वेस्ट इन्डिजद्वारा बंगालदेशलाई ३२३ रनको लक्ष्य प्रस्तुत



इंग्ल्याण्डमा जारि एकदिवसीय विश्वकप अन्तर्गत २३ औं खेलमा वेस्ट इन्डिज र बंगलादेश प्रतिस्पर्धा गरिरहेका छन्। खेलमा पहिले ब्याटिंग गर्दै वेस्ट इन्डिजले बंगलादेशलाई ३२२ रनको लक्ष्य प्रस्तुत गरेको छ।

टस हारेर ब्याटिंग गर्ने क्रममा वेस्ट इन्डिज ओपनर क्रिस गेल १३ बल खेल्दै खाता नखोली मोहम्मद सैफुद्दीनको बलमा क्याच आउट भए।

दोश्रो विकेटको लागि अर्का ओपनर इभिन लुइस र शाइ होपले ११६ रनको साझेदारी गरे। लुइस ७० रन बनाएर आउट भए जसअघि ६७ बलमा ६ चौका र २ छक्का प्रहार गरे।

होपले एक किनार सम्हालीरहे र तेश्रो विकेटको लागि निकोलस पुरनसंग ३७ रनको  तथा चौथो विकेटको लागि शिमरन हेटमेयरसंग ८३ रनको साझेदारी गरे। पुरन २५ तथा हेटमेयर ५० रन ( २६ बलमा ४ चौका र ३ छक्का ) बनाएर आउट भए। आन्द्रे रसेल खाता नखोली आउट भए पछि होपले जेसन होल्डरसंग ३९ रनको साझेदारी गरे। होल्डरले ३३ रन ( १५ बलमा ४ चौका र २ छक्का ) बनाए।

४७ औं ओभरमा होप पनि आउट भए जो शतक पुरा गर्न मात्र ४ रनले चुक्न पुगे। १२१ बलमा उनले ४ चौका र १ छक्का प्रहार गरेपछि मुस्तफिजुर रहमानको बलमा क्याच आउट हुन पुगे।

५० ओभरमा वेस्ट इन्डिजले ८ विकेट गुमाएर ३२१ रनको योगफल तयार गर्यो। डेरेन ब्रहो १९ तथा ओशेन थोमस ६ रन बनाएर अविजित रहे।

बंगलादेशको बलिंगमा मोहम्मद सैफुद्दीन ( १०-१-७२-३ ) र मुस्तफिजुर रहमान ( ९-०-५९-३ ) ले ३/३ विकेट तथा शकिब अल हसनले ( ८-०-५४-२ ) ले २ विकेट लिए।

प्रतियोगितामा वेस्ट इन्डिजले ४ खेल खेल्दा १ जित र २ हार बेहोरेको छ भने १ खेल नतिजाविहिन रहेको थियो। बंगलादेशले पनि ४ खेलमा १ जित र २ हार बेहोर्द १ खेल नतिजाविहिन रहेको थियो।

वेस्टइन्डिजले पहिलो खेलमा पाकिस्तानलाई ७ विकेटले पराजित गरेको थियो भने दोश्रो खेलमा अस्ट्रेलियासंग १५ रनले पराजित भएको थियो। दक्षिण अफ्रीकासंगको तेश्रो खेल नतिजाविहिन रहेको थियो भने इंग्ल्याण्डसंग भने ८ विकेटको हार बेहोर्न पुगेको थियो।

बंगलादेशले पहिलो खेलमा दक्षिण अफ्रीकालाई २१ रनले पराजित गरेको थियो भए दोश्रो खेलमा न्युजिल्याण्डसंग २ विकेटको हार बेहोरेको थियो। तेश्रो खेलमा इंग्ल्याण्डसंग १०६ रनले पराजित हुँदा श्रीलंकासंगको चौथो खेल नतिजाविहिन रहेको थियो।





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]