“कसैले पनि सुरुवातमा हामीलाई दाबेदार मानेका थिएनन्” वार्नर



दिल्ली क्यापिटल्ससंग दोश्रो क्वालीफायरमा पराजित हुँदै आईपीएल २०२० बाट बाहिरिएपछि सनराइजर्स हैदरावादका कप्तान डेभिड वार्नरले टिमको प्रदर्शनमा गर्व रहेको बताएका छन्।

शेख जायद स्टेडियम अबुधाबीमा दिल्लीले दिएको १९० रनको लक्ष्य पछ्याउने क्रममा हैदरावादले १७२ रन बनाउन सकेपछि १७ रनको हार बेहोर्यो।

अंकतालिकाको सातौं स्थानमा रहेको हैदरावादले लिग चरणको अन्तिम ३ खेलमा लगातार जित हाँसिल गर्दै अंकतालिकाको तेश्रो स्थानमा रहँदै प्ले-अफमा स्थान बनाएको थियो। त्यसपछि इलिमीनेटरमा बैंगलोरलाई ६ विकेटले पराजित गर्दै दोश्रो क्वालीफायर पुगेको थियो। गत वर्ष पनि हैदरावादको यात्रा प्लेअफमा पुगेर रोकिएको थियो जुन बेला पनि इलिमीनेटरमा दिल्ली २ विकेटले विजयी भएको थियो।

खेलपछि कुराकानीको क्रममा वार्नरले लिग सुरुवातमा कसैले पनि हैदरावादलाई बलियो टिमको रुपमा नलिएको बताए –

“पहिलो र प्रमुख कुरा, कसैले पनि सुरुवातमा हामीलाई दाबेदार मानेका थिएनन्। सबै ठूला ३ टिम : मुम्बई, दिल्ली र बैंगलोरको कुरा गरिरहेका थिए। म हाम्रो यात्रा प्रति गर्व गर्छु। समग्रमा हेर्दा प्रतियोगिता राम्रो रह्यो। म सम्पूर्ण समर्थकहरुलाई धन्यवाद व्यक्त गर्न चाहन्छु। ”

वार्नरले क्याच छोड्नु टिमको प्रतियोगितामा असफलताको कारण भएको बताए – “सबैभन्दा प्रमुख कुरा मैदानमा तपाईको स्वभाव हो। तपाईले क्याच छोड्नु हुन्छ भने म्याच जित्न सक्नुहुँदैन। हामीले यो पक्षमा अर्को पटक अझ राम्रो गर्नुपर्नेछ। त्यो कुरा थियो जसले हामीलाई असफल बनायो।”

वार्नरले सिजनकै सर्वाधिक योर्कर गर्न सफल टि नटराजनको खुलेर तारिफ गरे जसलाई लिगकै खोज बताए- “नटराजन यो आईपीएलको खोज हो जसले उत्कृस्ट प्रदर्शन गरे। राशिदले गजब प्रदर्शन गरे र मनिष पाण्डेले नम्बर ३ मा।”

उनले भुवनेश्वर कुमार र रिद्दीमान साहा जस्ता खेलाडीहरु घाइते हुँदा टिमलाई ठुलो घाँटा पुगेको बताए – “साहा र भुवी जस्तो खेलाडी गुमाउनु मुस्किल कुरा थियो, तर अन्य खेलाडीहरुले आफ्नो जिम्मेवारी राम्रो संग निभाएका कारण हामि यहाँसम्म पुग्न सक्यौं।”

“हैदरावाद हाम्रो दोश्रो घर हो र फ़्रेन्चाइज् मालिकहरु परिवार जस्तै हुन्। आशा गर्छौं अर्को आईपीएल भारतमा आगामी वर्ष हुनेछ जसमा हामिले यो भन्दा राम्रो गर्नेछौँ।” वार्नरले बताए।

पहिलो पटक आईपीएल फाइनल प्रवेश गर्न सफल भएपछि दिल्ली क्यापिटल्सका कप्तान श्रेयस ऐयरले निकै खुसि लागेको प्रतिक्रिया दिए –

“अद्भुत ! , अहिलेसम्मकै उत्कृस्ट महसुस गरिरहेको छु। यो यात्रा उतारचढावले भरिएको थियो। हामीले एउटा परिवार भएर खेल्यौं। कप्तानको रुपमा र ब्याट्सम्यानको रुपमा धेरै जिम्मेवारी थियो। प्रशिक्षक र मालिकबाट धेरै साथ पाएको छु। म यति उत्कृस्ट टिम पाउदा भाग्यमानी महसुस गरिरहेको छु।”

ऐयरले आगामी खेलमा पनि यस्तै स्वतन्त्र क्रिकेट खेल्ने बताए – “अर्को खेलमा पनि हामीले यही मानसिकतालाई निरन्तरता दिंदै स्वतन्त्र भएर खेल्नुपर्छ।”

“हामीले राम्रो योगफल बनाउन सक्यौं। १० ओभर पछि राशिदले घातक बलिंग गरेपछि उनलाई हेरेर खेल्ने सोच्यौं। हामिले प्रतियोगितामा राम्रो ओपनिंग साझेदारी पाएका थियौं र हामीलाई उत्कृस्ट सुरुवात आवस्यक थियो। हामीले सोचेका थियौं कि स्टोइनिसलाई धेरै बल दिन सके उनले धकेल्न सक्नेछन्।” ऐयरले बताए।

पहिलो क्वालीफायरमा मुम्बईसंग पराजित भएपछि दिल्लीले दोश्रो क्वालीफायरमा हैदरावादको यात्रा समाप्त गर्दै फाइनलमा मुम्बईसंगको भेट पक्का गरेको हो। फाइनल खेल नोभेम्बर १० तारिख मंगलबार दुबई अन्तर्राष्ट्रिय स्टेडियममा खेलिनेछ। मुम्बईले दिल्लीलाई पहिलो क्वालीफायरमा पराजित गर्दै फाइनल प्रवेश गरेको थियो।

१३ औं सिजनमा दिल्ली पहिलो पटक आईपीएलको फाइनलमा

अलि, रौफ र कादिरको प्रदर्शनमा पाकिस्तानको जित

‘कोहलीलाई बैंगलोरको कप्तानीबाट हटाउनु हुँदैन’ सेहवाग

क्यान बैठक : सम्झौता अवधि घटाउदै सच्याइयो खेलाडी वर्गीकरण, के-के भए अन्य निर्णयहरु





थप समाचार

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]

नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख […]

टि-२० विश्वकप छनोटको लागि टिमको घोषणा : सोमपाल र बिनोद बाहिर, लोकेश र बिबेक टिममा

ओमानमा फेब्रुअरी १७ तारिख देखि आयोजना हुने टि-ट्वान्टी विश्वकप ग्लोबल छनोट प्रतियोगिताको लागि नेपाल क्रिकेट संघले १६ सदस्यीय टिमको घोषणा […]