पुरनको आक्रामक अर्धशतक बाबजुद वेस्टइन्डिज पराजित, पाकिस्तानलाई अग्रता



दोश्रो खेलमा घरेलु टोलि वेस्टइन्डिजलाई ७ रनले पराजित गर्दै पाकिस्तानले ४ खेलको टि-२० अन्तर्राष्ट्रियको सिरिजमा १-० को अग्रता लिएको छ।

गायना स्थित प्रोभीडेन्स स्टेडियममा पाकिस्तानले दिएको १५८ रनको लक्ष्य पछ्याउने क्रममा वेस्टइन्डिजले पुरै २० ओभर ब्याटिंग गरेता पनि ४ विकेट क्षेतीमा १५० रन मात्र बनाउन सक्यो।

वेस्टइन्डिज ओपनर आन्द्रे फ्लेचर खाता नखोली मोहम्मद हफिजबाट बोल्ड भए भने तथा क्रिस गेल २० बलमा १६ रन बनाएर हसन अलिबाट बोल्ड भए। तेश्रो विकेटको लागि ओपनर इभिन लुइसले शिमरन हेटमायरसंग ३९ रन जोडे। १२ औं ओभरमा हेटमायर १७ रन बनाएर मोहम्मद वासिमबाट बोल्ड भए। ३३ रन बनाएर एक किनार सम्हालीरहेका लुइस घाइते हुँदै मैदान बाहिर भए।

त्यसपछि क्रिजमा निकोलस पुरन र कप्तान काईरन पोलार्ड आए। जितको लागि ३० बलमा ७४ रन आवस्यक हुँदा पुरनले १६ औं ओभरमा मोहम्मद वासिमलाई २ छक्का र १ चौका प्रहार गर्दै आवस्यक रन गति कम गरे। १७ औं ओभरमा हसन अलिले १० रन तथा शाहिन अफ्रिदीले ११ रन खर्चिए जसपछि १२ बलमा जित्न ३५ रन आवस्यक रह्यो।

हसन अलिले गरेको १९ औं ओभरमा पुरनले २ छक्का प्रहार गर्दै २८ बलमा अर्धशतक पुरा गरे। ओभरमा अलिले १५ रन खर्चिए जसपछि अन्तिम ओभरमा जित्न २० रन आवस्यक रह्यो। अन्तिम ओभरको दोश्रो बलमा शाहिन अफ्रिदीले १३ रन बनाएका पोलार्डलाई क्याच आउट गराए भने पहिलो ४ बलमा मात्र २ रन खर्चिए। पुरनले पाँचौ बलमा चौका र छैठौं बलमा छक्का प्रहार गरेता पनि टिमलाई जित दिलाउन सकेनन्। पुरनले अविजित ६२ रन बनाए जुन क्रममा ३३ बलमा ४ चौका र ६ छक्का प्रहार गरे।

पाकिस्तानको बलिंगमा मोहम्मद हफिजले कन्जुस्याइँपूर्ण बलिंग गर्ने क्रममा ४ ओभरमा १ मेडन ओभर गर्दै ६ रन मात्र खर्चेर १ विकेट लिए। शाहिन अफ्रिदी, हसन अलि र मोहम्मद वासिमले पनि समान १ विकेट लिए।


यस अघि टस हारेर ब्याटिंग गरेको पाकिस्तानले २० ओभरमा ८ विकेट क्षेतीमा १५७ रन बनाएको थियो।

ओपनर शर्जिल खान र मोहम्मद रिजवानले ४.४ ओभरमा ४६ रनको साझेदारी गर्दै पाकिस्तानलाई राम्रो सुरुवात दिलाए। २० रन बनाएका खानलाई जेसन होल्डरले क्याच आउट गराए। दोश्रो विकेटको लागि रिजवान र कप्तान बाबर आजमसंग ६७ रन जोडे। १५ औं ओभरमा रिजवान रन आउट हुन पुगे जसले ३६ बलमा २ चौका र २ छक्का मद्दतले ४६ रन बनाए।

