कोहलीले गरे ८५ बर्षमा ३३ कप्तानले गर्न नसकेको यो काम



  • विकेटनेपाल, ३१ साउन

भारत र श्रीलंका बीच सोमबार सकिएको तेश्रो टेस्ट इनिंग र १७१ रनले जित्दै भारतले ३ टेस्ट म्याचको सिरिज ३-० ले व्हाइटवास गरेको छ l

टेस्ट क्रिकेट इतिहासमै पहिलो पटक भारतले बिदेशी भूमिमा ३ टेस्ट म्याचको सिरिज व्हाइटवास गर्दै इतिहास रचेको छ l

टेस्टमा भारतले टस जितेर ब्याटिंग गर्दै पहिलो इनिंगमा शिखर धवनको ११९,  हार्दिक पान्ड्याको १०८ रन मदतले ४८७ रन बनाएको थियो l श्रीलंकाले आफ्नो पहिलो इनिंगमा १३५ रनमै सम्पूर्ण विकेट गुमाएपछि भारतले श्रीलंकालाई फलो अन दिएको थियो l पुनः ब्याटिंग गरेको श्रीलंकाले दोश्रो इनिंगमा मात्र १८१ रनमै सबै विकेट गुमाएको थियो l पहिलो इनिंगमा भारतीय बलर कुलदिप यादबले सर्बाधिक ४ विकेट लिएका थिए भने दोश्रो इनिंगमा रबिचन्द्रन आश्विनले ४ तथा मोहम्मद शामीले ३ विकेट हात पारे l

८५ बर्षमा ३३ कप्तानले गर्न नसकेको काम 

विदेशी भूमिमा ३ टेस्टको सिरिज व्हाइटवास गर्न भारतले ८५ बर्ष कुर्नु पर्यो जुन अबधिमा ३३ कप्तान फेरिए l बिराट कोहलीले ८५ बर्ष लामो प्रतिक्षालाई समाप्त गर्दै इतिहास रचेका हुन् l

भारतले सन् १९३२ देखि टेस्ट खेल्न सुरु गरेको थियो जसपछि बिदेशी भूमिमा ७८ औँ सिरिज खेल्ने क्रममा बल्ल यो सफलता हात परेको हो l

©ICC

लगातार सिरिज जीतको बर्ल्ड रेकर्डबाट भारत १ कदम टाढा 

श्रीलंकालाई सिरिजमा पराजित गरेसंगै भारतले २०१५ देखि २०१७ सम्म लगातार ८ वटा टेस्ट सिरिज जितीसकेको छ l सन् २००५-६ देखि २००८ सम्म अस्ट्रेलियाले रिकी पोंटिंगको कप्तानीमा लगातार ९ टेस्ट सिरिज जितेको थियो l अब एउटा टेस्ट सिरिज जिते भारतले बिश्व रेकर्ड बराबरी गर्नेछ l

२०१५ मा श्रीलंकालाई २-१ ले पराजित गरेपछि भारतले कुनै पनि सिरिज गुमाएको छैन l

भारतको सिरिज जीत

१. २०१५ , श्रीलंकालाई २-१
२. २०१५-१६ , दक्षिण अफ्रीकालाई ३-०
३. २०१६  , वेस्टइन्डिजलाई २-०
४. २०१६-२०१७ , न्युजिल्याण्डलाई ३-०
५. २०१६-१७ , इंग्ल्याण्डलाई ४-०
६. २०१६-१७ , बंगलादेशलाई १-०
७. २०१६-१७ , अस्ट्रेलियालाई २-१
८. २०१७ , श्रीलंकालाई ३-०

भारतको दोश्रो ठुलो जित 

श्रीलंकालाई इनिंग र १७१ रनले पराजित गरेको भारतको यो बिदेशी भुमिमा यो दोश्रो ठुलो जित हो l यस भन्दा १० बर्ष अघि बंगलादेशलाई भारतले इनिंग र २३९ रनले पराजित गरेको थियो l

श्रीलंकाको निराशाजनक हारको कारण टस ? 

श्रीलंकन कप्तान दिनेश चण्डीमालले भारतसंग हार पछि खेल जीवनकै निराशाजनक हारको प्रतिक्रिया दिंदै ३ वटै टेस्टमा टस हार्नु पनि खराब प्रदर्शनको कारण बताएका छन् l

“टसलाई नियन्त्रण गर्न सकिन्न l एउटा टिमको लागि निकै कठिन सिरिज थियो l भारतले राम्रो खेल्यो l”

“हाम्रो बलिंग र ब्याटिंग अत्यन्त कमजोर रह्यो, हामी धैर्य हुनुपर्छ र अझ ध्यान दिनु पर्नेछ”





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]