विश्वकप लिग -२ : पपुवा न्यु गिनीको तेह्रौं हार, युएई दोश्रो स्थानमा उक्लियो



आईसीसी विश्वकप लिग-२ अन्तर्गत नेपाल, पपुवा न्यु गिनी र आयोजक युएई बीच त्रिकोणात्मक एकदिवसीय अन्तर्राष्ट्रिय सिरिज सुरु भएको छ।

सिरिजको पहिलो खेलमा आयोजक युएईले पपुवा न्यु गिनीलाई ७ विकेटले पराजित गरेको छ।

युएईको शारजाह क्रिकेट स्टेडियममा सम्पन्न खेलमा पपुवा न्यु गिनीले दिएको १७७ रनको लक्ष्य युएईले मात्र ३ विकेट क्षेतीमा ४४.३ ओभरमै भेटायो।

युएईको जितमा आसिफ खानले सर्वाधिक ८१ रन बनाए जुन क्रममा अविजित रहेका उनले १०२ बलमा ८ चौका र १ छक्का प्रहार गरे। यस्तै भृत्य अरविन्दले ४०, चन्दनगोपोयील रिजवानले अविजित २६ तथा मुहम्मद वासिमले २२ रन बनाए। ८९ रनमा ३ विकेट गुमाएको अवस्थामा आसिफ र रिजवानले चौंथो विकेटको लागि ९० रनको साझेदारी गरे।

टस जितेर ब्याटिंग गरेको पपुवा न्यु गिनीले ५० ओभरमा ८ विकेट क्षेतीमा १७६ रन बनाएको थियो। उसको लागि कप्तान असद भालाले सर्वाधिक ४६ रन, सिमोन अटाईले २५, चार्ल्स अमिनीले २३ रन योगदान दिए।

युएईका अफ स्पिनर बसिल हमिदले ४ विकेट तथा कप्तान एहमद रजाले २ विकेट लिए। यस्तै जुनैद सिद्दिकी र जहुर खानले समान १ विकेट लिए।

लिग-२ मा पपुवा न्यु गिनीको यो तेह्रौं हार हो। सबै खेलमा हार पछि पपुवा न्यु गिनी अंकतालिकाको पुछारमा छ। युएई भने स्कटल्याण्डलाई पछि पार्दै दोश्रो स्थानमा उक्लेको छ जसले १५ खेलमा ८ जित, ५ हार, १ बराबरी र १ नतिजाविहिन खेल खेलेको छ। ओमान ३६ अंक सहित शिर्षमा छ भने नेपाल ८ अंक सहित छैठौं स्थानमा छ।

सिरिज अन्तर्गत नेपालले पहिलो खेल बुधबार पपुवा न्यु गिनीसंग खेल्नेछ। शारजाह मैदानमा हुने खेल नेपाली समय ११:१५ बजे विहान सुरु हुनेछ।

( फिचर फोटो – द नेसनल युएई )





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]