वुमेन्स च्याम्पियन्स लिग टि-२० : टिम र मार्की खेलाडीको घोषणा



  • विकेटनेपाल, चैत-२९ , शुक्रबार 

क्विन्स इभेन्ट म्यानेजमेन्टको आयोजनामा संचालन हुने वुमेन च्याम्पियन्स लिग टि-२० प्रतियोगितामा सहभागी हुने टिम र मार्की खेलाडी घोषणा गरिएको छ।

प्रतियोगितामा ५ टोलि सहभागी हुनेछन् जसको नाम नेपालका ५ शहरबाट राखिएको छ। शुक्रबार राजधानीमा आयोजित कार्यक्रममा टिम र मार्की खेलाडी घोषणा भएको हो। क्यापिटल्स रोयल काठमाडौँ, पोखरा पल्टन, चितवन राइनोज, ललितपुर फाल्कोन्स, बिराटनगर टाईटन्स गरि लिगमा कुल ५ टिम सहभागी हुने छन्।

क्विन्स इभेन्ट्सले यसै वर्ष आयोजना गरेको पोखरा प्रिमियर लिगमा रहेका ३ टिम पोखरा पल्टन, चितवन राइनोज र बिराटनगर टाईटन्स वुमेन्स च्याम्पियन्स लिगमा पनि सहभागी हुनेछन्।

लिगमा खेल्ने ५ टिमको मार्की खेलाडीहरुको नाम समेत घोषणा गरिएको छ। महिला राष्ट्रिय टिमको कप्तान समेत रहेकी रुबिना क्षेत्री क्यापिटल्स रोयल काठमाडौँको मार्की खेलाडी हुनेछिन्। यस्तै पोखरा पल्टनको मार्की सिता राना मगर, चितवन राइनोजको मार्की इन्दु बर्मा, ललितपुर फाल्कोनको मार्की नेरी थापा तथा बिराटनगरको मार्की सरिता मगर हुनेछिन्।

क्यापिटल्स रोयल काठमाडौँको स्वामित्व जेफोर स्पोर्ट्सको दिपा अग्रवालको नाममा रहेको छ। यस्तै पोखरा पल्टनको स्वामित्व विनायक पोखरेलको, चितवन राइनोजको स्वामित्व मिङ्ग्मा डोन्डु , ललितपुर फाल्कोनको स्वामित्व श्रिजना जोशी तथा बिराटनगरको स्वामित्व पुर्व राष्ट्रिय क्रिकेटर समेत रहेका पारस लुनियाको रहेको छ।

 टिम  मार्की खेलाडी  मालिक
क्यापिटल्स रोयल काठमाडौँ  रुबिना क्षेत्री  दिपा अग्रवाल ( जेफोर स्पोर्ट्स )
पोखरा पल्टन  सिता राना मगर  विनायक पोखरेल
चितवन राइनोज  इन्दु बर्मा  मिङ्ग्मा डोन्डु शेर्पा
ललितपुर फाल्कोन  नेरी थापा  श्रीजना जोशी
 बिराटनगर टाईटन्स  सरिता मगर  पारस लुनिया

मिति नजुध्ने 

नेपालमा घोषणा भएको यो दोश्रो महिला फ्रेंचाईज टि-२० प्रतियोगिता हो। यस अघि घोषणा भएको वुमेन्स टि-२० क्रिकेट लिगले अक्सन समेत गरिसकेको छ। वुमेन्स टि-२० क्रिकेट लिग जेठ ६ गते देखि १३ गतेसम्म आयोजना हुने घोषणा भएको छ।

यस अघि वुमेन्स च्याम्पियन्स लिग पनि जेठ ६ गते देखि आयोजना हुने भनिएको थियो। प्रतियोगिताको मिति जुधेपछि क्विन्स इभेन्ट्सले वुमेन्स च्याम्पियन्स टि-२० लिगको मिति नजुध्ने बताएको छ।

क्विन्स इभेन्ट्स म्यानेजमेन्टमा राष्ट्रिय क्रिकेट टिम कप्तान पारस खड्का, उपकप्तान ज्ञानेन्द्र मल्ल र छुम्बी लामा संलग्न रहेका छन्। यस अघि म्यानेजमेन्टले पोखरामा पोखरा प्रिमियर लिग टि-२० संचालन गरिसकेको छ जसमा ६ शहरको प्रतिनिधित्व गर्ने टिमहरु सहभागी थिए।





थप समाचार

कप्तान मल्लले बताए अमेरिकासंग हारको प्रमुख कारण

ओमानमा जारी आईसीसी विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजमा लगातार दोश्रो हार बेहोर्ने क्रममा नेपाल अमेरिकासंग ६ विकेटले पराजित […]

डेब्युमा कस्तो रह्यो गुल्सनको प्रदर्शन

नेपाली घरेलु क्रिकेटमा मात्र दुई वटा खेलमा गरेको प्रदर्शनको बलमा गुल्सन झाले नेपाली राष्ट्रिय क्रिकेट टिममा स्थान बनाउदै शुक्रबार डेब्यु […]

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]