T20WC : फाबियन एलेन प्रतियोगिताबाटै बाहिर



युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्।

आक्रामक ब्याट्सम्यान तथा देब्रे हाते स्पिनर एलेन एंकल इन्जुरी ( खुट्टाको जोर्नी ) का कारण बाहिरिएका हुन्। उनको स्थानमा वेस्टइन्डिजले १५ सदस्यीय टोलिमा अकिल होसेनलाई आवद्ध गरेको छ जो टिमसंग रिजर्भ खेलाडीको रुपमा युएई पुगेका थिए।

भरपर्दा अलराउण्डर एलेनको अनुपस्थितिको खबर दुई पटक टि-ट्वान्टी विश्वकप जितीसकेको डिफेन्डिङ च्याम्पियन वेस्टइन्डिजलाई झट्काको रुपमा आएको छ। २६ वर्षीय एलेनले वेस्टइन्डिजको लागि २८ टि-ट्वान्टी अन्तर्राष्ट्रिय खेल्ने क्रममा २० विकेट लिनुको साथै १३८.८८ को स्ट्राइक रेटमा २५० रन बनाएका थिए।

एलेनको प्रतिस्थापन गर्ने २८ वर्षीय देब्रे हाते स्पिनर होसेनले देशको लागि यसै वर्ष डेब्यु गरेपछि ९ एकदिवसीय अन्तर्राष्ट्रिय र ६ टि-ट्वान्टी अन्तर्राष्ट्रिय खेलेका छन्। करेबियन प्रिमियर लिगको गत सिजन होसेनले ११ खेलमा १५.९२ को औशतले १३ विकेट लिएका थिए। उनि भर्खरै सम्पन्न आईपीएलमा कोलकाता नाइट राइडर्सको नेट बलरको रुपमा आबद्ध थिए।

टि-ट्वान्टी विश्वकपमा वेस्टइन्डिजले सुपर-१२ चरणमा पहिलो खेल इंग्ल्यान्ड बिरुद्ध अक्टोबर २३ तारिखमा खेल्नेछ। वेस्टइन्डिज रहेको समुह १ मा अस्ट्रेलिया, दक्षिण अफ्रीका, इंग्ल्यान्ड सहित पहिलो चरणबाट आउने दुई टोलि हुनेछन्। प्रतियोगिता अघि आफ्नो पहिलो अभ्यास खेलमा वेस्टइन्डिज पाकिस्तानसंग ७ विकेटले पराजित गरेको थियो। दोश्रो अभ्यास खेलमा वेस्टइन्डिजले अफगानिस्तानसंग प्रतिस्पर्धा गर्दैछ।

टि-२० विश्वकप २०२१ मा वेस्टइन्डिज टिम : Kieron Pollard (c), Nicholas Pooran (vc), Dwayne Bravo, Roston Chase, Andre Fletcher, Chris Gayle, Shimron Hetmyer, Evin Lewis, Obed McCoy, Ravi Rampaul, Lendl Simmons, Andre Russell, Oshane Thomas, Hayden Walsh & Akeal Hosein





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]