होपको शतक, रसेल र होल्डरको आक्रामक इनिंग, वेस्ट इन्डिजको विशाल योगफल



एकदिवसीय विश्वकप सुरु हुनु अघि अन्तिम दिनको अभ्यास खेल अन्तर्गत वेस्ट इन्डिज र न्युजिल्याण्ड प्रतिस्पर्धा गरिरहेका छन्।

काउन्ट्रि ग्राउन्ड ब्रिस्टलमा टस हारेर ब्याटिंग गरेको वेस्ट इन्डिजले ४९.२ ओभरमा सबै विकेट गुमाएर ४२१ रनको विशाल योगफल तयार गरेको छ।

कुनै पनि अधिकारिक खेलमा वेस्ट इन्डिजले बनाएको सबैभन्दा ठुलो योगफल ३८९ हो जुन यसै वर्ष फेब्रुअरीमा उसले इंग्ल्याण्डसबिरुद्ध बनाएको थियो। आज बनाएको ४२१ रन सर्वाधिक भए पनि अधिकारिक रेकर्डमा भने जोडिनेछैन।

वेस्ट इन्डिज ओपनर क्रिस गेल र इभिन लुइसले ५९ रनको साझेदारी गर्दै राम्रो सुरुवात दिलाए। गेल ३६ रन बनाएर आउट भएपछि दोश्रो विकेटको लागि लुइस र शाही होपले ८४ रनको साझेदारी गरे। ५० रन बनाएर लुइस आउट भए। त्यसपछि डेरेन ब्राभो २५ र शिम्रन हेटमेयर २७ रन बनाए।

एक किनार सम्हाल्ने क्रमअ होपले शतक पुरा गरे। ८६ बलमा ९ चौका र ४ छक्का मदतले १०१ रन बनाएर होप आउट भए।

होपको विकेटपछि तल्लो क्रममा कप्तान जेसन होल्डर र आन्द्रे रसेलले विस्फोटक इनिंग खेले। होल्डरले ३२ बलमा ३ छक्का र ३ चौका मदतले ३२ बलमा ४७ रन बनाए। उता रसेलले २५ बलमा ७ चौका र ३ छक्का प्रहार गरे।

कार्लोस ब्राथवेटले २४ र एसले नर्सले अविजित २१ रन बनाए ।

न्युजिल्याण्डको लागि ट्रेन्ट बोल्टले सर्वाधिक ४ विकेट ( ९.२-१-५०-४ ) लिए भने म्याट हेनरी ( ९-०-१०-७-२ ) ले २ विकेट लिए। जेम्स निशाम ( ५-०-४२-१ ) र मिचेल स्यानटनरले ( ९-१-७१-१ ) ले १/१ विकेट लिए।

यस अघि न्युजिल्याण्डले आफ्नो पहिलो अभ्यास खेलमा भारतलाई ६ विकेटले पराजित गरेको थियो भने वेस्ट इन्डिज र दक्षिण अफ्रीका बीचको अभ्यास खेल वर्षाको कारण रद्द भएको थियो। विश्वकप अन्तर्गत न्युजिल्याण्डले श्रीलंकासंग जुन १ मा तथा वेस्ट इन्डिजले पाकिस्तानसंग मे ३१ मा पहिलो खेल खेल्नेछ। विश्वकपको पहिलो खेल मे ३० तारिकमा इंग्ल्याण्ड र दक्षिण अफ्रीका बीच खेलिनेछ।

 





थप समाचार

IPL : मुम्बईलाई हराउदै दिल्ली दोश्रो स्थानमा उक्लियो

भारतमा जारि १४ औं आईपीएल अन्तर्गत १३ औं खेलमा दिल्ली क्यापिटल्सले डिफेन्डिङ च्याम्पियन मुम्बई इन्डीयन्सलाई ६ विकेटले पराजित गरेको छ। […]

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]