चिन्नुस् – नामिबिया बिरुद्ध डेब्यु गरेका रोहित पौडेल को हुन्

Rohit Paudel receiving ODI Cap by Batting Consultant Sulakshan Kulkarni


  • विकेटनेपाल – २५ माघ, बिहिवार

नामिबियामा आजबाट सुरु भएको आईसीसी विश्व क्रिकेट लिग डिभिजन २ अन्तर्गत पहिलो खेलमा आयोजक नामिबियासंग युवा खेलाडी रोहित पौडेलले डेब्यु गरेका छन्। उनलाई खेल सुरु हुनु अघि ब्याटिंग टिमका ब्याटिंग कन्सल्ट्यान्ट सुलक्षण कुलाकर्नीले डेब्यु क्याप प्रदान गरेका थिए।

को हुन् त रोहित पौडेल ?

रोहित पौडेल अन्डर-१९ समुहबाट उदाएका खेलाडी हुन्। सन् २०१६ को अन्डर-१९ एसिया कपका लागि खेलाडी छनोट गर्न आयोजित ट्यालेन्ट हन्टबाट राष्ट्रिय टोलिसम्मको बाटो बनाएका रोहित एक कुशल ब्याट्सम्यान हुन् भने मिडियम पेस बलिंग र राम्रो फिल्डिंग समेत गर्नेगर्छन्।

राष्ट्रिय टोलिको क्याप लिंदै रोहितपछिल्लो केहि समय उत्कृस्ट लयमा देखिएका रोहितल एक आक्रामक ब्याट्सम्यानका रुपमा परिचित छन्। आफ्नो एकल प्रयासमा खेल जिताउने क्षमता रोहितमा रहेको छ।

भर्खरै सम्पन्न एभरेष्ट प्रिमियर लिगमा समेत उत्कृस्ट ब्याटिंग गरेका रोहितले त्यसकै बलमा रास्ट्रिय टोलिसम्मको बाटो निर्धारण गरेका हुन्। सन् २०१६ को अन्डर १९ एसिया कपमा भारत बिरुद्ध उनले आक्रामक ब्याटिंग गर्दै रोहितले ६८ रन जोडेका थिए। त्यस खेलमा रोहितले भारतीय बलर कमलेश नगरकोटीको अन्तिम ओभरमा २ छक्का र ३ चौका प्रहार गर्दै २४ रन हिर्काएका थिए। हालै न्युजिल्याण्डमा सम्पन्न यु-१९ बिश्वकपमा प्रभावशाली बलिंग गरेपछि नगरकोटीलाई आईपीएल टिम कोलकाता नाइट राइडर्सले ३.२ करोड भारतीय रुपैयाँमा खरिद गरेको छ।

पुषमा सम्पन्न एभरेस्ट प्रिमियर लिगमा दायाँ हाते ब्याट्सम्यान पौडेलले ललितपुर प्याट्रिएट्ससंगको लिग चरणको खेलमा मेहबुब आलमको एकै ओभरमा १८ रन ( ३ चौका, १ छक्का ) प्रहार गर्दै टिमलाई अप्रत्यासित जित दिलाएका थिए। त्यसक्रममा उनले ११ बल ३१ रन बनाएका थिए। यस्तै ललितपुरसंगकै क्वालिफायर खेलमा रोहितले अन्तिम ओभरमा १३ रन जितको लागि आवस्यक हुँदा लगातार पहिलो ३ बलमा २ छक्का र १ रन लिंदै खेल जिताएका थिए।

Rohit Poudel
Rohit Poudel

यस्तै मलेसियामा सम्पन्न यु-१९ एसिया कप २०१७ को बंगलादेशसंगको खेलमा रोहितले ४० रन ( ५४ बल, २ चौका र २ छक्का ) बनाएका थिए।

डिभिजन-२ अघि युएईमा खेलीएको युएई ‘ए’ संगको पहिलो अभ्यास खेलमा जिम्मेवार ४३ रनको इनिंग खेलेका थिए भने तेश्रो अभयस खेलमा पनि २१ रन योगदान दिएका थिए। घरेलु क्रिकेट र उमेर समुहमा राम्रो प्रदर्शन गरेका रोहितले रास्ट्रिय टिमबाट डिभिजन-२ मा कस्तो प्रदर्शन गर्ने हुन् भने हेर्न बाँकीछ।





थप समाचार

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]