धोनीको विस्फोटक ब्याटिंग, चेन्नाई शीर्षस्थानमा उक्लियो



विकेटनेपाल, बैशाख १८ – मंगलबार

इन्डियन प्रिमियर लिग (आइपिएल) क्रिकेट अन्तर्गत चेन्नाई सुपरकिंग्स र दिल्ली डेयरडेभिल्सबिचको खेलमा दिल्लीलाई १३ रनले पराजित गर्दै चेन्नाई अंकतालिकाको शीर्षस्थानमा उक्लेको छ ।

घरेलु मैदान पुनेमा चेन्नाईले दिएको २१२ रनको लक्ष्य सहित मैदानमा उत्रेको दिल्लीले २० ओभरमा ५ विकेट गुमाएर १९८ रनमात्र बनाउन सक्यो । उसका लागि रिशब पन्तले ७९ रन बनाउनेक्रममा ४५ बलमा ७ चौका र ५ छक्का प्रहार तथा विजय शंकरले अविजित ५४ रन बनाउनेक्रममा ३१ बलमा १ चौका र ५ छक्का प्रहार गरेपनि अन्य खेलाडीहरुले रन बनाउन सकेनन् ।

पाँचौ विकेटको रुपमा रिशब पन्त आउट हुँदा दिल्लीलाई १४ बलमा ४९ रनको आबश्यकता थियो, विजय शंकरले त्यसपछी ५ छक्का प्रहारगर्दै खेललाई नजिक पुर्याए । बलिंगतर्फ चेन्नाईका केएम असिफले २ विकेट तथा रविन्द्र जडेजा र लुंगी एन्गीडीले १/१ विकेट लिए ।

यसअघि पहिले ब्याटिंग गरेको चेन्नाई सुपरकिंग्सले निर्धारित २० ओभरमा ४ विकेट गुमाएर २११ रनको बिशाल योगफल तयार पारेको थियो । उसका लागि फाफ डु प्लेसिसले पहिलो विकेटको रुपमा आउट हुँदा ३३ रन (३३ बल, ३ चौका, १ छक्का) बनाउंदै पहिलो विकेटको लागि शेन वाटसनसंग १०२ रनको साझेदारी गरेका थिए । त्यसपछि थप १ रनको स्कोरमा सुरेश रैना व्यक्तिगत १ रनमा आउट भएका थिए ।

वाटसनले ७८ रनको पारि खेले

शेन वाटसनले तेस्रो विकेटको रुपमा आउट हुनेक्रममा ७८ रन बनाउन मात्र ४० बलमा ४ चौका र ७ छक्का प्रहार गरे । चौथो विकेटको   लागि अम्बाती रायडुले ४१ रन र महेन्द्रसिंह धोनीले अविजित ५१ रन प्रहार गर्दै ७९ रनको साझेदारी गरेका थिए । २४ बल सामना गरेका रायडुले ५ चौका र १ छक्का तथा २२ बल सामना गरेका धोनीले २ चौका र ५ छक्का प्रहार गरेका थिए जुन धोनीको आइपिएल इतिहासको दोश्रो छिटो प्रहार गरेको अर्धशतक रहेको छ । यसभन्दा अगाडी सन् २०१२ मा मुम्बई बिरुद्द २० बलमा अर्धशतक प्रहार गरेका थिए ।

धोनीले २२ बलमा अर्धशतक पुरा गरे

बलिंगतर्फ एकओभर मात्र बलिंग गरेका ग्लेन म्याक्सवेलले ५ रन खर्चिंदै सुरेश रैनालाई आउट गरेका थिए भने विजय शंकर र अमित मिश्रले पनि समान १/१ विकेट लिएका थिए । शेन वाटसन म्यान अफ द म्याच चुनिए ।

स्कोरकार्ड





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]