भारतको अपराजित यात्रा जारि, वेस्टइन्डिजको सेमीफाइनल सम्भावना सकियो



इंग्ल्याण्डमा जारि एकदिवसीय विश्वकपमा भारतले आफ्नो अपराजित यात्रा कायम राखेको छ। यस क्रममा उसले वेस्ट इन्डिजलाई सहजै १२५ रनले सहजै पराजित गर्यो।

जित पछि भारतको ६ खेलमा ५ जित र १ बराबरी अंकसहित ११ अंक पुगेको छ र अंकतालिकामा दोश्रो स्थानमा उक्लेको छ। न्युजिल्याण्डको पनि ७ खेलमा ११ अंक रहेको छ भने अस्ट्रेलिया ७ खेलमा १२ अंक सहित शिर्षस्थानमा रहेको छ।

वेस्ट इन्डिजको भने ७ खेलमा मात्र १ जित र ४ हार बेहोर्दै सेमीफाइनल पुग्ने झिनो सम्भावना सकिएको छ। यस अघि अफगानिस्तान र दक्षिण अफ्रीका सेमीफाइनल रेसबाट बाहिरिसकेका छन्।

भारतले यस अघि अफगानिस्तानलाई ११ रनले, पाकिस्तानलाई ८९ रनले, अस्ट्रेलियालाई ३६ रनले तथा दक्षिण अफ्रीकालाई ६ विकेटले पराजित गरेको थियो भने न्युजिल्याण्डसंगको खेल नतिजाविहिन रहेको थियो। भारतले अब आगामी खेल इंग्ल्याण्डसंग जुन ३० तारिकमा, बंगलादेशसंग जुलाई २ तारिकमा र श्रीलंकासंग जुलाई ६ तारिकमा खेल्ने तालिका रहेको छ।

वेस्टइन्डिजको कमजोर ब्याटिंग

भारतले पहिले ब्याटिंग गर्दै दिएको २६९ रनको लक्ष्य पछ्याउने क्रममा वेस्टइन्डिजले ३४.२ ओभरमा १४३ रनमै सबै विकेट गुमाउन पुग्यो।

लक्ष्य पछ्याउने क्रममा वेस्ट इन्डिजले कमजोर सुरुवात गर्यो। क्रिस गेल ६ तथा शाइ होप ५ रन बनाएर शामीको शिकार बने।

त्यसपछि तेश्रो विकेटको रुपमा सुनिल एम्ब्रिस र निकोलस पुरनले ५५ रनको साझेदारी गरे। एम्ब्रिसलाई १८ औं ओभरमा हार्दिक पान्ड्याले एलबिडब्लु गरेपछि वेस्ट इन्डिजले लगातार विकेट गुमायो।

निकोलस पुरन २८, शिमरन हेटमेयर १८, कप्तान जेसन होल्डर ६ तथा कार्लोस ब्राथवेट १ रन बनाएर आउट भए। अन्तिममा केमर रोचले १४ , शेल्डन कटरेलले १० तथा ओशें थोमसले ६ रन बनाएर भारतको जितको प्रतीक्षा लम्ब्याए।

मोहम्मद शामीले थोमसलाई अन्तिम विकेटको रुपमा आउट गरे। फलस्वरूप ३४.२ ओभरमा वेस्ट इन्डिज १४३ रनमा समेटिन पुग्यो।

शामीले ४ विकेट लिने क्रममा ६.२ ओभरमा १६ रन मात्र खर्चिए। यस्तै जस्प्रित बुम्रा ( ६-१-९-२ ) , युझभेंद्र चाहल ( ७-०-३९-२ ) ले २/२ विकेट तथा हार्दिक पान्ड्या ( ५-०-२८-१ ) र कुलदिप यादब ( ९-१-३५-१ ) ले १/१ विकेट ल्यिए।

१८ ओभरमा ७१/३ को अवस्थामा रहेको वेस्ट इन्डिजले थप ७३ रन जोड्दा बाँकी ७ विकेट पनि गुमाउन पुग्यो।

यस अघि पहिले ब्याटिंग गर्ने क्रममा भारतले ५० ओभरमा ७ विकेट गुमाएर २६८ रन बनाएको थियो। भारतको लागि कप्तान बिराट कोहलीले सर्वाधिक ७२, महेन्द्र सिंह धोनीले अविजित ५६, लोकेश राहुलले ४८ तथा हार्दिक पान्ड्याले ४६ रन बनाएका थिए।

India’s Hardik Pandya bats during the 2019 Cricket World Cup group stage match between West Indies and India at Old Trafford in Manchester, northwest England, on June 27, 2019. (Photo by Dibyangshu Sarkar / AFP) / RESTRICTED TO EDITORIAL USE (Photo credit should read DIBYANGSHU SARKAR/AFP/Getty Images)

वेस्ट इन्डिजको बलिंगमा केमर रोचले ३ तथा शेल्डन कटरेल र जेसन होल्डरले २/२ विकेट लिए।

 





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]