नेपालको तेश्रो खेल कुवेतसंग, पढ्नुस अब के भए विश्वकप छनौटमा पुग्नेछ



सिंगापुरमा जारि टि-२० विश्वकप छनौट  ( एसिया फाइनल ) प्रतियोगिता अन्तर्गत नेपालले आफ्नो तेश्रो खेलमा कुवेतसंग प्रतिस्पर्धा गर्ने छ।  जुलाई २७ तारिक शनिवार हुने खेल नेपाली समय बिहान ७:१५ बजे खेलिनेछ।

अंकतालिकाको पुछारमा रहेको कुवेत मलेसियासंग ४२ रनले पराजित भईसकेको छ भने सिंगापुरसंगको दोश्रो खेल वर्षाले रोकिएपछि १ अंकमा चित्त बुझाउनु परेको थियो। नेपाल कुवेतलाई ठुलो अन्तरले पराजित गर्दै लक्ष्यका साथ खेल्नेछ।

प्रतियोगिता अन्तर्गत पहिलो खेलमा कतारसंग ४ विकेटले पराजित भए पछि नेपालले दोश्रो खेलमा कमब्याक गर्दै मलेसियालाई ७ विकेटले पराजित गर्यो। आयोजक सिंगापुर सहित नेपाल, कतार, कुवेत र मलेसिया सहभागी प्रतियोगिताको विजेता टिमले अक्टोबरमा युएईमा आयोजना हुने टि-२० विश्वकप ग्लोबल छनौट खेल्न पाउनेछ।

यसरी विजेता बन्दै ग्लोबल छनौट पुग्नेछ नेपाल 

२ खेलमा १ जित र १ हार बेहोर्दै २ अंक बटुल्दै अंकतालिकामा तेश्रो स्थानमा रहेको नेपाल निम्न परिस्थितिमा प्रतियोगिताको विजेताको रुपमा ग्लोबल छनौट पुग्न सक्नेछ। सबै ५ टिमले हालसम्म २/२ खेल खेलीसकेका छन्।

अंकतालिकाको ताजा अवस्था

प्रतियोगितामा अब बाँकी रहेका खेलहरु – 

जुलाई २६ –  कुवेत VS कतार र सिंगापुर VS मलेसिया
जुलाई २७ – कुवेत VS नेपाल र मलेसिया VS कतार
जुलाई २८ – सिंगापुर VS नेपाल

परिस्थिति १- नेपालले दुवै खेल जित्ने र सिंगापुरले मलेसियालाई पराजित गर्यो भने  

नेपाल सहजै फाइनल पुग्ने हो भने नेपालले बाँकी दुवै खेलमा कुवेत र सिंगापुरलाई पराजित गर्नुपर्नेछ र साथै सिंगापुरले मलेसियालाई पराजित गर्यो भने नेपाल विजेता बन्नेछ। यसो भए नेपालको ६ अंक हुनेछ भने सिंगापुरको अधिकतम ५ र मलेसियाको अधिकतम ४ अंक हुनेछ।

परिस्थिति २ नेपाल र मलेसिया दुवैले बाँकी २/२ खेल जित्यो भने 

नेपालले दुवै खेल जित्यो र मलेसियाले पनि बाँकी दुवै खेल ( सिंगापुर र कतारलाई ) जित्यो भने नेपाल र मलेसिया दुवैको ६/६ अंक हुनेछ यसो भए नेट रन-रेटमा अघि हुने टिम विजेता हुनेछ। नेट रन रेटमा नेपाल हाल मलेसिया भन्दा धेरैले पछि रहेको छ। मलेसियाको १.०९१ रहंदा नेपालको भने मात्र ०.१२३ रहेको छ। नेपालले नेट रन रेट सुधार्न बाँकि २ खेल ठुलो अन्तरले जित्नु पर्नेछ। यो परिस्थिति आउदा नेपाल नेट रन रेटमा नपुग्ने पनि सम्भावना हुने हुँदा सिंगापुरले मलेसियालाई पराजित गरोस् भन्ने चाहना नेपालको हनेछ।

परिस्थिति ३ – नेपाल र कतार दुवैले बाँकि दुवै खेल जित्यो भने 

नेपालले बाँकी दुवै खेल जित्यो र कतारले पनि बाँकी दुवै खेलमा कुवेत र मलेसियालाई पराजित गरेको खण्डमा नेपाल र कतारको पनि ६/६ अंक हुनेछ। यो अवस्थामा पनि नेट-रन रेटको आधारमा विजेता तय हुनेछ। तर यो कतारको नेट रन रेट हाल निकै कमजोर -०.६५८ रहेकोले नेपाललाई पछि पार्न मुस्किल रहेको छ।

यो सबै समीकरण नेपालले दुवै खेल जितेको आधारमा हो। यदी नेपालले बाँकी २ खेल मध्ये एउटा मात्रै हार्ने हो भने परिस्थिति असम्भव जसो बन्छ। तसर्थ भोलि मलेसिया र सिंगापुर र कुवेत र कतार बीचको खेलले समीकरण अझै सहज हुनेछ।

पानि नपरोस् 

मलेसियासंगको खेल वर्षाले प्रभावित भएको भए नेपालको टि-२० विश्वकप खेल्ने सपना टुंगिन सक्थ्यो। ९/९ ओभरको खेल भए पनि नेपालले २ अंक प्राप्त गर्न सफल रह्यो। तर अब पनि नेपालले बाँकी खेलमा पानि नपरोस् भन्ने कामना गर्नुपर्नेछ। एउटा खेल मात्रै रोकियो र अंक बाँड्नु पर्यो भने नेपाललाई पुनः मुस्किल हुन सक्छ। अन्डर-१९ विश्वकप छनौटमा युएईसंगको खेल वर्षाले रोकिदा नेपालले बेहोरेको क्षेती हामीले पक्कै बिर्सेका छैनौ त्यसैले नेपाली समर्थकहरुले इन्द्रदेवलाई भने सम्झिरहेकै फलदायी हुनेछ। मौसम पूर्वानुमान अनुसार पानि पर्ने सम्भावना कम प्रतिशतमा देखिए पनि सिंगापुरको मौसमको भने पक्कै भर हुनेछैन।

अंक बराबरी भएको खण्डमा हेड टु हेड हुन्छ या नेट रन-रेट हेरिन्छ ? 

अन्तिममा टिमहरुको अंक बराबरी भएमा जसले बढी खेल जित्छ त्यो टिमलाई विजेता घोषणा गरिनेछ। अंक र जितेको खेल पनि बराबरी भएको खण्डमा नेट-रनरेटको आधारमा टिमलाई विजेता घोषणा गरिनेछ।

 





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]