कोहली फ्यान क्लबद्वारा दृस्टी बिहिन राष्ट्रिय क्रिकेटरहरुसंग अन्तर्क्रिया

Virat Kohli Fan Club


  • विकेटनेपाल, चैत ११ 

अन्तर्राष्ट्रिय बिराट कोहली फ्यान क्लबले काठमाडौँमा दृस्टी बिहिन राष्ट्रिय क्रिकेट टिमसंग अन्तर्क्रिया कार्यक्रम सम्पन्न गरेको छ। फ्यान क्लबको काठमाडौँ शाखाले आयोजना गरेको कार्यक्रममा पाकिस्तानमा यसै बर्ष जनवरीमा सम्पन्न दृस्टीबिहिन बिश्वकपमा सहभागी भएका खेलाडीहरु तथा राष्ट्रिय क्रिकेटर सोमपाल कामिले आफ्नो अनुभव बताएका थिए।

माइतीघर सेन्ट जेभियर कलेजमा आयोजित कार्यक्रममा नेपाली दृस्टीबिहिन क्रिकेट टिमका ५ सदस्यहरु प्रबल राज बिस्ट, कुशल न्यौपाने, सागर लामा, बद्रि चौलागाई र रमेश बहादुर बानियाँ सहभागी थिए। फ्यान क्लबका सदस्यहरुले सोधेको बिभिन्न प्रश्नको जवाफ दिने क्रममा उनीहरुले बिश्वकप खेल्दाको आफ्नो अनुभव, समस्याहरु तथा क्रिकेट विकासको लागि चालिनु पर्ने कदमबारे बोलेका थिए।

यसै बर्ष जनवरीमा दृस्टीबिहिन एकदिवसीय बिश्वकप खेल्न जाँदा रेलमा यात्रा गर्नुपरेको प्रसंग याद गर्दै रमेश बहादुर बानियाँले फ्यानहरुकै सहयोगले आफुलाई उर्जा प्राप्त भएको सम्झिए-

“हामि जुन मनस्थिति बनाएर खेल्न गएका थियौं बाटोमा जाँदाजाँदै परिवर्तन भैसकेको थियो। त्यहाँ पुगीसकेर २ वटा खेल खेल्दा हाम्रो मनोबल कमजोर भैसकेको थियो। पाकिस्तान पुगीसकेपछि पाकिस्तान र बंगलादेशसंग खेलीसकेपछि पनि खेल भन्दा अब फेरी त्यही बाटो भएर फर्किनुछ, के होला हालत भन्ने एउटा मनस्थिति भएको थियो।” उनले थपे – २ वटा खेल खेलीसकेपछि प्लेनबाट फर्किने खबर पायौ जसपछि खेलाडीहरुमा जोश आयो जसपछि अस्ट्रेलियालाई हामीले पराजित गर्न सक्यौ, त्यस अघि कहिले पनि हामीले अस्ट्रेलियालाई पराजित गर्न सकेका थिएनौ, फ्यानहरुको समर्थनले त्यो सम्भव भएको हो”

दृस्टीबिहिन टिम रेलमार्फत कस्टकर यात्रा गर्दै पाकिस्तान पुग्ने परिस्थितिमा नेपाली क्रिकेट समर्थक समाजले सहयोग अभियान चलाउदा प्लेनमा फर्किन सम्भव भएको थियो।

दृस्टी बिहिन क्रिकेट संघका महासचिब पर्वत राज बिस्टले बजेटको अभावले दृस्टीबिहिन टिमले बिभिन्न समस्याहरु भोग्नुपरेको र आगामी दिनमा सरोकारवाला पक्षले बिशेष ध्यान दिए राम्रो नतिजा ल्याउने बिश्वास ब्यक्त गरे। साथै उनले नेपालमै पहिलो पटक अन्तर्राष्ट्रिय टिमहरु ल्याएर सिरिज खेल्ने योजना सुनाउदै त्यसलाई सफल बनाउन फ्यानहरुको पनि सहयोगको लागि अपिल गरे।

यस्तै भर्खरै नेपालीलाई एकदिवसीय राष्ट्रको मान्यता दिलाउने टिमका महत्वपूर्ण सदस्य सोमपाल कामिले पनि फ्यानहरुको जिज्ञासाको समाधान गर्ने क्रममा नेपाली क्रिकेटको सफलता र आफ्नो बारे पनि धेरै कुरा खोले।

“एकदिवसीय मान्यता पाएपछि बिश्वको ध्यान नेपाली खेलाडीमा हुनेछ र यसले सीपीएल, बिपीएल जस्ता अन्तर्राष्ट्रिय लिगमा हाम्रो सम्भावना खुलेको छ”

सोमपालले ठुला लिगहरु भन्दा नेपाललाई बिश्वकप खेलाउने सपना देखेको सुनाए- “मेरो आईपीएल भन्दा पनि देशलाई कसरि अघि बढाउने भन्ने सपना छ र नेपाललाई बिश्वकप पुर्याउने र टेस्ट राष्ट्र बनाउन कसरि आफुले मेहनत गर्नेमा मेरो ध्यान रहनेछ”

फास्ट बलर बन्न के गर्नुपर्छ भन्ने फ्यानको प्रश्नमा सोमपालले यस्तो जवाफ दिए-

“फास्ट बलर भएपछि सधै दुखाइ सहने बानि गर्नुपर्छ र कसरि खाने, सुत्ने र फिटनेसमा निकै ध्यान दिनुपर्छ” यसै प्रसंगमा सोमपालले आफुलाई फिट राख्न २ बर्ष देखि मम नखाएको समेत खुलासा गरे।

अन्तर्राष्ट्रिय बिराट कोहली फ्यान क्लब नेपालको गत बर्ष अगस्टमा बिराटनगरमा स्थापना भएको थियो। अन्तर्राष्ट्रिय बिराट कोहली फ्यान क्लबको साखाको रुपमा क्लब गठन गरिएको हो जसको नेपाल संयोजक रोनक अग्रवाल रहेका छन्। फ्यान क्लबको काठमाडौँ साखा गत बर्ष डिसेम्बरमा भएको थियो जसको अध्यक्ष कपिल बन्जाडे रहेका छन्।  क्लबले यस अघि पनि बिभिन्न सामाजिक कार्यक्रमहरु गरिसकेको छ।

 





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]