले केक काटेर खुसियाली समेत मनाईसकेको छ l क्लब महिला क्रिकेट प्रबर्द्धन गर्न क्लबले महिला क्रिकेटरहरुसंग मैत्रीपूर्ण क्रिकेट समेत खेलीसकेको छ l

 

( फोटोहरु : अन्तर्राष्ट्रिय बिराट कोहली फ्यान क्लब फेसबुक )