भारतीय टेस्ट कप्तानबाट कोहलीको राजिनामा



भारतीय क्रिकेटर बिराट कोहलीले भारतको टेस्ट क्रिकेटको कप्तानी तुरन्त लागु हुने गरि छाड्ने घोषणा गरेका छन्।

सन् २०१४ मा पहिलो पटक अस्ट्रेलिया बिरुद्ध भारतको टेस्ट कप्तानी गरेका कोहलीले दक्षिण अफ्रीकासंग भर्खरै सम्पन्न सिरिजमा २-१ को हार पछि कप्तानी छाड्ने निर्णय गरेका हुन्।

ट्वीटरमा बिज्ञप्ति जारि गर्दै कोहली ले लेखेका छन् – “टिमलाई सहि दिशामा लैजानको लागि ७ वर्षको अथक मेहनतबाट अलग हुने समय आएको छ। सबै कुराको कुनै स्तरमा अन्त्य हुनु पर्छ र मेरो लागि भारतको टेस्ट कप्तानको रुपमा अहिले भएको छ।”

“यात्रामा धेरै उतारचढाव पनि आएका छन् तर प्रयास र विश्वासमा कमि थिएन। मैले सधैं आफ्नो काममा १२० प्रतिशत दिनमा विश्वास गरेको छु र यदी म त्यस्तो गर्न सक्दिन भने मलाई थाहा छ कि यो सहि छैन। मेरो दिलमा पूर्ण स्पष्टता छ र म आफ्नो टिम प्रति बेइमानी गर्न सक्दिन।”

“म बिसीसीआईलाई यति लामो समयसम्म आफ्नो देशको नेतृत्व गर्ने मौका दिएकोमा धन्यवाद दिन्छु र त्यो भन्दा पनि महत्वपूर्ण कुरा टिमका सबै साथीहरु जो पहिलो दिनबाट मेरो साथ थिए र कुनै पनि परिस्थितिमा हार मानेनन्। तपाईहरुले यो यात्रालाई याददार र सुन्दर बनाउनु भएको छ। रवी भाई र समुह यो वहानमा इन्जिन थिए जसले टेस्ट क्रिकेटलाई माथि लिएर आए, तपाई सबैले मेरो जीवनमा यो दृस्टी ल्याउनमा ठूलो भूमिका निभाउनु भएको छ।”

“अन्तिममा महेन्द्रसिंह धोनीलाई धन्यवाद जसले मलाई एउटा कप्तानको रुपमा ममा विश्वास गर्दै मलाई भारतीय क्रिकेट अघि लैजान सक्षम व्यक्तिको रुपमा पाए” कोहलीले बिज्ञप्तिमा लेखेका छन्।

कोहलीले टि-२० विश्वकप पछि भारतीय टि-२० टिमको कप्तानी छाडेपछि उनलाई बिसीसीआईले भारतीय एकदिवसीय टिमको कप्तानबाट पनि हटाएको थियो।

कोहलीले भारतको लागि ६१ टेस्टमा कप्तानी गर्ने क्रममा भारतले ४० टेस्टमा जित १७ टेस्टमा हार बेहोर्द ११ खेल बराबरीमा टुंगियो। उनि सर्वाधिक टेस्टमा कप्तानी गर्ने भारतीय खेलाडी समेत हुन्।





थप समाचार

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]