अफगानिस्तानद्वारा वेस्टइन्डिज सहजै पराजित, नाबीको घातक बलिंग



टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ।

युएईको अबुधाबी स्थित आईसीसी एकेडेमी मैदानमा अफगानिस्तानले दिएको १९० रनको लक्ष्य पछ्याउने क्रममा वेस्टइन्डिजले २० ओभर ब्याटिंग गरेता पनि ५ विकेट क्षेतीमा १३३ रन मात्र बनायो।

लक्ष्य पछ्याउने क्रममा २७ रनमै सुरुवाती ३ विकेट गुमाएपछि अफगानिस्तान खेलमा हावी रह्यो। मोहम्मद नाबीले लेन्डल सिमोन्स, इभिन लुइस र शिमरन हेटमायरलाई सुरुवातमै पेभेलियन फर्काए। रोस्टन चेजले अविजित ५४ रन तथा निकोलस पुरनले ३५ रन बनाएता पनि जितको लागि प्रयाप्त रहेन। चेज र पुरनले ५० रनको साझेदारी गरेता पनि अफगानिस्तान स्पिनरहरुले किफायती बलिंग गर्दा वेस्टइन्डिजले खुलेर रन बनाउन सकेन।

अफगानिस्तानको बलिंगमा कप्तान मोहम्मद नाबीले ३ विकेट लिए जुन क्रममा ४ ओभरमा २ मेडन ओभर गर्दै मात्र २ रन खर्चिए। नाभिन उल हक र करिम जनतले समान १ विकेट लिए।

यस अघि टस जितेर ब्याटिंग गरेको अफगानिस्तानले २० ओभरमा ५ विकेट क्षेतीमा १८९ रन बनाएको थियो।

अफगानिस्तानको लागि ओपनर हज्र्तुल्लाह जजाईले सर्वाधिक ५६ रन तथा मोहम्मद शाहजादले ५४ रन बनाए। जजाईले ३५ बलमा ८ चौका र २ छक्का तथा शाहजादले ३५ बलमा ६ चौका र १ छक्का प्रहार गरे। रहमनुल्लाह गुर्बजले ३३ तथा नजीबुल्लाह जद्रानले २३ रन बनाए। शाहजाद र जजाईले ९० रनको ओपनिंग साझेदारी गर्दै उत्कृस्ट सुरुवात दिलाएका थिए। दुवै आउट भएपछि गुर्बज र जद्रानले तेश्रो विकेटको लागि ५० रन जोडेका थिए।

वेस्टइन्डिजको बलिंगमा ओबेद म्याकोयले २ विकेट तथा रभी रामपौल, हेडन वाल्श र आन्द्रे रसेलले समान १ विकेट लिए।

विश्वकपको सुपर-१२ चरण अन्तर्गत अफगानिस्तान समुह २ मा रहेको छ जुन समुहमा भारत, पाकिस्तान, न्युजिल्यान्ड तथा समुह चरणबाट आउने दुई टिम हुनेछन्। अफगानिस्तानले अक्टोबर २५ तारिखमा समुह समुह ‘बि’ को विजेतासंग प्रतिस्पर्धा गर्दै प्रतियोगिताको सुरुवात गर्नेछ।  सुपर-१२ चरणमा समुह १ मा रहेको वेस्टइन्डिजको समुहमा इंग्ल्यान्ड, अस्ट्रेलिया र दक्षिण अफ्रीका सहित समुह चरणबाट आउने दुई टोलि हुनेछन्।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]