वार्नरलाई आउट दिएको निर्णयको कमेन्टेटरले गरे बिरोध ‘यो गलत भयो’



आईपीएल २०२० को इलिमीनेटर अन्तर्गत रोयल च्यालेन्जर्स बैंगलोर र सनराइजर्स हैदरावाद बीचको खेलमा डेभिड वार्नरलाई डिसिजन रिभ्यु सिस्टम ( डीआरएस ) द्वारा आउट दिईएका आउटको निर्णय विवादित बन्न पुग्यो। खेलको कमेन्टेटर सहित अन्य धेरैले उक्त निर्णय धेरैले गलत बताएका छन्।

हैदरावादले लक्ष्य पछ्याउने क्रममा दोश्रो इनिंगको छैठौं ओभरमा उक्त घटना भएको थियो। मोहम्मद सिराजले गरेको ‘गुड लेन्थ बल’ ठोकिएपछि भित्र पस्यो। वार्नरले बललाई रोक्न खोजे जुन क्रममा बल वार्नरको ब्याट र शरीरको बीचबाट छोएर निस्कियो। बल निस्कदा बल/शरीरबाट आवाज आयो जसले गर्दा बैंगलोर टिमले ठूलो उत्साहका साथ अपिल गर्यो। तर फिल्ड अम्पायरले त्यसलाई आउट दिन मानेनन् जसपछि बैंगलोर कप्तान बिराट कोहलीले रिभ्यु लिए।

डीआरएसले बल जाँदै गर्दा आवाज आएको स्पस्ट देखायो तर आवाज ग्लभ्स या शरीर कहाँबाट आएको स्पस्ट थिएन। थाई प्याडको माथि तथा ब्याटिंग ग्लभ्सको भित्र वार्नरको लुगालाई छुदै गएको जस्तो पनि देखियो। अर्को एङ्गलबाट हेर्दा ग्लभ्सलाई छोएको जस्तो पनि देखियो। धेरै पटक उक्त रिप्ले हेरीसकेपछि थर्ड अम्पायर विरेन्दर शर्माले वार्नरको ग्ल्भ्समा छोएको निर्णय दिनको लागि पर्याप्त प्रमाण पाइएको भन्दै आउट दिए। “बलले ग्लभ्सलाई छोइरहेको म देख्दै छु” भन्दै उनले आउट दिए। अस्पस्ट हुँदा धेरैले दुविधाको फाइदा ब्याट्सम्यानलाई दिनु पर्ने सोचेका थिए तर त्यसको विपरीत भयो।

आउट भए पछि डेभिड वार्नर मैदान बाहिरिने क्रममा असन्तुस्ट देखिएका थिए। उक्त निर्णय पछि क्रिकेट पण्डितहरुले आश्चर्यजनक प्रतिक्रिया दिएका छन् जसमा कमेन्टटरहरु समेत रहेका छन्। खेलका कमेन्टेटर एमबांगवाले बताए – “मलाई लाग्छ यो गलत भयो। सबै कुरा अत्यन्त नजिक थियो, प्याड, ग्लभ्स, पेट र सर्ट …. उनीहरु ( बैंगलोर ) लालायित थिए, उनीहरुलाई यो आवस्यक पनि थियो।”

यस्तै अर्का कमेनटेटर सुनिल गावस्करले भने घटनालाई सामान्यरुपमा लिए – “ठिकै छ, मलाई लाग्छ अम्पायरको निर्णय जता पुगेपछि त्यो अन्तिम हो। तर, विरेन्द्र शर्मा ( थर्ड अम्पायर ) डेभिड वार्नरको वरिपरि भने जानु हुँदैन।” गावस्करले व्यंग्यात्मक शैलीमा बताए।

आईपीएल २०२० मा अम्पायरको निर्णयले विवाद सिर्जना गरेको यो पहिलो पटक भने हैन।

सम्बन्धित :-

आईपीएल २०२० बाट बाहिरीएपछि कोहलीले के भने

टाउकोको उचाइको बललाई ‘नो बल’ नदिएपछि खेलाडी र फ्यानहरु चकित

IPL : डीआरएस नलिन प्रोत्साहित गरेपछि अम्पायर चौधरी विवादमा

IPL : धोनीले त्यस्तो के गरे, जसपछि अम्पायरले निर्णयनै परिवर्तन गरे





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]