को हुन् नेपाल आएका यी हाई-प्रोफाइल प्रशिक्षक ?

Monty Desai with Rahul Dravid


  • विकेटनेपाल, भदौ १२

एसीसी यु-१९ ( पूर्वी क्षेत्र ) प्रतियोगिताको लागि तयारी गरिरहेको नेपाली यु-१९ रास्ट्रिय क्रिकेट टिमको ब्याटिंग कन्सल्टेन्टको रुपमा प्रशिक्षक मोन्टि देसाई आज नेपाल आइपुगेका छन् l

८ बर्ष इन्डियन प्रिमियर लिगसंग जोडिएका देसाई आईपीएल टिम राजस्थान रोयल्स तथा गुजरात लायन्सको प्रशिक्षक तथा ट्यालेन्ट स्काउट ( प्रतिभा खोजकर्ता ) रहीसकेका छन् l नेपालमा १० दिन बस्ने देसाईले यो क्रममा नेपाली यु-१९ रास्ट्रिय क्रिकेट टिमको ब्याटिंगलाई उकास्ने प्रयास गर्नेछन् l

नेपालले मलेसियामा सेप्टेम्बर ८ देखि १७ तारिकसम्म संचालन हुने एसीसी यु-१९ ( पूर्वी क्षेत्र  ) प्रतियोगितामा सहभागित जनाउदै छ l नेपाल सहित आयोजक मलेसिया सहित सिंगापुर, थाईल्याण्ड, भुटान, हंगकंग, चिन र म्यानमार खेल्दै छन् l प्रतियोगितामा उत्कृस्ट हुने २ टिम नोभेम्बरमा मलेसियामा हुने भनिएको यु-१९ एसिया कपमा छनौट छनौट हुनेछ l

राहुल द्रविडसंग देसाई

को हुन् देसाई ? 

आईपीएल टिम राजस्थान रोयल्स र गुजरात लायन्सको प्रशिक्षण तथा प्रतिभा प्रस्फुटक रहीसकेका देसाईले ८ बर्ष आईपीएलसंग जोडिने क्रममा धेरै नयाँ प्रतिभा जन्माउने श्रेय पाएका छन् l राजस्थान रोयल्सलाई नाम नचलेका खेलाडी रहनुका बाबजुत पहिलो आईपीएल उपाधि जिताउनुमा देसाईको योगदान महत्वपूर्ण मानिने गर्छ l  प्रविण ताम्बे, संजु स्यामसन, कामरान खान, अजित चण्डीला जस्ता आईपीएल खेलाडीहरु उनकै खोज हुन् l

सन् २०१२ मा शक्ति गौचनलाई राजस्थान रोयल्समा ट्रायलको लागि देसाईले बोलाएका थिए l  त्यसपछि २०१२ मा पृथु बास्कोटा र प्रदिप ऐरीलाई १ महिना भारतमा ब्याटिंग बिशेष प्रशिक्षण दिलाएका थिए l यस्तै भुवन कार्कीलाई २०१३ मा राजस्थान रोयल्सको ट्रेनिंग क्याम्पमा बोलाएका थिए l

सन् २०१२ मा शक्ति गौचनलाई राजस्थान रोयल्समा ट्रायलको लागि देसाईले बोलाएका थिए l

सन् २०१५ मा आयरल्याण्ड र स्कटल्याण्डमा सम्पन्न टि-२० बिश्वकप छनौटमा समेत प्रशिक्षक देसाई नेपाली टिमको ब्याटिंग कन्सल्टेन्टको भूमिकामा थिए l नेपाल लगायत, क्यानाडा, बर्मुडा, अमेरिका जस्ता देशसंग देसाईले काम गरिसकेका छन् l

पुर्ब प्रशिक्षक पुबुदु दासानायकेसंग राम्रो सम्बन्ध भएका उनले दासानायकेको प्रशिक्षणकालमा नेपाली खेलाडीहरुलाई बारम्बार सहयोग गरेका थिए l सन् २०११ बिश्वकपमा दासानायके क्यानडाको प्रशिक्षक रहंदा देसाईले उनलाई सघाएका थिए l राहुल द्रविड, एन्डी फ्लावर, जोन्टि रोड्स लगायत प्रशिक्षकहरुसंग समेत देसाईले काम गरिसकेका छन् l

प्रशिक्षणको लेभल ३ कोर्स उतिर्ण देसाई सन् २००८ देखि २०१२ सम्म इंग्ल्याण्डले भारत भ्रमण गर्दै इंग्ल्याण्ड प्रशिक्षक एन्डी फ्लावरलाई सघाएका थिए l इंग्ल्याण्ड काउन्टी क्लबहरुसंग समेत उनले काम गरिसकेका छन् l

 

 





थप समाचार

अस्ट्रेलिया बिरुद्ध बंगलादेशको ऐतिहासिक जित, नसुमको घातक बलिंग

अस्ट्रेलियाको बंगलादेश भ्रमण अन्तर्गत पाँच खेलको टि-२० अन्तर्राष्ट्रियको सिरिज अन्तर्गत पहिलो खेलमा घरेलु टोलि बंगलादेशले अस्ट्रेलियालाई २३ रनले पराजित गर्दै […]

क्रिकेटको व्यवस्थापनमा पुग्ने पारसको उद्देश्य

मंगलबार अन्तर्राष्ट्रिय क्रिकेट बाट सन्यास घोषणा गरेका नेपाली राष्ट्रिय क्रिकेट टिमका पूर्वकप्तान पारस खड्काले दुई वर्ष पछि हुने नेपाल क्रिकेट […]

पहिलो एकदिवसीय अन्तर्राष्ट्रिय जितको ३ वर्ष पुरा, पुनः याद गर्नुस १ रनको सनसनीपूर्ण जित

आजकै दिन २०१८ अगस्ट ३ तारिखमा नेपालले नेदरल्याण्डलाई पराजित गर्दै एकदिवसीय अन्तर्राष्ट्रिय क्रिकेटमा पहिलो जित दर्ता गरेको थियो। सोहि वर्ष […]

अन्तर्राष्ट्रिय क्रिकेटबाट पारसको सन्यास घोषणा, यस्ता थिए प्रमुख उपलब्धि

राष्ट्रिय क्रिकेट टिमका पूर्वकप्तान पारस खड्काले अन्तर्राष्ट्रिय क्रिकेटबाट सन्यास लिएका छन्। ३४ वर्षीय खेलाडीले सामाजिक संजालमार्फत अन्तर्राष्ट्रिय खेल जीवन अन्त्य गर्ने […]

इंग्ल्यान्ड बिरुद्ध पहिलो टेस्टबाट मायाँक अग्रवाल बाहिर

इंग्ल्यान्ड भ्रमण अन्तर्गत अगस्ट ४ तारिख बुधबारबाट सुरु हुने पाँच खेलको टेस्ट सिरिज अन्तर्गत पहिलो टेस्टबाट भारतीय ओपनर मायाँक अग्रवाल […]

युएईले घोषणा गर्यो आफ्नै ‘प्रिमियर लिग टि-२०’

ईण्डियन प्रिमियर लिग ( आईपीएल ) र आईसीसी टि-ट्वान्टी विश्वकप पछि युएईको ईमिरेट्स क्रिकेट बोर्ड ( ईसीबि ) ले आफ्नै […]