अर्धशतक पुरा गरेका बाबर आजमलाई १७ औं ओभरको पहिलो बलमा जेसन होल्डरले निकोलस पुरनबाट क्याच आउट गराए। आजमले ४० बलमा ४ चौका र २ छक्का प्रहार गरे।


१८ औं ओभरमा ड्वेन ब्राभोले ६ रन बनाएका मोहम्मद हफिज र १५ रन बनाएका फखर जमानलाई क्याच आउट गराए। लगत्तै ओभरमा जेसन होल्डरले हसन अलि र सोहेब मक्सुद दुवैलाई खाता नखोल्दै पेभेलियन फर्काए जसपछि वेस्टइन्डिज पूर्णता हावी रह्यो। इनिंग्सको अन्तिम ३ ओभरमा पाकिस्तानले ५ विकेट गुमाउदा योगफलमा १८ रन मात्र जोड्न सक्यो।

वेस्ट इन्डिजको बलिंगमा जेसन होल्डरले सर्वाधिक ४ विकेट लिने क्रममा ४ ओभरमा २६ रन खर्चिए। ड्वेन ब्राभोले २ विकेट लिने क्रममा ४ ओभरमा २४ रन खर्चिए।

सिरिज अन्तर्गत पहिलो खेल वर्षाका कारण नतिजाविहिन रहेको थियो। सिरिजको तेश्रो खेल अगस्ट १ र चौथो खेल अगस्ट ३ तारिखमा खेलिनेछ।





थप समाचार

EPL : नेपाल आइपुगे गत सिजनका सबैभन्दा आक्रामक ब्याट्सम्यान लेभी

सेप्टेम्बर २५ तारिख देखि सुरु हुने एभरेस्ट प्रिमियर लिग टि-ट्वान्टी ( ईपीएल ) को चौंथो संस्करणमा सहभागी हुन दक्षिण अफ्रिकी […]

हातमा आएको जित खोसीएपछि राहुलले भने “यो हार पचाउन गाह्रो छ।”

पन्जाब किंग्सलाई अन्तिम २ ओभरमा जितको लागि मात्र ८ रन आवस्यक थियो र साथमा थियो ८ विकेट। यस्तो अवस्थामा राजस्थान […]

IPL : सनसनीपूर्ण खेलमा राजस्थानद्वारा पन्जाब २ रनले पराजित, त्यागिको अपत्यारिलो ओभर

कार्तिक त्यागिले अपत्यारिलो बलिंग गरेपछि पन्जाब किंग्सलाई राजस्थान रोयल्सले मात्र २ रनले पराजित गरेको छ।  युएईको दुबई अन्तर्राष्ट्रिय क्रिकेट स्टेडियममा […]

IPL : अर्शदिपले ५ विकेट लिंदा उत्कृस्ट सुरुवातको बाबजुद राजस्थान १८५ मा सिमित

युएईमा जारी आईपीएलको दोश्रो फेजको खेल अन्तर्गत लिगको ३२ औं खेलमा पन्जाब किंग्स र राजस्थान रोयल्स प्रतिस्पर्धा गरिरहेका छन्। दुबई […]

IPL : टस हारेर राजस्थान ब्याटिंग गर्दै, पन्जाबको अन्तिम-११ बाट गेल बाहिर

युएईमा जारी आईपीएलको दोश्रो फेजको खेल अन्तर्गत लिगको ३२ औं खेलमा पन्जाब किंग्स र राजस्थान रोयल्स प्रतिस्पर्धा गरिरहेका छन्। दुबई […]

EPL-T20 2021 : कुन टिममा को-को खेलाडीहरु छन्

चौंथो संस्करणको एभरेस्ट प्रिमियर लिग टि-ट्वान्टी ( ईपीएल ) सेप्टेम्बर २५ तारिख देखि सुरु हुँदैछ। यो सिजन पनि लिगको उपाधिको […]