T20WC : वेस्टइन्डिजको विश्वकप इतिहासकै लज्जास्पद ब्याटिंग, रशिदको घातक बलिंग



टि-ट्वान्टी विश्वकप अन्तर्गत सुपर-१२ चरणको दोश्रो खेलमा इंग्ल्यान्डसंग प्रतिस्पर्धा गरिरहेको डिफेन्डिङ च्याम्पियन वेस्टइन्डिजले आफ्नो टि-ट्वान्टी विश्वकप इतिहासकै लज्जास्पद ब्याटिंग गरेको छ।

युएईको दुबई अन्तर्राष्ट्रिय स्टेडियममा टस हारेर ब्याटिंग गरेको वेस्टइन्डिजले १४.२ ओभरमा ५५ रनमै सम्पूर्ण विकेट गुमाउन पुग्यो। यो योगफल वेस्टइन्डिजको टि-२० विश्वकप इतिहासकै सबैभन्दा कम योगफल हो भने समग्रमा टि-२० विश्वकप इतिहासकै तेश्रो कम योगफल हो। यस्तै वेस्टइन्डिजको टि-ट्वान्टी अन्तर्राष्ट्रिय इतिहासको यो दोश्रो कम योगफल हो। वेस्टइन्डिजले सबैभन्दा कम २०१९ मा इंग्ल्यान्ड बिरुद्धनै वेस्टइन्डिजले ४५ रन बनाएको थियो। टि-२० विश्वकपमा यो भन्दा थोरै नेदरल्याण्डले २०१४ मा ३९ तथा जारी विश्वकपमा श्रीलंका बिरुद्ध ४४ रन बनाएको थियो। वेस्टइन्डिज विश्वकपमा हालसम्म एक सय भन्दा कम योगफलमा समेटिएको यो पहिलो पटक हो।

वेस्टइन्डिजको लागि क्रिस गेलले १३ रन बनाउनु बाहेक अन्य ब्याट्सम्यानले दोहोरो अंकमा रन जोड्न सकेनन्। गेल र हेटमार बीच तेश्रो विकेटको १८ रनको साझेदारी इनिंग्सको सर्वाधिक साझेदारी रह्यो।

इंग्ल्यान्डको बलिंगमा आदील रशिदले सर्वाधिक ४ विकेट लिए जुन क्रममा २.२ ओभरमा मात्र २ रन खर्चिए। यस्तै टाईमल मिल्स ( ४-०-१७-२ ) र  मोईन अलिले ( ४-१-१७-२ ) समान दुई विकेट तथा क्रिस वोक्स ( २-०-१२-१ ) र क्रिस जोर्डनले ( २-०-७-१ ) समान एक विकेट लिए।

सुपर-१२ चरण अन्तर्गत आज सम्पन्न पहिलो खेलमा अस्ट्रेलियाले दक्षिण अफ्रीकालाई ५ विकेटले पराजित गर्यो।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]