मध्यपश्चिमाञ्चल सेमीफाइनलमा, ६२ रनमै समेटियो मध्यपश्चिमाञ्चल

bipin khatri
  • विकेटनेपाल- १७ जेठ

पश्चिमाञ्चल विकास क्षेत्रले राजधानीमा जारी प्रधानमन्त्री कप एकदिवसीय राष्ट्रिय पुरुष क्रिकेटमा दोस्रो जित हात पार्दै सेमीफाइनलमा स्थान बनाएको छ । बिहीबार भएको खेलमा मध्यपश्चिमाञ्चललाई ९ विकेटले पराजित गर्दै पश्चिमाञ्चलले लगातार दोस्रो जित निकालेको हो । ( स्कोरकार्ड )

कीर्तिपुरस्थित टियु मैदानमा मध्यपश्चिमाञ्चलले दिएको ६३ रनको झिनो लक्ष्य पश्चिमाञ्चलले ११ ओभर १ बलमा मात्र १ विकेट गुमाएर पूरा गर्यो । पश्चिमाञ्चलको जितमा अनिल गुरुङले २३, सौरभ खनालले २० तथा नुरध्वज सेनले १९ रनमा अविजित रहे ।

यसअघि टस जितेर ब्याटिङ रोजेको मध्यपश्चिम २३ ओभरमा ६२ रनमै अलआउट भयो । उसका लागि कप्तान सुबेन्दु पाण्डे, राजवीर सिंह र अमरसिंह रौतेलाले समान १३/१३ रन जोडे ।

मध्यपश्चिमलाई सस्तैमा समेट्ने क्रममा पश्चिमाञ्चलका विपिन खत्री र लाल अधिकारीले समान ४/४ विकेट लिए भने कृष्ण कार्कीले २ विकेट लिए ।