महिला क्रिकेट हेर्न दर्शकको घुइँचो ( फोटो फिचर सहित )



  • विकेटनेपाल, २४ पुष, बोदेबर्साइन 

मंगलबार बोदेबर्साइनको जाजरा मैदानमा मैत्रीपूर्ण महिला क्रिकेट खेल हेर्न ठुलो संख्यामा दर्शकहरु पुगे।

महिला क्रिकेटको विकासको लागि सेभ द चिल्ड्रेनको साझेदारीमा सबल नेपालले सप्तरी जिल्लामा डेढ महिना देखि प्रशिक्षण गराएको थियो। प्रशिक्षणको लागि काठमाडौँ देखि राष्ट्रिय क्रिकेट टिमका प्रशिक्षक जगत टमाटा पनि सप्तरी पुगेका थिए भने कीर्तिमानी स्थानीय राष्ट्रिय खेलाडी मेहबुब आलमले पनि महिला खेलाडीहरुलाई क्रिकेट ‘क’ सिकाए। कार्यक्रममा करिब १०० जना महिला खेलाडीहरुले सहभगिता जनाएका थिए।

मङ्सिर १३ गते देखि सुरु भएको प्रशिक्षण कार्यक्रमको समापन स्वरुप आयोजना गरिएको मैत्रीपूर्ण क्रिकेट हेर्न साना देखि ठुला मात्रै हैन बृद्ध बृद्धा देखि गृहिणीहरु पनि पुगेर आफ्ना चेलीहरुलाई हौसला प्रदान गरे। ब्याट र बल के हो थाहा नभएको अवस्था देखि किशोरीहरुले चौका हानेको र विकेट लिएको दृश्य मनमोहक थियो। अझ रोमान्चक अवस्थामा पुगेको फाइनल खेलले दर्शकहरुको उत्साहमा सुनमा सुगन्ध थपेको थियो।

टि-२० क्रिकेट प्रतियोगिता अन्तर्गत भएको मैत्रीपुर्ण महिला क्रिकेटमा खडक नगरपालिकाले सुरुंगा नगरपालिकालाई रोमान्चक खेलमा ४ विकेटले हराउदै उपाधि हात पार्यो।

टस जिती पहिलो ब्याटिंग गर्ने निर्णय गरेको सुरुंगा नगरपालिकाले निर्धारित १० ओभरका खेलमा ८ बिकेटको नोक्सानीमा ७२ रनको योगफल तयार पारेका थिए। सुरुंगाका लागि गिता चौधरीले १७ तथा बिपना चौधरीले १२ रनको योगदान दिएका थिए। बलिंगतर्फ खडकका सुस्मीता चौधरीले ४ ओभरमा २१ रन दिई ३ बिकेट तथा पुजा चौधरी र कृति चौधरीले सामान २ विकेट लिएका थिए।

७३ रनको लक्ष्य लिई मैदानमा ओर्लेको खडकले उक्त लक्ष्य रोमान्चक रुपमा अन्तिम ओभरको अन्तिम बलमा भेटाएका थिए। खडकलाई बिजयी दिलाउन भोलावति चौधरीले बिस्फोटक २० बलमा ६ चौकाको मद्धतले नटआउट रहि ३४ रनको योगदान दिएका थिए भने अन्जली चौधरीले १६ रनको योगदान दिएका थिए । बलिंग तर्फ सुरुंगाका मोनिका चौधरी र गिता चौधरीले सामान ३ विकेट लिएका थिए।

खेलको प्लेयर अफ द म्याच खडक नगरपालिकाका भोलावति चौधरीलाई नगद तथा पुरस्कार सहित सम्मान गरिएको । बिजयी खेलाडिलाई सप्तरी क्रिकेट संघका सदस्य अनवर अलीले ट्रफी वितरण गरेका थिए।





थप समाचार

‘टस जितेर न्युजिल्यान्डले बलिंग गरे भारत सस्तोमा समेटिनेछ’ – शेन बोन्ड

भारत र न्युजिल्यान्ड बीच आईसीसी वर्ल्ड टेस्ट च्याम्पियनसिपको उपाधिको लागि जुन १८ तारिख शुक्रबार प्रतिस्पर्धा हुनेछ। इतिहासकै पहिलो टेस्ट च्याम्पियनसिप […]

पाकिस्तान सुपर लिग छोडेर डु प्लेसिस घर फर्कने

दक्षिण अफ्रिकी क्रिकेटर फाफ डु प्लेसीसले युएईको अबुधाबीमा जारि पाकिस्तान सुपर लिगको आगामी खेल नखेल्ने र प्रतियोगिता छाडेर दक्षिण अफ्रीका […]

PSL : सरफराज कप्तानीको क्वेटाको दोश्रो जित

लाहोर कलन्दर्सलाई १८ रनले पराजित गर्दै क्वेटा ग्ल्याडीएटर्सले पाकिस्तान सुपर लिगमा आठौँ खेल खेल्दा दोश्रो जित दर्ता गरेको छ। शेख […]

वर्ल्ड टेस्ट च्याम्पियनसिप फाइनलको लागि भारतीय टिमको घोषणा

न्युजिल्यान्ड बिरुद्ध १८ जुनमा खेलिने आईसीसी वर्ल्ड टेस्ट च्याम्पियनसिपको लागि भारतीय क्रिकेट बोर्ड ( बिसीसीआई ) ले १५ सदस्यीय टोलिको […]

भारत बिरुद्ध टेस्ट च्याम्पियनसिप फाइनलको लागि न्युजिल्यान्ड टिमको घोषणा

भारत र न्युजिल्यान्ड बीच इंग्ल्यान्डमा खेलिने आईसीसी वर्ल्ड टेस्ट च्याम्पियनसिपको फाइनल खेलमा केन विलियमसन न्युजिल्यान्ड टिमको नेतृत्व गर्न उपलब्ध भएका […]

हाईस्कोरिंग खेलमा मुनरो र एहमदको शानदार ब्याटिंग, इस्लामावादको उत्कृस्ट जित

कोलिन मुनरो र इफ्तिखार एहमदले आक्रामक ब्याटिंग गर्दा पाकिस्तान सुपर लिग अन्तर्गत २२ औं खेलमा इश्लामावाद युनाइटेडले ८ विकेटको शानदार […]