जब नेपालसंग जिम्बाबे पराजित भएको थियो

Nepal U19 Cricket Team 2008


  • विकेटनेपाल, फाल्गुन २० – आइतबार

आजदेखि सुरु हुन लागेको आईसीसी विश्वकप छनौट प्रतियोगिताको पहिलो खेलमा नेपालले आयोजक तथा टेस्ट रास्ट्र जिम्बाबेको सामना गर्दैछ। प्रतियोगिताको समुह ‘बि’ मा नेपालसंगै जिम्बाबे, अफगानिस्तान, स्कटल्याण्ड र हंगकंग रहेका छन्। बिश्वकप छनौटको पहिलो खेल जिम्बाबेसंग खेलिन लाग्दै गर्दा नेपालले जिम्बाबेलाई पराजित गर्न सक्ला या नसक्ला भन्ने कौतुहलता नेपाली फ्यानहरुमा चलीरहेको छ। तर धेरै नेपाली फ्यानहरुलाई नेपालले जिम्बाबेलाई धेरै अगाडी पराजित गरिसकेको तथ्यको बारेमा थाहा नहुन सक्छ।

सन् १९८३ देखि २०१५ सम्म लगातार वानडे बिश्वकप खेलीसकेको जिम्बाबेको यु-१९ टिमसंग नेपाल इतिहासमा ४ पटक प्रतिस्पर्धा गरिसकेको छ। जसमध्ये नेपालले अन्तिम पटक सन् २००८ को यु-१९ बिश्वकपको नवौं स्थानको लागि भएको खेलमा जिम्बाबेलाई पराजित गरेको थियो। जिम्बाबे मात्रै हैन नेपालले यु-१९ स्तरमा भारत,पाकिस्तान, दक्षिण अफ्रीका, न्युजिल्याण्ड जस्ता रास्ट्रहरुलाई पराजित गरिसकेको इतिहास छ।

बिश्वकप छनौट अघि जिम्बाबेसंग खेल्दै गर्दा नेपाली कप्तान पारस खड्काले अन्तर्राष्ट्रिय मिडियासंग कुराकानी गर्दै गर्दा जिम्बाबेसंगको जितलाई स्मरण गरेका थिए। हामि पनि याद गरौनत कसरि पराजित गरेको थियो नेपालले जिम्बाबेलाई – 

Paras Khadka Bowling
Paras Khadka Bowling ( photo – cricketeurope.com )

मलेसियामा आयोजना भएको २००८ यु-१९ विश्वकप प्रतियोगितामा शिर्ष ८ भित्र पर्न असफल नेपालले नवौं स्थानको लागि भएको प्लेटच्याम्पियनसिप तर्फको क्वार्टरफाइनल खेलमा जिम्बाबेलाई पराजित गर्न सकेको थियो।

टस हारेर पहिले ब्याटिंग गरेको नेपालले पुस्प थापाको ४० रन (४८ बल, ३ चौका, १ छक्का) तथा पारस खड्काको २० रन (३५ बल, १ चौका, १ छक्का) को मद्दतमा ४५.१ ओभरमा सबै विकेट गुमाउंदै १५८ रनको योगफल तयार पारेको थियो। यस्तै राज श्रेष्ठले १९ रन (७१ बल, ३ चौका) तथा महेश क्षेत्रीले १६ रन (४८ बल) बनाएका थिए। नेपालले अतिरिक्त ४० रन पाएको थियो। जिम्बाबेको लागि स्टेवार्ट मत्सिका र एड्ज़ी जुरेले  ३/३ विकेट लिएका थिए।

Amrit Bhattarai
Amrit Bhattarai ( Photo – CricketEurope )

जवाफमा पारस खड्का अमृत भट्टराई र राज श्रेष्ठले समान ३/३ विकेट हात पारेपछि जिम्बाबेले २७.२ ओभरमा सबै विकेट गुमाउंदै मात्र ५९ रनमै अलआउट हुन पुगेको थियो। उसका लागि तिनाशे चिम्बम्बोले २० रन तथा सोलोमोन मिरले अविजित १६ रन बनाउनु बाहेक अन्यले ५ रन पनि कटाउन सकेनन्। यस्तै राहुल बिश्वकर्माले पनि ३ रन खर्चेर १ विकेट हात पारेका थिए।

नेपालको जितमा महत्वपूर्ण भूमिका निर्बाह गरेका कप्तान पारस खड्का म्यान अफ द म्याच घोषित भएका थिए।

पुष्प थापा

उक्त प्लेइंग एघारबाट अहिलेको टिममा रहेका खेलाडीहरु:

जिम्बाबे: पिटर मोर, सोलोमोन मिरे, क्यले जर्विस
नेपाल: पारस खड्का, ज्ञानेन्द्र मल्ल

नेपालले उक्त बिश्वकपको प्लेट च्याम्पियनसिपको फाइनलसम्मको यात्रा गरेको थियो जुन क्रममा प्लेट सेमीफाइनलमा नामिबियालाई ४ रनले पराजित गरेको थियो। फाइनल खेलमा भने नेपाल वेस्ट इन्डिजसंग ७ विकेटले पराजित भएको थियो। वेस्ट इन्डिजको लागि खेलीसकेका डेरेन ब्राभो र काइरन पावेल जस्ता खेलाडी त्यो बेलाको वेस्ट इन्डिज टिममा थिए।





थप समाचार

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]